Mulwol ni Ngan Thapeg ko Liahona ko, March 2022

Pigpig ko Muruwel u Galasia

Tiyugang’ ko Galasia ma fith ngak pi chongin ni ngar pigpig ko Muruwel u Galasia ni ka nog e “pi calling” ngay. Pi calling ma pii’ e chongin e rogon ni ngar pigpig reb e bee’ nge chuchugur ngak Got.

Sasing rok David Bowen Newton

Napan ni ngad pigpig ulan e pi calling rodad, gadad ma ayuweg e muruwel rok’ Got. Gadad ma fil’ed reb e gidii’ marunga’agen Chitimangiy nu Tharmiy nge Yesus Kristus nge ayuwegrad ni ngar chuchugurgad Ngorow. Gadad ma thapeged e pi ta’awath napan ni ngad pigpig nib fel’ rogon.

Thapeg e Pi Calling

Pi’in ni ma pigpig ulan fare Galasia ke pinningrad Got. Tiyugang’ ko galasia ma meybil ko yi’iy ni nge nang ko mini’ e bt’uf ni ngar fith ni ngar pigpig ko gubin e calling. Tiyugang’ ra fith ngak e chongin ni nge pigpig nge weliy e ngongol nifan e calling. Pi chon ra thapeg e sustain ulan e mo’olung u Galasia ni bay pi chongin ko ward fa branch ra pii’ e sustain nag. Bay yip’ fan ni ngar ayuweg e gidii’ ni be thapeg e calling. Chongin ney ra thapeg e yibily udakaen tiyugang’ ni bay fare priesthood. Ba yip’ fan ni kan kii’eg. Ra pii’ chongin e motawon ni ngar ngongol nifan ko e muruwel rok nge thapeg reb e pi ta’awath ni nge ayuweg.

Fapi Bishof

Bishop ir e tiyugang’ ko ward. (Ulan e branch, branch president e boed rogon ko bishop) Fare stake president be mel’eg e bee’ bay e priesthood ni nge mang e bishop. Bin Somm’on e Presidency thingari ba’adag e mel’eg. Fare bishop e ni sustain nag min kii’eg nifan ko pigpig. Irra thapeg fapi kiy ko priesthood, ni ba yip’ fan bay e matawon rok rayog ni nge powi’iy ward. Bishop, ma pigpig nge powi’iy gubin e chon ko fare ward.

Pi Presidency

Pi quorum ko Priesthood nge fare Relief Society, Young Women, Primary, nge Sunday School ma powi’iy u dakaen pi presidency, bo’or yay bay president nge la’agruw e counselor. Pi’in ulan fare stake presidency be mel’eg e pi presidentcy ko Elders nge kan kii’eg rad. Pi’in ulan fare bishopric ma fith ngak pi chongin ni ngar pigpig ulan reb e pi presidency ko ward nge kan kii’eg rad. Gubin e tiyugang’ ma pigpig ngak e chongin u pi quorum fa ulungi. Yad ma ayuweg e pi n’en ni bat’uf e pi chongin nge thamey e t’ufeg rok’ Got.

Reb e Pi Calling

Reb e pi calling rok e Galasia e mu’un e machib ngay, ayuw ko musik, cha’ariy fapi chep, fal’eg e gosgos nifan e gidii’ nib fel’ yangren fa bitir, nge pigpig u reb pi rogon. Gubin e pi calling ulan e baga’fan ma pii’ e chongin e rogon ni ngar pigpig reb e bee’ nge pigpig ngak Got. Napan ni ngad muruwel u ta’abang ni ngad rrin’ed e pi calling, gadad me gelnag reb e bee’ nge tugul e Galasia.

Yib ko pi Chep nib Thothup

Pi calling ni fan e pigpig ulan e Galasia ma yib ko Got (muguy ko Articles of Faith 1:5).

Gadad gubin ma thapeg e pinning nge kan kii’eg umon ni ngad tabab e pigpig ko calling (muguy ko Doctrine and Covenants 42:11).

Napan gadad ba muruwel ko pi calling rodad, Gadad ba ayuweg ni ga’nag e Galasia (muguy ko Doctrine and Covenants 84:109).

Fil Urogom ni ngam Rin’ e Calling Rom

Bay e pi calling ir th’abi fel’ rogon ni ngam pigpig ngak bee’. Gubin e calling ba’ boch e pi ngongol, ere rib fel’ ni ngam fil pi’ney napan niba tabab e pigpig. Bay boch e pi n’en nira ayuwegem:

• Mu non ngak e tiyugang’ ni ke pii’ ngom e calling. Mu fith ko pi fil rangam thapeg.

• Mu bi’eg marunga’agen e calling rom ulan e General Handbook rok fare Galasia, u ChurchofJesusChrist.org. Bay boch e guruy ko Relief Society, elders quorum, Primary, nge boche reb.

• Meybil nifan ko yi’iy, nge fil ulan fapi chep nib thothup nge fapi thin ko general mu’ulung napan mu lemnag marunga’agen e calling rom. Chitimangiy nu Tharmey ra yibily nag med ni ngam pigpig ngak e bitir Rok.

© 2022 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Ni pilyeg ko Mulwol ni Ngan Thapeg ko biney e Pul nifan e Liahona ko, March 2022. Yapese. 18296 905.