“Chepin e Tabinaew era ayuweg e Gidii’ Rodad ni Kakrom,” Liahona, December 2021
Milwol ni Ngan Thapeg ko biney e Pul nifan e Liahona ko, December 2021
Chepin e Tabinaew era ayuweg e Gidii’ Rodad ni Kakrom
Chepin e tabinaew e be pire’eg ma be fil mornga’agen e gidii’en e chepin e tabinaew rodad. Ka gamad ma kunuy mornga’agen e gidii’ rodad ni kakrom ni ngeyag ni ngan rrin’ e murwel ko temple nifan ngorad.
Tabinaew e kabang ni rib ga’fan ko tonom ko falfalaen’ rok e Chitamangdad nu Tharmiy. Ke ngongliy rogon nrayag ni nge ul’ul’ e tabinew nge par ni manemus. Nap’an ni gadadra ngongliy chepin e tabinaew nge murwel ko temple rodad, ma aram ni gadad be ayuweg gathon e tabinaew rodaed, tin nib kab fos nge tin nike yim’, nga yib nga ta’abang. (“Murwel ko Temple” be yipfan ni ngan thapeg fapi gam’ing ko temple nifan ngodad, wod e bagol ni ngan seal nag, ni ku wod rogon ni yima rrin’ e gam’ing ulan e temple nifan ngak e gidii’ rodad ni kakrom.)
Chepin e Tabinaew nge Murwel ko Temple
Gubin e gidii nib fos fa ra par u fayleng e ba tu’uf rok fapi gam’ing ko fare gospel. Fa’an fapi gidii’ rodad ni kakrom e de yag ngarad e biney, rayag ni ngad rrin’ed e gam’ing nifan ngorad ulan e temple. Reb e pi gam’ing ney e ngal seal nag gathon e tabinaew nga ta’abang. “Seal” nigey e be yipfan ni gadadra par e tabinaew rodaed ni manechubog ni fa’anra gadad ba yul’yul’. Rayag ni ngan seal nagdad ko tabinaew rodad ni kemus ulan e temple.
Tawa’ath ko Murwel ko Chepin e Tabinaew
Chepin e tabinaew e rayag ni nge gel nag e tha’ rodad ko gidii’en e tabinaew rodad nib fos. Nap’an ni gadadra weliy fapi yaat, sassing, nge ku boch ban’en ni gadadra weliy ngodad, ma aram ni gadad be gel nag e tha’ ko tabinaew rodad. Ma aram ni gadad be gel nag fare t’ufeg rodad ngodad. Fapi profet e ke micheg ni ngongliy chepin e tabinaew rodad era fekdad nge chuchugur nagdad ngak Yesus Kristus.
Gay pi Gidii’endad ni Kakrom
Chitamangdad nu Tharmiy e ba’adag ni ngad seal gad ko tabinaew rodad nge gidii’ rodad ni kakrom. U mm’on ni ngan seal nagdad ko gidii’ rodad ni kakrom, ba tu’uf ni ngan pire’eg min ayuweg mornga’agen rad. Machane chepin e tabinaew e gathi kemus rogon aray ni ngan gay fithingan rad, rofen, nge ggin rabad riy. Nap’an ni gadadra fil mornga’agen e gidii’ rodad ni kakrom, gadadra thamiy ni gadadra peth ngorad.
© 2021 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Mulwol ni Ngan Thapeg ko biney e Pul nifan e Liahona ko, December 2021. Yapese. 17476 905