“Biakudia bia Tshijila: Mushindu wa Kuvuluka Mupandishi,” Liahona, Ngondo Muinayi 2022.
Mukenji wa ku Ngondo wa Liahona Ngondo Muinayi 2022
Biakudia bia Tshijila: Mushindu wa Kuvuluka Mupandishi
Mu butuku bua kumpala bua kutshiamakajibuaye, Yezu Kilisto wakatutakena ne Bapostolo benda ku Biakudia bia Dilolo bia Ndekelu. Koku aku, wakabapesha biakudia bia tshijila bua musangu wakumpala. Wakumvuija ne tshivua mushindu wa bobu kumuvuluka. Biakudia bia Tshijila bibi mululu utudi tuabanyangana diampa ne mâyi bua kuvuluka Bupikudi bua Kilisto. Diampa didi diumvuija mubidi wa Kilisto, ne mâyi adi umvuija mashi enda.
Tudi tuangata biakudia bia tshijila Dialumingu dionsu mu tshisangilu tshia biakudia bia tshijila. Tudi tuimba musambu padi badi ne buakuidi bakosolola diampa mu tutupa tukesa.
Aba badi ne buakuidi badi bakosolola diampa, badi benza disambila disunguluka. Masambila aa adi apetshibua mu Dilongesha ne Bipungidi 20:77, 79. Masambila adi atuvuluija tshituvua balaya Tatu wa mu Diûlu ne tshivuaye mutulaya.
Bakuabu badi ne buakuidi badi bapitshisha biakudia bia tshijila kudi bidimba bia tshikongu anyi ditamba. Patudi tuangata biakudia bia tshijila, tudi tuvuluka Mupandishi ne mulambu wenda buetu. Tudi kabidi tuangata dipangadika bua kulama bipungidi (malaya) atuvua benza ne Tatu wa mu DIûlu.
Tudi tuleja kanemu padi biakudia bia tshijila bibeneshibua ne biabanyibua. Tshidi diba buetu bua kuela meji bua moyo wa Yezu Kilisto, malongeshi enda, ne Bupikudi buenda. Tudi kabidi mua kuela meji bua mushindu utudi mua kulonda tshilejilu tshienda.
© 2022 by Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, April 2022. Tshiluba. 18314 760