Etinda ya Sanza Liahona Sanza ya minei 2022

Elambo: Lolenge moko ya Kokanisa Mobikisi.

Elambo ya Nsuka, na Simon Dewey

Na butu yambo Abakama na ekulusu, Yesu Klisto akutanaki elongo na Bapostolo na Ye na Elambo ya Nsuka. Kuna Apesaki bango elambo mpo na mbala ya yambo. Alimbolaki ete ezalaki lolenge moko mpo na kokanisa Ye Elambo ezali likuli moko epayi wapi toliaka lipa mpe tomelaka mai mpo na kokanisa ya Klisto Bomikabi. Lipa elakisi nzoto ya Klisto, mpe mayi elakisi makila ma Ye.

Tozwaka elambo eyenga moko moko na liyangani ya elambo. Toyembaka loyembo moko ntango basimbi bonganganzambe babukaka limpa na biteni mikemike.

Bato basimbi bonganganzame oyo babukaki lipa balobaka nsambo ya kafukafu. Nsambo oyo ezwami kati na Doctrine et Alliances 20:77, 79. Nsambo ekundolisaka biso maye tolakaki Tata na Lola mpe maye Ye alakaki biso.

Misusu ya basimbi bonganganzambe bakabolaka elambo na bandimi ya palwasi to ya etape. Ntango tozwaka elambo, tokanisaka Mobikisi mpe libonza na Ye mpo na biso. Tomipesaka lisusu mpo na kobatela mayokani (bilaka) tosalaki na Tata na Lola.

Tozalaka na limemia ntango elambo epambolamaka mpe ekabolamaka. Ezali ngonga moko mpo na biso tokanisa ya Yesu Klisto bomoi, mateya, mpe Bomikabi. tokoki lisusu kokanisa oyo etali lolenge nini tokoki kolanda ndakisa na Ye.

Maloba ya Koyeba

Likuli: Molulu moko ya bule, ya momeseno esalemi na likoki ya bonganganzambe.

Basimbi ya bonganganzambe: Mibali mpe bilenge mibali balongobana oyo bapesami likoki ya kosala na nkombo ya Yesu Klisto.

Bomikabi ya Yesu Klisto: Mpasi na Ye mpo na masumu na biso, liwa na ekulusu, mpe Lisekwa, oyo esalaka ete biso tozonga lisusu kofanda elongo na Nzambe.

Kozwa ya Mingi Koleka

Soki bozali na mituna etali elambo, bokoki kosolola na bandeko mibali to basi na bino ya kosalisa, bakambi na bino ya palwasi to ya etape, to bamisionele.

© 2022 by Intellectual Reserve, Inc. Makoki manso mabatelami. Ebetami na Etazini. Bondimami na lokota ya Angele: 6/19. Bondimami ya bobongoli: 6/19. Bobongoli ya Monthly Liahona Message, April 2022. Lingala. 18314 639