“A Reksi ra Telungalk a Ngosuterir a re Beldeked ,” Liahona, Ongeteruich ma ongerul buil 2021
Klumech er a Bek el Buil Liahona, Ongeteruich ma ongerung, 2021
A Reksi ra Telungalk a Ngosuterir a re Beldeked
A reksi ra telungalk a ochotid e osisecheklid el kirel a re bebil er kid. Kede dirrek el lolkeed a tekoi el kirir a re beldeked luchul e kede kutmokl a ureor ra templo el kirir.
A telungalk a redemelel sel luldesuel a Demad ra Babeluades el kirel a deurreng. Ngii a mla sumecheklii a rael el kirel a telungalk meng melmolem el mo cherechar. Sel douedikel el kirel a reksi ra telungalk ma ureor ra templo, e kede olngeseu el lolsiseb ra re bebil er kid, a re ngar ma re mla mad, el mo dmak. (“A ureor ra templo” a belkul a kmo kede ngmai a ikel chedaol ruoll ra templo el kired, uaisel de mouak ra buch el mora bechid, e dirrek el mengetmokl a chedaol ruoll ra chelsel a templo el kirir a re beldeked.)
Reksi ra Telungalk ma Ureor ra Templo
A rokui el chad el mle ngar malechub e te mei ra beluulechad a ousbech a ikel chedaol lureor ra ebangkelio. Alsekum ea re beldeked a dimlak el nguu sel techall, eng sebeched el kutmokl a ikal chedaol lureor el kirir ra chelsel a templo. A tara a ikel chedaol ureor sel bode merenged el mora re bebil er kid. Sel mo “merenged” a belkul a kmo kid a sebeched el ngar el mo cherechar lobengterir a telungalk er kid, a lsekum a kede mekedung. Ng sebeched el merenged el mora telungalk er kid ra di chelsel a templo.
Klengeltengat er a Urrerel a Reksi er a Telungalk
A reksi ra telungalk a ngosukid el smisiich a delongeled ma re dirke kiei el bebil er kid. Sel de kerous a cheldecheduchi, ng siasing, ma bebil ra dilubech el tekoi ra delongeled, e kede mekdubech a deliongel ra telungalk el mo mesisiich. Kede dirrek el smisichii sel beltik el reng ra delongeled. A re profets a dirrek el mla yaksok el kmo sel dongetmokl ra reksi ra telungalk er kid a mo okedid el kmal mo kmeed e ra Jesus Kristo.
Osiik er a Rebeldeked
A Demad er a Babeluades a soal a demouak el mo er a telungalek er kid er chelechang me a dirrek el rebeldeked. Uchei er a demouak el mo er a rebeldeked, eng kired el smiik a tekoi el kirir. Eng di a reksi er a telungalek a diak di dosiik a ngakl, me a cherellir, me a basio e lemerekong. Sel dosuub el kirir a rebeldeked, e ked emo metik er kid lulak el mo er tir.
© 2021 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Monthly Liahona Message, December 2021. Palauan. 17476 881