Olwelah uh Orekuhtweni nuh sin God

Oraclah ac liyacacng olwelah uh use mwe ahkinsewowo.

Olwelah se pa wuhlweacng se inmahsrlon Pahpah Inkuhsrao ac tuhlihk Nahtuhl. El oakiyac ohiyac nuh ke olwelah kuht oraclah nuh Sel. Ke kuht oruh ma El siyuck uh, kuht eis mwe insewowo pucspucs. Ac kuht ac tiac ingacn na eis mwe insewowo fin facluh—ke kuht oraclah ac liyacacng olwelah uh, kuht fah kuh in fohlohk muhta yurin God ac sucu inkuhsrao lasr sie lwen.

Wuhlweacng ac Akwuck uh

Kuht oraclah olwelah fal nuh ke akwuck. Kuht enenuh in eis akwuck ingacn ac ahkosr olwelah in muh fohlohk muhta yurin God. Akwuck ma ahkfahsryeyuck sin wal luhn pristut. Akwuck ingacn pa pacptais ac ahkkweyeyucklac, eis Melchizedek Pristut (nuh sin mukul), ac akwuck kuht eis in tempuhl. Ke pacl in eis kuhfa luhn Leum, mempucr ke Alu se ahksasucye olwelah ma elos oraclah nuh sin God (liye Doctrine and Covenants 20:77, 79).

Olwelah uh Kahsre Kuht in Moul Suwohswohs

Ke pacl se pacptais uh, kuht olwelah muh in ukwe Jisus Kraist, Esamuhl pacl nuhkwewa, ac liyacacng masap (liye Doctrine and Covenants 20:37). God El olwelah lah Nguhn Muhtahl fah wi kuht pacl nuhkwewa.

Ke mukul uh eis pristut uh, elos olwelah muh elos ac moul suwohswohs ke kuh luhn pristut luhn God. God El olwelah muh in ahkinsewowoyaclos. (Liye Doctrine and Covenants 84:33–40.)

Olwelah Kuht Oraclah lun Tempuhl.

Ke mempucr ke Alu uh eis olwelah muhtahl lalos lun tempuhl, elos olwelah in moul suwohswohs ac kihsackuhnuhloslac nuh ke wosasuc uh. Elos eis olwelah kuh sin God (liye Doctrine and Covenants 38:32; 109:22).

Ke pacl se ma sil in tempuhl uh orek uh, mukul ac muhtwacn se pahyuckyak nuh tok ma pahtpaht ac olwelah in suwohswohs nuh sin sie sin sie ac nuh sin God. God El olwelah muh elos kuh in fohlohk muhta Yohrohl ac muhta ekihn sucu ma pahtpaht. (Liye Doctrine and Covenants 132:19–20.)

Kuht pa mwet wuhlweacng Lal.

Elos suc sroacng nuh ke Alu luhn Jisus Kraist luhn Mwet Luhlahlfongi ke Lwen-sahflah eklac mwet wuhlweacng luhn God. Elos oacyacpac usrui mwe insewowo ac kunohkohn ke wuhlweacng lal Abraham (liye Galatians 3:27–29). Ekihn ipin mwet wuhlweacng luhn God kalmac pa kuht kahsruh kais sie ke kuht fototoyang nuh sin Kraist uh. Oacyacpac kalmac pa kuht orekma in ahkkweye Alu luhn God fin facluh. Ke kuth oraclah olwelah uh, kuht konwacack kuh ac fokoko sin God mwe.

© 2022 ke Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lwenglah luhn Monthly Liahona Message, February 2022. Kosraean. 18313 868