“Kuhfa Luhn Leum: Sie Ohiyac in Esam Mwet Lahngo,” Liahona, Eprel 2022.
Pweng ke Liahona mahlwem nuhkwewa, Eprel 2022
Kuhfa Luhn Leum: Sie Ohiyac in Esam Mwet Lahngo
Kuhfa Sahflah, sel Simon Dewey
Ke fong se met liki el acnwucki ah, Jisus Kraist El ohsun yurin Mwet Sap Lal ah ke Kuhfa Sahflah sac. Insac El sang nuh selos kuhfa luhn Leum ke pacl se emet. El ahkuhtweyac lah ohiyac sac ma nuh selos in Esamuhl. Kuhfa luhn Leum pa akwuck se ma kuht ipeis ke flao ac kof in esam Iwaclah luhn Kraist. Flao uh ahol Mahnol, ac kof uh ahol srah Kacl.
Kuht eis kuhfa luhn Leum ke kais sie Sacnri ke pacl in miting luhn sacrament. Kuht onkihn on ke pacl se ma mwet sruok pristut kuhnsaclihk flao nuh ke ip srihsrihk.
Mwet sruok pristut suc kihnisyac flao ah fahk pruhe sacohk se. Pruhe inge konweyuckyak ke Doctrine and Covenants 20:77, 79. Pruhe ah ahkacsmakihnye kuht ke ma kuht olwelah nuh sin Pahpah tuhmasr Inkuhsrao ac ma El olwelah nuh sesr.
Mwet sruok pristut sahyac ah tahfwelah kuhfa luhn Leum nuh sin mempucr ke ward kuh pracns sac. Ke kuht eis kuhfa luhn Leum, kuht esam Mwet Lahngo ac kihsackuhnlah Lal nuh sesr. Kuht oacyacpac sifil oraclah olwelah se in liyacacng olwelah ma kuht tuh oraclah met yurin Pahpah tuhmasr Inkuhsrao.
Kuht efahl ke pacl se kuhfa luhn Leum uh ahkinsewowoyeyuck lac ac tahfweyucklac lac uh. Pacl se lasr in nuhnkuh ke moul Lal Jisus Kraist, luti Lal, ac Iwaclah Lal. Kuht oacyacpac nuhnkuh kac lah kuht ac ukwe srihkasrak Lal fuhkah.
© 2022 ke Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lwenglah luhn Monthly Liahona Message, April 2022. Kosraean. 18314 868