Ti Sakramento: Maysa a Wagas a Panglagip iti Mangisalakan

Iti rabii sakbay ti pannakailansana iti krus, nakipagkita ni Jesucristo kadagiti Apostolna iti Maudi a Pangrabii. Idiay nga intedna kadakuada ti sakramento iti umuna a gundaway. Inlawlawagna a daytoy ti maysa a wagas a panglagipda Kenkuana. Ti sakramento ket maysa nga ordinansa a pakairanudantayo iti tinapay ken danum tapno manglagip iti Pannubbot ni Cristo. Ti tinapay ti mangibagi iti bagi ni Cristo, ket ti danum ti mangibagi iti darana.

Umawattayo iti sakramento iti tunggal Domingo kabayatan ti miting ti sakramento. Agkantatayo iti maysa a himno kabayatan ti panangpirsapirsay dagiti priesthood holder iti tinapay iti babassit a piraso.

Isao dagiti priesthood holder a nangpirsapirsay iti tinapay dagiti naisangsangayan a kararag. Masarakan dagitoy a kararag iti Doktrina ken Katulagan 20:77, 79. Ipalagip kadatayo dagitoy a kararag no ania ti inkaritayo iti Nailangitan nga Ama ken no ania ti inkarina kadatayo.

Ipasa ti dadduma pay a priesthood holder ti sakramento kadagiti miembro ti ward wenno branch. No awatentayo ti sakramento, laglagipentayo ti Mangisalakan ken ti sakripisiona kadatayo. Ulitentayo nga ikumit ti agtungpal kadagiti katulagan (kari) nga inaramidtayo iti Nailangitan nga Ama.

ubing a babai a makiranranud iti tinapay kabayatan ti miting iti sakramento

Agulimektayo bayat ti pannakabendision ken pannakaipasa ti sakramento. Daytoy ti kanito a panangpanunottayo maipapan iti biag ken dagiti pannursuro ni Jesus ken ti Pannubbotna. Mabalintayo pay a panunoten no kasano a masurottayo ti pagwadanna.

© 2022 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly Liahona Message, Abril 2022. Ilokano. 18341 864