Mesiou Okedong er a Ikelesia

A remengeteklel a Ikelesia a omekedong er a rechad el mo er ngii a “ngerchelir.” A ngerachel a mesterir a techall a rchedal a ikelesia el mo mesiou er a rebebil e olekeed el mo er a Dios.

chad el ngara wheelchair e olisechakl er a chelsel a Ikelesia

Sel doruul a ngercheled, e kede olngeseu el kudmeklii a urerel a Dios. Kede olisechakl er a rebebil el kirel a Chedam er a Babeluades me a Jesus Kristo e ngossuterir tirkel dolisechakl tir el mo kmeed er Tir. Kede dirrek el ngmai a klengeltengat sel dosiou loba blakereng.

Ngeiul Okedong

ngeasek el sechal dechor mederir a rebek el chad er a Ikelesia

Tirkel mo mesiou a ngerachel er a Ikelesia a mokedong er a Dios. A roungerachel er a Ikelesia a meluluuch losiik a ulekrael el mo medengei el kmo ng techa lokedongii el mo mesiou. E sola ngike loungerachel a olengit er ngii el mo mesiou e smaod a ngerchelel er tial okedong. A rechedal a ikelesia a moterekokl er sel temel a miting er a Ikelesia el rechedal a ward a lechub a branch a kongei er ngii. Tia belkul a kmo te kongei el mo olngeseu er ngika el chad el mla mokedong. Seikid e ngika el chad a mo nguu a klengeltengat er ngike loba priesthood. Tia okedongall el kmo ng mla moterekokl. Ngika el chad a nguu a klisiich el mo mesiou me a dirrek el klengeltengat el mo ngoseuir er a ngerchelel.

Rebisop

A bisop a mengeteklel a ward. (A denguu er a branch, e a merredel er a branch a diosisiu ngii me a bisop.) A merredel er a stake a odersii a ngklel a klikiid loba priesthood el chad el mo bisop. A First Presidency a kongei er tial okedong. Seikid e a bisop a modars e moterekokl. Ng dirrek el ngmai a kiis er a priesthood, el belkul a kmo ngarngii a klisichel lomtebechel er a ward. Me ngii el bisop, eng mesiou e omekrael er a rokui el chad er a ward.

Re ngara Omerredel

A chelechad er a priesthood me a Relief Society, Young Women, Primary, me a chelechad er a Sandei Skuul a loungerachel er tir a rengara omerreder, el ngii a merredel me a reteru el counselor ngii. A rengara omerredel er a elders a mokedong e moterekokl lokiu a rengara omerredel er a stake. A rengar klebisop a olengit er a rechad el mo mesiou er a ikel bebil er a omerredel er a chelsel a ward e olterekokl er tir. A rokui loungerachel a mesiou er a rechedal a ikelesia er a ikel chelechad a lechub eng cheldebechel. Te olngeseu aikel ngelsengesir a rechedal a ikelesia e ngosuterir el melchesuar a beltikereng er a Dios.

redil lolab a kall lomsa chedil beldoel er a ngalek

Bebil er a Okedong

A bebil er a okedong er a Ikelesia a uldimukl er ngii a olisechakl, olngeseu er a rua chelitakl, mengedmokl a rekord, meruul omilil er a rengeasek a lechub a rengalek, me a lmuut el bebil er a teletael. A bek ell okedong er a Ikelesia a meklou a belkul a mesterir a techall a rechad el mesiou er a rebebil e mesiou er a Dios. Me sel dedak loureor el rokui el meruul a ngercheled, e kede smisicheterir a rebebil e ngoseuir a Ikelesia el mukeroul.

Mesuub el Kirel a Ngerchelem

A okedong a klou el techall el mo mesiou er a rebebil. A bek el okedong a ngarngii a ulterekokl el ngerachel er a chelsel, meng klou a belkul el msuub sel momuchel el mesiou. AIkakid a bebil er a tekoi el sebechel ngosukau:

Mongedecheduch er a oungerachel el ngii a uldersii okedong leko er kau. Moker el kmo ngera el teletael er a omesuub a sebechem el ngmai.
Bo momes el kirel a ngerchelem el ngara sel Church General Handbook, el ngara ChurchofJesusChrist.org. Ngarngii a bliongel er ngii el kirel a Relief Society, elders quorum, Primary, me a lmuut el bebil.
Moluluuch el kirel a ulekrael, e mosuub chedaol llechukl me a cheldecheduch er a meklou longdibel loba uldasu el kirel a ngerchelem. A Chedam er a Babeluades a mo omekngeltengat er kau el mo ungil mesiou er a Rengelekel.

© 2022 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Monthly Liahona Message, March 2022. Palauan. 18296 881