Matulongan ti Family History Dagiti Kapuonantayo

Ti family historty ti panangtakuat ken panangsursuro maipanggep kadagiti miembro iti pamilatayo. Magun-odtayo pay dagiti impormasion maipapan kadagiti kapuonantayo tapno maaramidtayo ti aramid iti templo para kadakauada.

Ladawan

amin a text

Dagiti pamilia ti sentro iti plano ti kinaragsak ti Nailangitan nga Ama. Insaganana ti maysa a wagas para kadagiti pamilia tapno makapagtultuloyda iti agnanayon. Bayat ti panangaramidtayo iti family history ken aramid iti templo, matulongantayo a mapagkaykaysa dagiti miembro ti pamiliatayo, para kadagiti agpada a sibibiag ken natay. (Ti kayat a sawen ti “aramid iti templo” ket ti panangawat kadagiti ordinansa iti templo nga agpaay kadatayo, kas ti pannakailantip iti asawatayo, ken kasta met iti panangaramid kadagiti ordinansa iti templo para kadagiti kapuonantayo.)

Ti Family History ken Aramid iti Templo

Ti tunggal tao a nagbiag wenno agbiagto iti daga ket agkasapulan kadagiti ordinansa ti ebanghelio. Ngem no awan iti kasta a gundaway para kadagiti kapuonantayo, mabalintayo nga aramiden para kadakuada dagiti ordinansa iti templo. Maysa kadagita nga ordinansa ket ti mailantip kadagiti miembro ti pamilia. Ti kaipapanan ti “pannakailantip” ket ti makapagbiagtayonto nga agnanayon a kadua ti pamilitayo no nalintegtayo. Mabalintayo a mailantip kadagiti pamiliatayo iti templo laeng.

Dagiti Bendision ti Family History Work

Ladawan

pamilia

Mapasingkedan dagiti relasiontayo kadagiti sibibiag a miembro ti pamiliatayo babaen ti family history. Bayat ti panangibinglaytayo kadagiti estoria, ladawan, ken dadduma pay a pakalaglagipan iti tunggal maysa, maipasdektayo dagiti bengkes ti pamilia. Mapatibkertayo pay ti pangipategtayo iti tunggal maysa. Inkari pay dagiti propeta a ti panangaramidtayo iti family history ket mayas-asidegnatayonto ken ni Jesucristo.

Panangsapul Kadagiti Kapuonantayo

Ladawan

dagiti kasuratan iti Chinese

Kayat ti Nailangitan nga Ama a mailanitiptayo kadagiti agdama a pamiliatayo ken kadagiti kapuonantayo. Sakbay a mabalintayo a mailantip kadagiti kapuonantayo, nasken a sapulen ken italimengtayo dagiti impormasion maipapan kadakuada. Ngem ti family history ket ad-adda pay ngem iti panagsukisok iti family history kadagiti nagan, petsa, ken lugar. Bayat a maammuantayo ti maipapan kadagiti kapuonantayo, ad-adda a naas-asideg ti riknatayo kadakuada.

© 2021 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly Liahona Message, December 2021. Ilokano. 17476 864