Klumech er a bek el buil Liahona,Ongeua el buil 2022

Sakrament: Ng Teletael el bo Dolatk er a Osobel

Ulebongel el Chedaol Belsoil, mla er a Simon Dewey

Sel kesus er a uchei er a lebo le mekerus, ea Jesus Ksristo a ulbengterir tirkel Reapostol er Ngii el ngara Ulebongel el Chedaol Belsoil. Seikid e Ngii a milsterir a sakrament el uai a le blel kot el temir el melai er ngii. Ng silodii el kmo ng teletael el tir a sebechir el mo melatk er Ngii. A sakrament a chedaol ruoll el denguu a blauang me a ralm el mo melatk er a Tngakirenge er a Kristo. A blauang a olechotel a bedengel a Kristo, ea ralm a olechotel a Rsechel.

Kede melai er a sakrament er a bek el Sandei sel temel a sakrament miting. Kede mengitakl a chelitakl er a ikelesia ea robang a priesthood a melebtib er a blauang el mo mekekerei.

Tirke lobang a priesthood el mle melebtib er a blauang a melekoi er a tokubets el nglunguuch. A ika el nglunguuch a obetik ra chelsel a Doctrine and Covenants 20:77, 79. A ika el nglunguuch a omeklatk er kid er a ikel bla de yaksok el mo er a Chedam er a Babeluades me a ikel Ngii a mla yaksok el merkid.

A rebebillobang a preisthood a merous er a sakrament el mo er a rechedal a ward malechub a branch. Me sel dolai er a sakrament, e kede melatk er a Osobel me a ikel Ngii a mlo chuarm el kired. Kede dirrek el lmuut el remuul a rengud el mo oltirakl a telbiil (yaksok) el bla deruul lobengkel a Chedam er a Babeluades.

Kede ngara omengull sel lomekngeltengat a sakrament ma sel bo lorous er ngii. Ng taem el kired el omdasu el kirel a klengar er a Jesus Kristo, osisecheklel, me a Tngakireng er Ngii. Kede dirrek el omdasu el kmo kede mekerang e mo oltirakl a Okesiul.

Tekoi el bo Modengei

Chedaol ruoll: Ng chedaol, e klou a belkul omeruul el meruul lokiu a klisichel a priesthood.

Robang a Priesthood: Te klikiid el meklou el chad me a rengeask el sechal el mla nguu a klisiich el mo meruul a ngerachel el okiu a ngklel a Jesus Kristo.

Tngakireng er a Jesus Kristo: Ng mlo chuarm el kirel a kngtid, mlad er a kerus, me a Okiis er a Kodall, a ngii a uchul eng sebeched el lmuut el mo kiei el obengkel a Dios.

Lmuut el mo Medengei a Betok

A lsekum eng ngarngii a kerim el kirel a sakrament, eng sebechem el mengedecheduch er tikrel mesiou el rodam me a rodos, remerredel er a ward a lechub eng branch er kau, malechub a remisionari.

© 2022 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Monthly Liahona Message, April 2022. Palauan. 18314 881