Etop Liahona eke ofuri Ofiong, December 2021

Mbuk Ufokemana Anwam Mbon Ntongo Ubon Nnyin

Mbuk ufokemana edi ndikut ye ndikpep nkpo mbanga mbon ufok emana nnyin. Nnyin nko isinyene iko ibanga mbon mtongo ubon nnyin man nnyin ikeme ndinam utom eke temple nno mmo.

Ufokemana edi ufot ke uduak inemesit Ete eke Heaven. Enye ama ebenge usung onim ono ufokemana ndidu ke nsinsi. Nte nnyin inamde mbuk ufokemana ye utom eke temple, nnyin inwam ndimen mbon ufokemana nnyin, mme odu uwem ye mme akpanga mkpa, mbok kiet. (“Utom eke temple” oworo ndibo mme edinam eke temple nno idem nnyin, nte ke ndidian kiet ye mme mbon ndo, kpa nte ndinam mme edinam ke temple nno mme etete nnyin.)

Mbuk Ufokemana ye Utom eke Temple

Kpukpru owo emi ekedude uwem mme edidude ke isong eyom mme edinam eke iko Abasi. Edieke mbon ntongo ubon nnyin mikinyeneke ufang oro, nnyin imikeme ndinam mme edinam nno mmo ke temple. Kiet ke otu edinam oro edi ndidian kiet ye mbon ufokemana. Ndidian “kiet” oworo ke nnyin nko iyekeme ndidu do ye mme ufokemana nnyin ke nsinsi edieke inamde sifon. Nnyin imikeme ndidiana ye mbon ufokemana nnyin kpot ke mme temple.

Mme edidiong eke Utom Mbuk Ufokemana.

Mbuk ufokemana ekeme ndinwam nnyin isongo ebuana ye mme odu uwem mbon ufokemana nnyin. Nte nnyin ibuanade mme mbuk, mme ndise, ye mme nkpo editi efen ye kiet eken, nnyin itongo uduk ufokemana. Nko nnyin isongo ima emi nnyin inyenede ino kiet eken. Mme prophet nko enwongo nko ete ke ndinam utom eke mbuk ufokemana eyemen nnyin ekpere Jesus Christ.

Ndiyom Mbon Ntongo Ubon Nnyin

Ete ke Heaven oyom nnyin idiana ye ufokemana nnyin idahaemi ye mme etete nnyin. Mbemiso nnyin ikeme ndidiana ye mme etete nnyin, ana nte nnyin iyom mmo inyung idong mme iko kabanga mmo. Edi mbuk eke ufokemana okpon akan ndiyom mme enying, mme usen, ye mme ebiet. Nte nnyin ikpepde ibanga mbon ntongo ubon nnyin, nnyin iyenehede ikop nte idianade ye mmo.

© 2021 otode Intellectual Reserve, Inc. Ekpeme kpukpru unen ndiming. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Etop Liahona eke Ofuri Ofiong, December ke isua 2021. Efik. 17476 553