Bosoom Bosoom For the Strength of Youth Amandzɛɛbɔ, Kwakwar 2022

Genesis 11–50

Patriarchfo No

Woananom a na Siantsir a Ɔyɛ Ehiadze

Ebia a hom atse Abraham, Isaac, na Jacob ho nsɛm. Yɛtaa kenkan hɔn ho nsɛm wɔ Mormon Nwoma mu na nokwar ara hom bɛtse hɔn ho nsɛm pii ber a hom sũa Ahyɛmu Dadaw no afe yi. Wɔkã hɔn ho nsɛm pii no, ɔyɛ adze a hɔn ho behia papa, ɔnntse dɛm? Naaso itum bisa woho dɛ, “Dɛn ntsi na mbanyin baasa a wɔtsenaa ase mfe mpempem a wɔabasen kɔ no hɔn ho hia ndɛ?’’ Oye, dɛm nyiano no ne tsitsir no wɔ onnyiewiei ahyɛmudzi na anohoba horow a Nyankopɔn dze maa hɔn no mu.

Abraham

Jarom Vogel yɛɛ nsaano mfonyin horow no

Nna Abraham yɛ nkɔnhyɛnyi okunyin. Nna ɔyɛ tseneneenyi na ɔyɛ setsie maa Nyankopɔn ne mbrasɛm.

Wonumaa no, onyaa asɔfodzi no, na wɔsɔɔw no ano kãa ne yer Sarah ho maa mfesantsen.

Nyankopɔn nye Abraham dzii ahyɛmu dɛ n’asefo bɛyɛ kɛse na wobenya nhyira noara a onyae no.

Wɔdze Jesus Christ asɛmpa no ne mãhyɛ no bɔkɔ asaase n’aman horow no nyina do.

Isaac

Nna Isaac yɛ Abraham na Sarah hɔn babanyin.

Nyankopɔn kãa kyerɛ Abraham dɛ ɔmfa Isaac mbɔ afɔr. Nna Abraham dɔ Isaac naaso ɔsan mu yii dɛ ɔbɛyɛ setsie ama Nyankopɔn. Abraham ayɛ krado ara a dɛ ɔdze Isaac robɔbɔ afɔr no, sor ɔbɔfo kãa kyerɛɛ no dɛ ongyae. Abraham na Isaac hɔn pɛ dɛ wɔbɛyɛ setsie ama Nyankopɔn no yɛ Nyankopɔn Ne Ba Kortoo no Ne Werdambɔ no ho sɛnkyerɛdze.

Nhyira noara a wɔdze hyiraa Abraham no na wɔdze bɔɔ Isaac anohoba.

Jacob

Tse dɛ n’egya na ne nanabanyin no, Jacob yɛɛ nokwafo maa Nyankopɔn.

Osian no nokwardzi ntsi, Ewuradze sesaa Jacob ne dzin yɛɛ no Israel, a n’asekyerɛ “nyia a ɔnye Nyankopɔn dzi nyim’’ anaa “Hom mma Nyankopɔn ndzi nyim” (hwɛ Bible Dictionary, “Israel’’).

Jacob nyaa mbabanyin 12. Mbabanyin yinom na hɔn ebusua ebusua bɛyɛɛ Israel ebusuakuw no.

Nyankopɔn yɛɛ ahyɛmudzi a ɔnye Abraham dzii no fofor maa Jacob na na mba.

Patriarchfo no na Ɔwo

Dɛ iyɛ Asɔrba no, ekã Abraham, Isaac, na Jacob hɔn asefo no ho. Ahyɛmudzi a wɔnye Nyankopɔn dzii no fa wo ho!

Iwɔ nhyira na asodzi dɛ ibɛgye wo dase wɔ Agyenkwa no ho na akyɛ asɛmpa no.

Wɔsan so frɛ wo dɛ tõ nsa frɛ obiara ma ɔnyɛ na onsie ahyɛmudzi na ɔngye asɔfodzi ayɛdze horow no. President Russell M. Nelson akã dɛ iyi nyinara kã Israel mboano ano no ho a, “ɔyɛ adzehiadze a ɔrokɔdo wɔ asaase do ndɛ’’ (“Hope of Israel,’’ [wiadze nyina mu mbabun mpaabɔsom, Obiradzi 3, 2018], 8, ChurchofJesusChrist.org).

© 2022 odzi wɔ Intellectual Reserve, Inc. All rights reserved. Wotsintsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly For the Strength of Youth Message, February 2022 ne nkyerɛasee. Fante. 18344 502