“Ndinanga dia mu diulu mu bulongolodi bua Tatu,” Liahona, Ngondo Muitanu 2022.
Mukenji wa ku Ngondo wa Liahona Ngondo Muitanu 2022
Dinanga dia Bunzambi mu Dilongolola dia Tatu
Tshikosu
Mu Ekelezia mupinguluja wa Yezu Kilisto wa Bansantu ba Matuku a Ndekelu, tudi ne lumvua lusunguluka lua dilongolola dia Tatu wetu wa mu Diûlu. Etshi tshidi tshitupesha mushindu mushintuluka wa kumona kipatshila ka moyo wa lufu, tshilumbuluilu tshia bunzambi tshidi tshilonda, ne njila wa butumbi wa dipungila dia bana bonsu ba Nzambi.
… Dilongesha dibuluila dia Ekelezia mupinguluja wa Yezu Kilisto didi dilongesha ne bana bonsu ba Nzambi—ne masunguluja mashikila a kutangila panu—ku nshikidilu nebabuela mu bukalenga bua butumbi. …
… Budi bulepa bikola ku bionsu budi dizanjikibua mu bukalenga bua selestiya, muaba utuikala ne bua kulua bu Tatu wetu ne Muanenda, Yezu Kilisto. …
… Bukenji bua Ekelezia mupinguluja budi bua kuambuluisha bana bonsu ba Nzambi bua badilongolola ku tshidi Nzambi ujinga bu dipungila diabu. …
Malongesha a nshindamenu kutudi adi dibuluila dia Nzambi didi dileja ne dizanjikibua didi mua kukumbajibua anu kupitshila ku lulamatu ku bipungidi bia dibaka dia tshiendelela pankatshi pa muntu muluma ne mukaji. Dilongesha dia bunzambi keditudi tulongeshela ne bumuntu buluma anyi bukaji budi tshintu tshia mushinga tshia muntu kumpala kua kuledibua, mu moyo wa lufu, ne bumuntu ne kipatshila ka tshiendelela. [“The Family: A Proclamation to the World,” ChurchofJesusChrist.org]. …
… Tudi tujadika ne dimanyisha dia dîku, didi dishindamena pa dilongesha dinena, didi diumvuija ngikadilu muimpa wa malanda a dîku bu muaba udi tshitupa tshia mushinga tshia ditanta dia tshiendelela ne bua kuenzekela. …
… Tudi ne bua kukeba mushindu wa kutangalaja malelela a tshiendelela â ne bakuabu. Kadi, ne dinanga ditudi nadi bua bena mutumba betu, tudi tuitaba mapangadika abu dituku dionsu. Bumuvua muambi wa mu Mukanda wa Molomo mulongesha, tudi ne bua kutungunuka kumpala ne “dinanga dia Nzambi ne dia bana benda” [2 Nefi 31:20].
© 2022 Kudi Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, May 2022. Tshiluba. 18351 760