“Iduo Ekedi Kiet Ke Otu Uduak Abasi,” Liahona, Akpa Ofiong ke isua 2022
Etop Liahona eke ofuri Ofiong, January 2022
Iduo Ekedi Kiet Ke Otu Uduak Abasi
Ke ntak iduo, nnyin ima inyene ukeme ndi ndi ke isong nko imikeme ke usen kiet ndifiak nkedu ye Ete nnyin eke Heaven.
Adam ye Eve ke Inwang Eden, eke Robert T. Barrett
Ke Inwang Eden, Abasi ama owuk Adam ye Eve ete ekudia mfri eto ifiok eti ye idiok. Ndien Enye ama odoho mmo, “ke mbufo emekeme ndimek ke idem mbufo , … edi, eti ete ke mewuk mbufo” (Moses 3:17). Satan odomo Eve ke ndidia mfri eto oro. Enye odoho enye ete, “Afo ayetie nte mme abasi, ke ndifiok eti ye idiok” (Moses 4:11). Enye ama adia mfri oro oyung abuana ye Adam. Abasi abin mmo osio ke Inwang Eden.
Iduo
Ebin Adam ye Eve esiori ke Inwang, otode Gary L. Kapp, ekeme nditre nditiene ŋwed
Kini Adam ye Eve ekpongde Inwang Eden, mmo ikoduho aba ke iso Abasi. Edidiangade emi mkpong Abasi ekot mkpa eke spirit. Ndikpong inwang nko oworo ke Adam ye Eve ema akabare enyene ikpok idem ndien enyene ukeme ndikpa. Okposuk edi nte Adam ye Eve mikiduho aba ke iso Abasi ndien ekedi ke ikpok idem, mmo ema ekop inemesit enyung enyene idorenyin kini mmo ekutde ke imekeme ndikori (see Moses 5:10–11). “Adam okoduo man owo ekpedu; ndien owo edu, man mmo enyene inemesit.”(2 Nephi 2:25).
Ini Ndidomo
Kini nnyin imanade, nnyin iduhe ye Abasi aba, kpa nte Adam ye Eve ekenamde ke mmo ema ekeduo. Satan odomo nnyin ndinam idiok mbumek. Mme idomo emi ayak edomo nnyin ese ndien imek kotu eti ye idiok(see Alma 12:24). Ini kiet kiet emi nnyin inamde idiok ndien ikabakede esit, nnyin ikori ikpong Ete eke Heaven. Edi adieke nnyin ikabade esit, nnyin ikori ikpere Ete nnyin ke Heaven.
Mkpa Ikpokidem
Ekenam isong eno nnyin (se ke 1 Nephi 17:36). Iduo anam amem ono Adam ye Eve ke ndinam ewuho Abasi ke ndinyene ndito, anamde nnyin ndidi ke isong ke ikpok idem. Ikpok idem nnyin usen kiet ayekpa, edi spirit nnyin ayeka iso ndidu uwem. Ikpok idem ye spirit nnyin usen kiet ayefiak adiana kiet kini nnyin ima iset ke mkpa.
Jesus Christ anyanga nnyin
Ediset ke Mkpa, otode Harry Andersen
Otode ke odudu uwa-isop Jesus Christ, nnyin imekeme ndikan mkpa eke ikpok idem ye eke spirit. Koro Christ ama aset ke mkpa, kpukpru owo emi emanade ke isong eyeset enyung edu uwem ke nsi nsi. Nko koro Christ ama okobo ufen ke ntak nnyin, nnyin imekeme ndikabade esit inyung inyene edifen nno man nnyin ikeme ndidu ye Ete nnyin eke Heaven ini kiet efen.
© 2021 otode Intellectual Reserve, Inc. Ekpeme kpukpru unen ndiming. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Etop Liahona eke Ofuri Ofiong, January ke isua 2022. Efik. 18295 553