Mulwol ko biney e Pul nifan e Liahona ko, April 2022

Fare Sakrament: Reb Kanawoʼen ni ngan tay u Wunʼuy fare Tathapeg

placeholder altText

Fare Bin Tomur e Abich, yib rokʼ Simon Dewey

Ko re napʼ nem u mmʼon nin kuruth nag, madaʼ nag Yesus Kristus pi gachalpen ko gin nra ted fare bin Tomur e Abich riy. U rom me piiʼ ngorad fare sakrament ni ireram e sommʼon riy. Me weliy ni aram kanawoʼen ni ngar ted ir u wunʼrad. Fare sakrament e reb e gamʼing ni gadad ma kay fare flowa nge raen ni nge pugoran fare Bayul rokʼ Kristus. Fare flowa e be yip fan downgin Kristus, ma raen e be yip fan racha’en.

Gadad ma fek fare sakrament ni gubin e Madnom ko ngiyalʼ e moʼolung ko sakrament. Gadad ma yinʼ e tang u napʼan nibe teteʼar fapi moʼon ni bay e pristhood rorad fare flowa ni nge achichig yang.

Fapi moʼon ni bay e pristhood rorad ni teteʼar fare flowa e bay yibiliyed fare flowa. Rayag ni ngan periʼeg e pi meybil ney ko Doctrine and Covenants 20:77, 79. Pi meybil nem e be pugoren ngodad e tin ni kad michegned ngak e Chitamangdad ni bay u Tharmiy nge tin ni ke micheg nag ngodad.

Boech fapi moʼon ni bay e pristhood rorad e ma piiʼ fare sakrament ngak fare ward fa gidiiʼen fare branch. Napʼan ni gadadra fek fare sakrament, ma gadad tay u wunʼuy fare Tathapeg nge fare gafgow ni tay ni fan ngodad. Ma ka gadad micheg bayay ni ran ayuweg fapi mʼag (ni kan micheg nag) ni kad ngongliyed u thilindad nge Chitamangdad ni bay u Tharmiy.

bpin ni be fek fare flowa ko ngiyalʼ e moʼolung ko sakrament

Ma gadad be liyor ko ngiyalʼ ni yibe yibiliy min piiʼ fare sakrament. Ireram e ngiyalʼ ni ngad tafney niged morngaʼagen e yafos rokʼ Yesus Kristus, pi michib rokʼ, nge fare Bayul. Ma krayog ni ngad tafney niged rogon ni ngad laked woʼen.

Thin ni Ngan Nang

Gamʼing: Ba mithmith nib thothup, ni yima rin’ u dakean mat’won fare pristhood.

Fapi moʼon ni bay e pristhood rorad: Pumoʼon nge pagal ni felʼyangren nib felʼ pinginrad ma yad beʼech ni kan piiʼ motwon rad ni ngar muruwel gad u dakean fithingan Yesus Kristus.

Fare Bayul ku Yesus Kristus: Gafgow ni tay ni fan ko pi denen rodad, yamʼ ni tay u dakean e kuruth, nge Foskoyamʼ, ni falʼag kanawoʼen ni ngeyag ni ka gadadra sul ngad pired rokʼ Got.

Boech Morngaʼagen

Faʼanra bay e duwer rom ni morngaʼagen e sakrament, rayag ni ngam non ngak e en ni ma michib ngom ni pumoʼon fa bpin, ward rom fa tiyugangʼ ko branch rom, fa boech e pi missionary.

© 2022 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Mulwol ko biney e Pul ni ngan Thapeg ko Liahona ko, April 2022. Yapese. 18314 905