M’ag ni ma Peth nagdad ngak Got

Tay min mugu’uliy pi m’ag ma fek e tawa’ath ngodad.

M’ag ni’ir e micheg uthilin Chitimangdad nu Tharimy nge Pifak. Ir ma dugliy fapi motochiyel ko pi m’ag ni gadad ma tay Rok. Napan gadadma fol ko pi’in nibe fith dad, gadad ma thapeg bo’or e tawa’ath. Nge gathi kemus e tawa’ath nga fayleng—napan ni ngad fol gad ko pi m’ag rodad, ra sul min paer dad rok Got nge pi tabinaw rodad borran u tharimy.

Pi M’ag nge Gam’ing

Gadad ma tayed pi m’ag napan e ngongoliy ko boech e gam’ing. Thingarda athapeg pi gam’ing nge fol ko pi m’ag nem ni ngad suloed min pired rok Got. Pi gam’ing e ngongoliy nrogon matawon e priesthood riy. Pi gam’ing ma un ngay tawfe nge tawa’ath ko Kan Thothup, athapeg fare Melchizedek Priesthood (ko pumo’on), nge pi gam’ing nibe thapeg dad nga lan e temple. Napan e sacrament, chongin e Galasia ma fal’eg bayay pi m’ag kan tay nagrad ngak Got (muguy ko Doctrine and Covenants 20:77, 79).

Pi M’ag mra Ayuwegdad ni ngad Paer mib Mat’aw Rodad

Napan tawfe, gadadma micheged ni ngad fol ku Yesus Kristus, sulaen’ dad Ngak, min fol ko pi motochiyel (muguy Doctrine and Covenants 20:37). Got ma micheg ni Kan Thothup mra paer rodad gubin ngiyal’.

Napan ni thapeg pumo’on fare priesthood, mra micheged ni ngar paer nib yul’yul’ ko gelingin Got nib priesthood riy. Got ke micheg ni ra tawa’ath nagrad. (Muguy ko Doctrine nge Covenants 84:33–40.)

Pi M’ag Gadad ma Toey ulan e fare Temple

Napan pi chongin e Galasia ma athapeg fare endowment rorad nga lane temple, yad ma m’ag ni ran paer nib yul’yul’ min maligach tin nib t’uf ko fare gospel. Kan m’ag ngorad gelingin Got (muguy ko Doctrine and Covenants 38:32; 109:22).

Napan e m’ag pa’ u temple, pumo’on nge ppin e mabgol gow nib manechubog mar micheg gow ni ngar yul’yul’ gow ngorow nge Got. Got ma micheg ni rayog ni ngar sulgow Ngak nga paer nib tabinaw nib manechubog. (Muguy ko Doctrine and Covenants 132:19-20.)

Gadad e Gidii’ nib Mag

Picha’an nibe un Fare Galasia Rok Yesus Kristus ni fan ko Gidii’ Rok ko Tin Tomur e Rran ra manged gidii’ nib m’ag rok Got. Yad ma athapeged pi tawa’ath nge muruwel ko re m’ag rok Abraham (muguy ko Galatians 3:27-29). Fini gadad e gidii’ nib m’ag ngak Got ra yip fan gadad me ayuweg bigidad napan gadadma chugur gad ngak Kristus. Mra yip’ fan ni ngad muruwliy gad ni ngad gel nag Galasia rok Got nga dakaen e fayleng. Napan gadad ma koel chilen pi m’ag rodad, ra yib gelingin rok Got.

© 2022 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Ni pilyeg ko Mulwol nu Liahona nifen e Pul ko, February 2022. Yapese. 18313 905