iTukutuku Vakavula ni Liaona Epereli, 2022

Na Sakaramede: E Dua na Sala mo Vakananuma kina na iVakabula

placeholder altText

iOtioti Ni Vakayakavi, mai vei Simon Dewey

Ena bogi ni bera na Nona lauvako ki na kauveilatai, a sota kei iratou na Nona iApositolo o Jisu Karisito ena iOtioti ni Vakayakavi. E kea a solia kina vei iratou o Koya na sakaramede ena imatai ni gauna. A vakamacalataka o Koya ni oya e sa dua na sala me ratou vakananumi Koya kina. Na sakaramede e dua na cakacaka vakalotu eda vakaivotavota ena madrai kei na wai meda nanuma kina na Karisito kei na Nona Veisorovaki. Na madrai e matataka na yago i Karisito, kei na wai e matataka na Nona dra.

Eda dau vakayagataka na sakaramede ena vei Sigatabu ena soqoni ni sakaramede. Eda lagata e dua na serenilotu ia na lewe ni matabete era dovia vakalalai na madrai.

O ira na lewe ni matabete era dovia na madrai era cavuta na masu digitaki. Na masu oqo era kunei ena Vunau kei na Veiyalayalati 20:77, 79. Na masu e vakananuma vei keda na veika eda sa yalataka vua na Tamada Vakalomalagi kei na veika sa yalataka vei keda o Koya.

Eso tale na lewe ni matabete era vota na sakaramede vei ira na lewe ni tabanalevu se tabana. Ni da vakayagataka na sakaramede, eda vakananuma kina na iVakabula kei na Nona solibula ena vukuda. Eda yalataka tale kina me da maroroya na veiyalayalati (yalayala) eda sa cakava vua na Tamada Vakalomalagi.

goneyalewa e kania tiko na madrai ena soqoni ni sakaramede

Eda dau doka ena vakanomodi na gauna e vakalougatataki ka veisoliyaki kina na sakaramede. Sa gauna meda vakasamataka na bula i Jisu Karisito, Nona ivakavuvuli, kei na Veisorovaki. E rawa talega ni da vakasamataka kina na sala eda rawa ni muria kina na Nona ivakaraitaki.

Vei Vosa me Kilai

Cakacaka vakalotu: E dua na cakacaka tabu, vakadonui ka vakayacori ena lewa ni matabete.

Lewe ni matabete: O ira na turaga kei na cauravou bula kilikili sa soli vei ira na dodonu me ra cakacaka ena yaca i Jisu Karisito.

Na Veisorovaki i Jisu Karisito: Na Nona vakararawataki ena vuku ni noda ivalavala ca, mate ena kauveilatai, ka Tucaketale, ka rawa kina vei keda me da lesu ka bula vata kei na Kalou.

Vakaraica e Vuqa Tale

Kevaka e tiko na nomu vakatataro me baleta na sakaramede, e rawa ni o veitalanoa kei ira na turaga se marama dauveiqaravi, o ira na nomuni iliuliu ni tabanalevu se tabana, se o ira na daukaulotu.

© 2022 by Intellectual Reserve, Inc. Dodonu taucoko e taqomaki. Tabaki e Amerika. Vakadonui me vaka-Valagi: 6/19. Vakadonui me vakadewataki: 6/19. iVakadewa ni iTukutuku Vaka Vula ni Liaona, April 2022. Fijian. 18314 858