Mukenji wa ku Ngondo wa Liahona Ngondo Muisatu 2022

Kusadila mu Mabikila a Ekelezia

Balombodi ba Ekelezia badi balomba bidimba bua bisadila mu midimu mishilashilangana mimanya bu “mabikila.” Mabikila adi apesha bidimba diakalenga dia kusadila bakuabu ne kusemena pabuipi ne Nzambi.

muntu mu nkuasa wa nkata ulongesha mu kalasa ka Ekelezia

Foto ya kudi David Bowen Newton

Patudi tusadila mu mabikila etu, tudi tuambuluisha dikumbana dia mudimu wa Nzambi. Tudi tulongesha bakuabu malu adi atangila Tatu wa Mudiulu ne Yezu Kilisto ne tuambuluisha batudi tulongesha bua kusemena kudibu. Tudi tupeta kabidi mabenesha patudi tusadila ne lulamatu.

Kupeta kua Mabikila

nsonga muluma muimana kumpala kua bantu mu Ekelezia

Aba badi basadila mu Ekelezia mbabikidibua kudi Nzambi. Balombodi ba Ekelezia badi basambila bua kupeta lungenyi bua kumanya udi mua kusadila mu dibikila dionsu. Mulombodi udi ulomba tshidimba bua kusadila ne utshiumvuija majitu a dibikila. Bidimba bidi bituibua mpanda mu bisangilu bia Ekelezia bua bidimba bia tshikongu anyi ditamba bifila disungula dia mpanda. Etshi tshidi tshiumvuija ne, badi batua muntu udi mubikidibua mpanda. Nunku tshidimba netshipeta pashisha dibenesha dia kudi mulombodi wa buakuidi. Etshi tshidi tshibikidibua ne kuteka pa luseka. Tshidimba ne tshipeta bukokeshi bua kukuata nabu mudimu mu dibikila ne mabenesha makuabu akumuambuluisha nawu mu disadila dienda.

Bepiskopo

Muepiskopo udi mulombodi wa tshikongo. (Mu ditamba, mulombodi mukulu wa ditamba udi bu muepiskopo.) Mulombodi mukulu wa dikunji udi ufila muntu muena buakuidi mukumbana bua kubikidibua muepiskopo. Bulombodi Bukulu bua Kumpala budi bufila dianyisha pa dibikila. Pashisha Muepiskopo udi utuibua mpanda ne utekibua pa luseka bua kusadila. Udi upeta kabidi nsapi ya buakuidi, tshidi tshiumvuija ne, udi ne bukokeshi bua kuludika tshikongu. Bu muepiskopo, udi usadila ne ulombola bidimba bionso bia tshikongo.

Malombodi Makulu

Mpuilu wa buakuidi ne Bamamu Bambuluishi, Bansonga Bakaji, ne Kalasa ka Bana, ne malongolodi a Kalasa ka Dialumingu bidi bilombodibua kudi malombodi makulu, pa tshibidilu kudi mulombodi mukulu ne babedi babidi. Malombodi a mpuilu ya bakulu adi abikidibua ne atekibua pa luseka kudi bulombodi bukulu bua dikunji. Buepiskopo budi bulomba bidimba bua kusadila mu malombodi makulu makuabu mu tshikongu ne atekibua pa luseka. Balombodi bonsu badi basadila bidimba mu mpuilu anyi mu malongolodi abu. Badi batangila majinga a bidimba ne babambuluisha bua kumvua dinanga dia Nzambi.

muntu mukaji udi ufila biakudia kudi mamu muambula muana

Mabikila Makuabu

Mabikila Makuabu a Ekelezia adi atangila kulongesha, kuambuluisha mu kuimba, kulama miandiku, kulongolola bibilu bua bansonga ne bana, ne kuambuluisha mu mishindu mikuabu. Dibikila dionsu mu Ekelezia didi ne mushinga ne difila diakalenga kudi bidimba bua kusadila bakuabu ne kusadila Nzambi. Mu dienza mudimu pamue bua kukumbaja mabikila etu, tudi tukankamika bakuabu ne tuambuluisha Ekelezia bua kukola.

Kupitshila ku Mifundu

Mabikila a kusadila mu Ekelezia adi afuma kudi Nzambi (tangila Tunungu tua Ditabuija 1:5).

Tudi tubikidibua ne tutekibua pa luseka kumpala kua kusadila mu dibikila (tangila Dilongesha ne Bipungidi 42:11).

Mu disadila mu mabikila etu, tudi tuambuluisha Ekelezia bua kukola (tangila Dilongesha ne Bipungidi 84:109–10).

Longa Muudi mua Kukumbaja Dibikila Dieba

Kuikala ne dibikila mmushindu mulenga wa kusadila bakuabu. Dibikila dionsu didi ne majitu awu, bidi ne mushinga mua ku’alonga bua kubanga kusadila. Eyi idi imue mishindu idi mua kukuambuluisha:

• Akula ne mulombodi udi mukupesha dibikila. Mukonkesha dilongesha kayi diudi mua kupeta.

• Tangila pa bidi bitangila dibikila dieba mu Mukanda wa Maludiki, udi muikala mu ChurchofJesusChrist.org. Udi ne shapita pa Bamamu Bambuluishi, mpuilu wa bakulu, Bana, ne mikuabu.

• Sambila bua kupeta lungenyi, ne kulonga mifundu ne miyuki ya mpungilu munena ne dibikila dieba mu meji. Tatu wa mu Diûlu neakubenesha bua usadila bana benda bimpa.

© 2022 by Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Friend Message, March 2022. Tshiluba. 18296 760