Etop Liahona eke ofuri Ofiong, February 2022

Mme Ediomi Eyire Nnyin ye Abasi

Ndinam ye ndinim mme ediomi emen mme edidiong edi.

Ediomi edi enwongo ke ufot Ete eke Heaven ye mme ndito Esie. Enye anam mme nkpo kabanga mme ediomi emi nnyin inamde ye Enye. Kini nnyin inamde se Enye obupde, nnyin iyebo ediwak edidiong. Nko nnyin inyeneke edidiong kpot ke isong—Kini nnyin inamde inyung inimde mme ediomi, nnyin iyefiak inyong ikedu ye Abasi ye mme ufokemana nnyin ke heaven usen kiet.

uduok-mmong

Ediomi ye mme Edinam

Nnyin inam mme ediomi ke ini inamde mme edinam. Ana nte nnyin ibo mme edinam oro inyung inim mme ediomi ke ndifiak nnyong nkedu ye Abasi. Enam mme edinam ke unen eke itieoku. Mme edinam oro odongo baptism ye ndoriubok, ndibo itieoku Melchizedek (onode irenowo), ye mme edinam emi ibode ke temple. Ke ini sacrament, mbon Ufok-abasi edemede mme enwongo mmo ekenamde ye Abasi (seke Doctrine and Covenants 20:77, 79).

udia-Ọbọŋ

Mme Ediomi Anwam Nnyin Ndidu Edinen Ido

Ke ini baptism, nnyin inwongo nditiene Jesus Christ, nditi Enye kpukpru ini, nnyung nim mme ewuho (seke Doctrine and Covenants 20:37). Abasi onwongo ete ke Edisana Spirit eyedu ye nnyin kpukpru ini.

Kini iren owo ebode itieoku, mmo enwongo ndidu edinen ido kabanga odudu itieoku eke Abasi. Abasi onwongo ndidiong mmo. (Skee Doctrine and Covenants 84:33–40.)

Brazil Recife Temple

Uwutnkpo eke Recife Brazil Temple otode James Porter

Mme Ediomi emi Inamde ke Temple

Kini mbon Ufokabasi ebode edinam eke idem mo ke temple, mmo enwongo ndidu edinen ido nnyung nwaidem nno ikoabasi. Enwongo eno mmo odudu emi otode Abasi (seke Doctrine and Covenants 38:32; 109:22).

Ke ini inamde edidiana eke temple, ebe ye nwan enam ndo eke nsi nsi nko enwongo ndidu ke mbuotidem ye kiet eken ye ke Abasi. Abasi onwongo ke mmo ekeme ndifiak mbine Enye nnyung ndu nte ufokemana ke nsi nsi. (Seke Doctrine and Covenants 132:19–20.)

mme missionary

Nnyin Idi Mbon Enwongo

Mbon oro edukde Ufok Abasi Jesus Christ eke mme Ndisana Owo ke Ukpere Edem Ini ekabade edi mbon enwongo eke Abasi. Mmo nko enyene mme edidiong ye mme ubiong utom eke ediomi Abraham (seke Galatians 3:27–29). Ndidi kiet ke mbon ediomi Abasi oworo nnyin inwam kiet eken nte nnyin isikde ikpere Christ. Enye nko oworo nte inam utom ke ndisongo Ufok Abasi ke isong. Kini nnyin inimde mme ediomi nnyin, nnyin imekeme ndikut odudu ye ukeme otode Abasi.

Otode Nwed Abasi

Kini mmo ekebode baptism, Alma ye mbon esie ema enam ediomi ndinwam kiet eken nnyung nim mme ewuho Abasi (seke Mosiah 18:8–11).

Ke mmo ema ekekpuhode, mbon emi esuade Nephi ye Lehi ema enam ediomi ke mmo idmenke mme nkpo ekong aba (seke Alma 24:17–19).

Abasi ama anam ediomi ye Abraham (seke Abraham 2:9–11).

© 2022 otode Intellectual Reserve, Inc. Ekpeme kpukpru unen ndiming. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Etop Liahona eke Ofuri Ofiong, February ke isua 2022. Efik. 18313 553