Ebusua Abakɔsɛm Boa Hɛn Ewuakɔr

Ebusua abakɔsɛm nye yɛrohwehwɛ hɛn ebusua mu mba na yerusũa hɔn ho nsɛm. Yɛsan so boaboa hɛn ewuakɔr hɔn ho nsɛm ano ama yeetum aayɛ temple edwuma ama hɔn.

Ebusua ebusua yɛ adze tsitsir ma Ɔsor Egya Ne enyigye ho nhyehyɛɛ. Oesiesie kwan ama ebusua ebusua dɛ wɔbɔkɔ do afebɔɔ. Sɛ yɛyɛ hɛn ebusua abakɔsɛm na temple edwuma a, yɛboa dze hɛn ebuasua mu mba a wɔtse ase na woewuwu beenu no, kã hɔn bɔmu. (“Temple edwuma’’ n’asekyerɛ nye yɛregye temple ayɛdze horow ama hɛnho, tse dɛ wɔrosɔw hɛn ano aka hɛn ɔhokafo ho, dɛmara dɛ yɛreyɛ ayɛdze horow wɔ temple ama hɛn ewuakɔr.)

Ebusua Abakɔsɛm na Temple Edwuma

Nyimpa biara a ɔatsena ase anaa ɔbɛtsena asaase do no hia asɛmpa n’ayɛdze horow no. Sɛ hɛn ewuakɔr ennya dɛm kwan no a, yebotum ayɛ ayɛdze horow dze ama hɔn wɔ temple. Ayɛdze horow no mu kor nye wɔrosɔw hɛn ano akã ebusua mu mba ho. “Wɔrosɔw ano” n’asekyerɛ dɛ sɛ yɛyɛ tsenenee a yebotum nye hɛn ebusua ebusua atsena ase afebɔɔ. Wobotum asɔw hɛn ano akã hɛn ebusua ebusua ho wɔ temple nko mu.

Ebusua Abakɔsɛm Edwuma ho Nhyira horow

Ebusua abakɔsɛm botum aboa hɛn ma yɛahyɛ hɛn nye ebusua mu mba a wɔtse ase no nkitahodzi dzen. Sɛ yɛnye hɛn ho nkorkor kyɛ nsɛm, mfonyin, na nkaadze ahorow a, yɛkyekyer ebusua koryɛ. Yɛsan so hyɛ ɔdɔ a yɛwɔ ma hɛn ho nkorkor no mu dzen. Nkɔnhyɛfo asan so abɔ anohoba dɛ yɛreyɛ hɛn ebusua abakɔsɛm ho edwuma no dze hɛn bɛbɛn Jesus Christ yie.

Yɛrohwehwɛ Hɛn Ewuakɔr

Ɔsor Egya pɛ dɛ wɔsɔw hɛn ano kã hɛn ebusua ebusua akɔntsen na hɛn ewuakɔr ho. Ansaana wɔbɔsɔw hɛn ano akã hɛn ewuakɔr ho no, ohia dɛ yehu hɔn ho nsɛm na nkyii yɛdze sie. Naaso ebusua abakɔsɛm kyɛn dɛ erohwehwɛ edzin, nda, na mbeambea ara. Sɛ yesũa hɛn ewuakɔr hɔn ho nsɛm a, yɛbɛtse nkã yie dɛ wɔkã hɛn ho.

© 2021 odzi wɔ Intellectual Reserve, Inc. All rights reserved. Wotsintsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly Liahona Message, December 2021 ne Nkyerɛasee. Fante. 17476 502