Ubutumwa Ngarukakwezi bwa Liyahona , Werurwe 2022

Gukora Imihamagaro y’Itorero

Abayobozi b’Itorero basaba abanyamuryangogufasha mu nshingano zihariye zizwi nk’ ”imihamagaro’ Imihagamagaro iha abanyamuryango amahirwe yo gufasha abandi kandi bakegera Imana.

Ishusho yashushanyijwe na David Bowen Newton

Iyo dukorera itorero mu mihamagaro yacu, dufasha Imana gusoza umurimo wayo. Twigisha abandi ibyerekeye Data wo mu Ijuru na Yesu Kristo kandi tugafasha abo twigisha kubegera. Kandi natwe duhabwa umigisha uko dufasha twizeye

Kwakira Imihamagaro

Abo bafasha mu rusengero bahamagarwa n’Imana. Abayobozi b’itorero basengera guhumekwaho kugira bamenye uwo basaba gufasha muri buri muhamagaro Umuyobozi noneho agasaba umunyamuryango gufasha kandi agasobanura inshingano z;uwo muhamagaro. Abanyamuryango bashyigikirirwa mu ikoraniro ry’Itorero aho abanyamuryango b’ishami batanga ijwi ryo kumushyigikira. Ibi biba bivuga ko bifuza gushyigikira umuntu uhamagawe. Uwo munyamuryango noneho agahabwa umugisha n’umuyobozi ufite ubutambyi. Ibi byitwa ”kwemezwa” Umunyamuryango agahabwa ububasha bwo gufasha mu muhamagaro n’indi migisha kugira ngo bimufashe gufasha abandi.

Abepiskopi

Umwepiskopi ni umuyobozi wa paruwasi. (Mu ishami, umuyobozi w’ishami aba afite umwanya w’umwepiskopi Umukuru w’urumambo asabira umunyamuryango ufite ubutambyi ubikwiriye guhamagarirwa kuba umwepiskopi, Ubuyobozi Bukurubbwemeza umuhamagaro. Umwepiskopi noneho agashyigikirwa maze akemezwa kugira ngo afashe Noneho agahabwa imfuguzo z’ubutambyi, bikaba bisobanura ko afite ubushobozi bwo kuyobora paruwasi. Nk’umushumba, afasha kandi akayobora abanyamuryango bose ba paruwasi.

Ubuyobozi

Amahuriro y’abatambyi n’amatsinda y’Umuryango Uruhura , Inkumi, Abana, n’Ishuri ryo ku cyumweru bigira ubuyobozi, ubusanzwe umuyobozi n’abajyanama babiri. Abayobozi b’Ihuriro ry’abakuru bahamagarwa kandi bakemezwa n’ubuyobozi bw’urumambo Ubuyobozi bwa paruwasi asaba abanyamuryango gufasha mu bundi buyobozi muri paruwasi kandi bukamwemeza. Abayobozi bose bafashiriza abanyamuryango mu mu mahuriro no mu matsinda. Bafasha abanyamuryango mu byo bakeneye kandi bakabafasha kwumva urukundo rw’Imana.

Indi mihamagaro

Indi mihamagaro y’itorero irimo kwigisha, gufasha mu ndirimbo, kubika inyandiko, gutegura gahunda z’urubyiruko n’abana, no gufasha mu bundi buryo. Buri muhamagaro mu Itorero ni ingenzi kandi uha abanyamuryango amahirwe yo gufasha abandi no gukorera Imana. Uko twese dukorera hamwe kugira ngo twuzuze imihamagaro yacu, dukomeza abandi kandi dufsha Itorero gukura.

Byavuye mu Byanditswe Byera

Imihamagaro yo gufasha mu Itorero ituruka ku Mana (reba Ingingo z’Ukwizera 1:5).

Turahamagarwa kandi tukemezwa mbere y;uko dukora umuhamagaro(reba Inyigisho n’ Ibihango 42:11).

Iyo dukora imihamagaro yacu, tuba dutanga umusanzu wo kubaka Itorero (reba Inyigisho n’ Ibihango 84:109–10).

Kwiga Uburyo wakora umuhamagaro Wawe

Kugira umuhamagaro ni amahirwe akomeye yo gufasha abandi. Buri muhamagaro ufite inshingano zawo bwite, bityo ni iby’ingenzi kuzimenya igihe utangiye gufasha. Hano hari ahavuye amakuru yo kubafasha

• Ganira n’umuyobozi waguhaye umuhamagaro. Baza amahugurwa ushobora guhabwa.

• Shakisha umuhamagaro wawe mu Gitabo Rusange, cy’itorero, kaboneka ku rubuga ChurchofJesusChrist.org. Gafite ibice bivuga ku Umuryango uruhura, ihuriro ry’abakuru, Ishuri ry’abana, n’ibindi.

• Sengera umuhamagaro wawe, kandi wige ibyerekeye ibyanditswe byera n’ibiganiro wungukira mu nama rusange ugirana n’umuhamagaro wawe mu ntekerezo zawe. Data wo mu ijuru azaguha umugisha kugira ngo ufashe abana be neza.

© 2022 na Intellectual Reserve, Inc. All rights reserved. Cyacapiwe muri Leta Zunze Ubumwe z’Amerika. Ukwemerwa mu Cyongereza: 6/19. Ukwemerwa k’ubusemuzi: 6/19. Ubusemuzi bwa Monthly Liahona Message, Mutarama 2022 Kinyarwanda. 18296 716