Pweng ke Liahona Mahlwem Nuhkwewa, Mahs 2022

Kuhlwacnsap ke Kunohkohn luhn Alu uh

Mwet kol ke Alu uh siyuck sin mempucr in kuhlwacnsap ke orekma srihsrngiyucki etweyuck muh pa “kunohkohn.” Kunohkohn uh sang nuh sin mempucr uh pacl se in kuhlwacnsapuh mwet sahyac ac tuhkuh fototoyang nuh sin God.

Petsac itucklac sel David Bowen Newton

Ke kuht kuhlwacnsap ke kunohkohn lasr uh, kuht kahsruh ahkfahsryelah orekma luhn God. Kuht luti mwet sahyac kacl Pahpah Lucng ac Jisus Kraist ac kahsrwelos suc ma kuht luti uh in fototyang nuh Selos. Kuht oacyacpac eis mwe insewowo ke kuht kuhlwacnsap ke luhlahlfongi uh.

Eis Kunohkohn

Elos suc kuhlwacnsap ke Alu uh pahngyak sin God. Mwet kol ke Alu uh pruhe suk kolyuck in etuh lah suc elos ac siyuck in kuhlwacnsap ke kais sie kunohkohn inge. Sie mwet kol el tuh siyuck sin mempucr in kuhlwacnsap ac ahkuhtweyac ma kunwac ke kunohnkohn se. Mempucr uh ahkkweyeyucklac ke sie miting luhn Alu uh suc ma mempucr ke ward ac pracns ngihsre ke sie fot in ahkkweyeyuck. Kalmac pa elos kena ahkkweye mwet se ma pahngyak ah. Mempucr uh fah ituckyang nuh se sie mwe insewowo sin sie mwet kol ke pristut. Pahngpahng ma se inge akmuhsralah. Mempucr uh ituckyang nuh se kuh in orekma ke kuhnohkohn la an ac kuhtwena mwe insewowo sahyac in kahsrwel kuhlwacnsap.

Pisap

Pisap se pa mwet kol se ke ward se. (Ke pracns se, pracns prestuhn se el oacna pisap se.) Stek prestuhn el ngihsre mwet sruok pristut suwohswohs se in pahngpahng muh pisap se. Prestuhnsi Se Met ahkkweyelah kunohkohn sacn. Pisap sacn tuhfah ahkkweyeyucklac ac akmuhsrahlah in kuhlwacnsap. El oacyacpac eis ki luhn pristut, suc kalmac pa oasr kuh ituckyang nuh sel in kol ward se. Ekihn pisap se, el kuhlwacnsap ac kol mempucr nuhkwewa ke ward se.

Prestuhnsi

U srihsrihk luhn Pristut ac Relief Society, Muhtwacn Fuhsr, Tuhlihk Srihsrihk, ac u luhn Sacnri Skul kolyuck sin prestuhnsi, wacna prestuhn se ac mwet in kahsruh luo lal. Prestuhnsi ke U luhn Elders pahngyak ac akmuhsrahlah sin stek prestuhnsi. Mwet luhn pisrap siyuck sin mempucr in kuhlwacnsap ke prestuhnsi sahyac ke ward se ac akmuhsraelos lac. Mwet kol nuhkwewa kuhlwacnsapuh mempucr ke u srihsrihk kuh u. Elos karihngihn kasruh enenuh luhn mempucr ac kahsrwelos puhlakihn luhngse luhn God.

Kunohkohn Sahyac

Kunohkohn sahyac luhn Alu uh pa luti, kahsruh ke on, sihmihs ma enenuh, plwacnelah mukwikwi nuh sin mwet fushr kuh tuhlihk srihsrihk, ac kuhlwacnsap ke ohiyac sahyac. Kais sie kunohkohn ke Alu uh yohk srihpac ac sang nuh sin mempucr sie pacl in kuhlwacnsuhpuh mwet sahyac ac in kuhlwacnsuhpuh God. Ke kuht nuhkwewa orekma in ahkfahsryelah kunohkohn lasr, kuht ahkkweye mwet sahyac ac kahsrwelos in kapkapwack ke Alu uh.

Ke Ma Suhmuhslah uh

Kunohkohn in kuhlwacnsap ke Alu uh tuhkuh sin God me (liye Ip Yohk ke Luhlahlfongi 1:5).

Kuht pahngonyuck ac akmushrahlah met liki kuht kuhlwacnsap ke kunohkohn se (liye Doctrine and Covenants 42:11).

Ke kuht kuhlwacnsap ke kunohkohn lasr uh, kuht kahsruh muhsahi Alu uh (liye Doctrine and Covenants 84:109–10).

Lotwelah lah Kom ac Oruh Fuhkah Kunohkohn Lom an

Oasr kunohkohn la sie orekma na yohk in kahsruh mwet sahyac. Kais sie kunohkohn oasr kain in ma kunwac, na oruh yohk srihpac in lutlut kwaclos ke kom muhtwacwacack in kuhlwacnsap uh. Pa inge kuhtuh kuhfa ma kuh in kahsrwe kom:

• Sramsram nuh sin mwet kol lom an lah suc usot kunohkohn lom an. Siyuck lah ahkpah fuhkah kom kuh in eis.

• Liye kunohkohn lom an ke General Handbook luhn Alu uh, oasr ke ChurchofJesusChrist.org. Oasr Sapta ke acn luhn Relief Society, u luhn elders, Primary, ac kuhtuh sahyac.

• Pruhe in suk kolyuck, ac lutlut ke ma suhmuhslah ac sramsram ke toeni luhlahp in nuhnkuh ke kunohkohn lom an. Pahpah Lucng El fah ahkinsewowoye kom in kuhlwacnsuhpuh tuhlihk Nahtuhl wo.

© 2022 ke Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lwenglah luhn Pweng ke Liahona Mahlem Nuhkwewa, Mahs 2022. Kosraean.18296 868