चर्चका बोलावटहरूमा सेवा गर्ने लियाहोनासन्देश, मार्च २०२२
मासिक लियाहोना सन्देश, मार्च २०२२
चर्चका बोलावटहरूमा सेवा गर्ने
चर्चका अगुवाहरुले सदस्यहरुलाई “बोलावट” भनिने विशिष्ट कामहरूमा सेवा गर्न अनुरोध गर्नुहुन्छ । बोलावटहरूले सदस्यहरूलाई अरूको सेवा गर्न र परमेश्वरको नजिक आउन मौका दिन्छन् ।
डेभिड बोवेन न्यूटनद्वारा फोटो
जब हामीले हाम्रा बोलावटमा सेवा गर्छौं, हामीले परमेश्वरको कार्यहरू पूरा गर्न सहयोग गर्छौं। हामी अरूहरूलाई स्वर्गमा रहनुहुने पिता र येशू ख्रीष्टका बारेमा सिकाउँछौं र हामीले सिकाउनेहरूलाई उहाँहरूको नजिक आउन सहयोग गर्छौं। आस्थावान् बनेर सेवा गर्दा आशीष पनि पाउँछौं।
बोलावटहरू प्राप्त गर्ने
चर्चमा सेवा गर्नेहरूलाई परमेश्वरबाट बोलावट गरिन्छ । चर्चका अगुवाहरूले प्रत्येक बोलावटमा कसलाई सेवा गर्न बोलाउने भनेर जान्न प्रेरणाका लागि प्रार्थना गर्छन्। त्यसपछि एक अगुवाले एक सदस्यलाई सेवा गर्न बोलावट दिन्छन् र बोलावटका उत्तरदायित्व व्याख्या गर्छन्। वार्ड वा शाखा सदस्यहरूले सदस्यहरूका लागि चर्चको सभामा समर्थनको भोट प्रस्तुत गर्छन्। यसको अर्थ बोलावट गरिएका व्यक्तिलाई समर्थन गर्न तिनीहरू इच्छुक छन्। त्यसपछि सदस्यलाई पदारित्व अगुवाद्वारा आशीर्वाद दिइनेछ। यसलाई नियुक्त गरिगरिँदैछ भनेर भनिन्छ। सदस्यलाई उहाँको सेवामा सहयोग गर्नका लागि बोलावट र अन्य आशीषहरूमा कार्य गर्ने अधिकार दिइनेछ।
विशपहरू
विशप वार्डका अगुवा हुन् । (एक शाखामा, एक शाखा अध्यक्ष एक बिशप जस्तै हुन्।) किला अध्यक्षले एक योग्य पादरित्व वाहकलाई विशप भनेर बोलावट गर्न सिफारिस गर्दछन् । प्रथम अध्यक्षताले बोलावटहरूको अनुमोदन गर्दछन् । त्यसपछि विशपलाई सेवा गर्नका समर्थनको भोट दिइन्छ र नियुक्त गरिन्छ । उहाँले पादरित्वका साँचाहरू पनि प्राप्त गर्नुहुन्छ, जसको अर्थ उहाँसँग वार्ड निर्देशन गर्ने अधिकारहरू छन् । विशपका रुपमा, उहाँले वार्डका सबै सदस्यहरूको सेवा र नेतृत्व गर्नुहुन्छ।
अध्यक्षताहरू
पादरित्व गण र राहत समाज, युवती महिला, प्राथमिक र आइतबारे स्कूल सङ्गठनहरूको नेतृत्व सामान्यतया एक अध्यक्ष र दुई सल्लाहकारहरूद्वारा गरिन्छ। एल्डरहरूको गणका अध्यक्षताहरू किला अध्यक्षताद्वारा बोलावट र नियुक्त गरिन्छन् । बिशप्रिकले सदस्यहरूलाई वार्डमा अन्य अध्यक्षताहरूमा सेवा गर्न आह्वान गर्दछन् र तिनीहरूलाई नियुक्त गर्छन्। सबै अगुवाहरूले आफ्नो गण वा संगठनका सदस्यहरूको सेवा गर्छन्। तिनीहरूले सदस्यहरूको सेवा गर्छन् र तिनीहरूलाई परमेश्वरको प्रेम महसुस गर्न मद्दत गर्छन्।
अन्य बोलावटहरू
चर्चका अन्य बोलावटहरूमा सिकाउने, सङ्गीतमा मद्दत गर्ने, अभिलेख राख्ने, युवा वा बालबालिकाहरूका लागि क्रियाकलापहरूको आयोजना गर्ने, र अन्य तरिकामा सेवा गर्ने विषयहरू समावेश छन् । चर्चमा प्रत्येक बोलावट महत्त्वपूर्ण छन् र सदस्यहरूलाई अरूहरूको र परमेश्वरको सेवा गर्ने मौका दिन्छन् । हामी सबैले हाम्रा बोलावटहरू पूरा गर्न सँगै काम गर्दा, हामीले अरूहरूलाई मजबुत बनाउँछौं र चर्चको विकास गर्न सहयोग गर्छौं।
© 2022 by Intellectual Reserve, Inc. All rights reserved. यूएसएमा मुद्रित। अङ्ग्रेजी अनुमोदन: ६/१९। अनुवाद अनुमोदन: ६/१९। Monthly Liahona Message, March 2022को अनुवाद। Nepali. 18296 372