Etop Liahona eke ofuri Ofiong, March 2022

Ndinam Mme Ikoot eke Ufok Abasi

Mme adaibuot ke ufok Abasi ebup mbon ufok Abasi ete enwam ke mme asanga-asanga ubiong-utom emi ekotde “mme ikoot.” Mme ikoot ono mbon Ufok Abasi ufang ke ndinam nkpo nno mbon efen ye ke ndisik mkpere Abasi.

erenowo etiede ke ewewere nkpo-isang ekpepde ke ubet-ukpep ke Ufok Abasi

Ndise otode David Bowen Newton

Kini nnyin inamde mme ikoot nnyin, nnyin inwam ndinam utom Abasi osu. Nnyin ikpep mbon efen ibanga Ete ke Heaven ye Jesus Christ inyung inwam mbon oro nnyin ikpepde ndisanga mkpere Mmo. Nnyin nko ibo mme edidiong nte nnyin inwamde ke mbuotidem.

Ndibo Mme Ikoot

akparawa eren adade ke iso Ufok Abasi

Edi Abasi okoot Mbon oro enamde utom ke Ufok Abasi . Mme ada ibuot ke Ufok Abasi ebong akam eyom ntuk-spirit ke ndifiok enye emi mmo edikotde ete enwam ke ikoot kiet-kiet. Adaibuot ndien obup mbon ufok Abasi ete enwam onyung anam anwanga mmo mme utom se edinamde ke ikoot oro. Esidibede-ubok eno mbon Ufok Abasi ke mbono Ufok Abasi emi mbon eke ward mme branch enode edibede-ubok enyime. Emi oworo ete ke mmo enyime ndidiana ye owo emi ekotde. Adaibuot itie oku ndien eyeno owo oro edidiong. Ekot emi ndino unen edisio nim. Eyeno owo oro unen ke ndinam nkpo ke ikoot ye mme edidiong efen ndinwam enye ke ndinam utom.

Mme Bishop

Bishop edi adaibuot ke ward. (Ke branch, branch president edi ukem nte bishop.) Stake president emek enyene itie oku emi odotde man ekoot nte bishop. First Presidency eno unyime ke ikoot emi. Ndien edibede-ubok eno bishop enyung eno enye unen ke ndinam utom. Enye nko obo mme ukpohode itie-oku, oworode ke enyene unen ke ndida usung ke ward. Nte bishop, enye anam utom onyung ada mbon owo usung ke ward.

Presidencies

Mme eboho itie-oku ye Relief Society, Nkaiferi Iban, Ndito-nwong, ye Sunday School edi mme presidency eda usung, edide president ye mme onoitem. Mbon stake presidency ekot enyung emek mme adaibuot ke eboho ebio-owo enim. Mbon bishopric edoho mbon ufok Abasi ete enwam ke mme presidency efen ke ward enyung eno mmo enim ke ndinam utom. Kpukpru mme adaibuot enam nkpo eno mbon ufok Abasi ke mme eboho mmo mme nka mmo. Mmo enwam ke unana eke mbon ufok Abasi enyung enwam mmo ekop ima Abasi.

nnwan emende udia osok eka akamade eyen

Mme Ikoot Efen

Mme Ikoot eke Ufok Abasi efen odongo ukpep nkpo, ndinwam ke ikwo, ndinim mme nwed, ndibenge mbanga edinam nno iwaad ye ndito-nwong, ndinam nkpo ke mme usung efen. Ikoot kiet kiet ke Ufok Abasi edi akpan onyung ono mbon ufok Abasi ufang ke ndinam nkpo nno mbon efen ye Abasi. Nte nnyin kpukpru inamde utom otokiet ke ndinam ikoot oworo osu, nnyin isongo mbon efen idem inyung inwam Ufok Abasi ndikori.

Otode Nwed Abasi

Ikoot ke ndinam nkpo ke Ufok Abasi oto Abasi (se Articles of Faith 1:5).

Ekoot nnyin enyung eno unen ke ndinam utom mbemiso nnyin inam nkpo ke ikoot (se Ukpebnkpɔ ye Ediomi 42:11).

Nte nnyin inamde ubiongutom nnyin, nnyin inwam ndibop Ufok Abasi (se Ukpebnkpɔ ye Ediomi 84: 109– 10).

Ndikpep Adanga-nte Edinamde Ikoot Mbufo

Ndinyene ikoot edi akwa unen ke ndinwan mbon efen. Ikoot kiet kiet enyene mme ubiong utom mmo, ntre edi akpan nkpo ndikpep mmo nte afo otongode ndinam utom. Se mme nkpo eke edinwamde mbufo mi:

• Ting iko ye adaibuot emi okonode fi ikoot. Bup banga oruk ukpep emi afo okpobode.

• Se banga ikoot fo ke General Handbookeke Ufok Abasi, odude ke Churchofjesuschrist.org. Nwed oro enyene mme ibuot kabanga Relief Society, eboho ebio-owo, Ndito-nwong, ye mbon eken.

• Bong akam yom ntuk-spirit, nyung kpepbe mme Nwed Abasi ye uting iko eke akwa mbono ye ikoot fo ke esit. Ete ke Heaven eyenehede odiong fi ndinwam ndito Esie.

© 2022 otode Intellectual Reserve, Inc. Ekpeme kpukpru unen ndiming. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Etop Liahona eke Ofuri Ofiong, March ke isua 2022. Efik. 18296 553