Etop Liahona eke Ofuri Ofiong, June 2022

Nso Itibe ke Mboho Ufok Abasi ke Sunday?

iban iba efatde ufan

Mbon Ufok Abasi Jesus Christ eke mme Latter-day Saints eboho ke Sunday kiet kiet man ekpono Abasi enyung ekpep kiet eken iko Abasi Jesus Christ. Ekom kpukpru owo emi edukde, nko mbon ufok Abasi eyenyene ufang ndibong akam, nno uting-iko, nnyung mkpep mme nkpo edieke mmo eyomde ndinam ntre Mme mbono emi anwam mbon ufok Abasi ndisongo kiet eken idem ke mbuotidem eynug edian “esit mmo otokiet ke edidiana kiet ye ke ima” (Mosiah 18:21).

eyen eren ke nkpo isang edemede udia-Obong

Esop Udia-Obong

Mbon ufok Abasi ke ward mme branch eboho ke Sunday kiet kiet kabanga esop udia-Obong. (Mbon oro midighe eke mbuotidem nnyin enyime mmo ete eduk nko.) Eno mbon ufokAbasi udiaobong kini mbono emi mman anwam mmo nditi Jesus Christ(seke April 2022 Gospel Basics article ke ediwak iko kabangade udiaobong). Mboho oro nko esine mme akam, ikwo ntuak ibuot, ye mme uting-iko emi mbon ufokAbasi enode kabangade iko Abasi Jesus Christ.

ndito iban iba emi esakde ke esit ufok Abasi

Mme mbono efen

Ke mbono udia-Obong okurerde, mbon ufok Abasi ebahade eka ke mme ubet-ukpepnkpo ye mme eboho mmo. Ndito-nwong emi edide ofiong Efureta kesim isua Duopekiet eduk Primary. Ke akpa ye oyoho Sunday ita ke ofiong kiet kiet, kpukpru mbon ufok Abasi eken eduk Sunday School. Ke udiana ye oyoho Sunday inang, mmo eduk Relief Society, Young Women, mme eboho eke itie-oku.

Mme akam

Mbon ufok Abasi eno akam ke mboho ufok Abasi. Akam edi sung sung ndien Edisana Spirit ono ndausung. Mbon ufok Abasi ebong akam edade mme iko emi owutde ima ye ukpono ono Ete eke Heaven. Emi esine ndisin mme iko enying Thee, Thy, Thine, ye Thou kini ebongde akam eno Enye.

Mme Eteting iko

Owo eboho mme bishopric mme branch presidency edoho mbon ufok Abasi ete eno utingiko ke mbono udia-Obong. Mme uting iko emi owuho ke iko Abasi Jesus Christ. Mme etingiko ekama nwedAbasi ye mme iko mme adausung ke Ufok Abasi nte mmo ebengede idem ke uting-iko mmo. Mmo nko eno ikontiense kabanga edidiong eke edinam iko Abasi ke uwem mmo.

Mme Ukpepnkpo

Ke mbono udia-Obong okurerde, mbon ufok Abasi ekpep ebanga iko Abasi ke mkpri eboho mmo. Mme ibuot iko ekeme ndibanga mme nwed Abasi, mme ukpepnkpo otode akwa mbono, mme mme nkpo efen. Okposuk edi nte andikpep edidade usung ke ukpepnkpo, enye idighe ndikpekpep. Kpukpru mbon class enyene unen ndibuana ekikere mmo kabangade ibuot iko.

erenowo etingde iko ke pulpit ufok Abasi

Iko ntiense

Ini kiet ke ofiong, mbono udia-Obong esine mbono iko ntiense. Nte esidide emi esidi ke akpa Sunday ke ofiong. Kini mbono emi, mbon Ufok Abasi ekeme nditing iko ntiense mbanga Jesus Christ ye iko Abasi Esie. Ndino iko ntiense oworo ndimen akpaniko iko abasi nwut nte obode ntuk eto Edisana Spirit.

Mbenge-idem

Mbon Ufok Abasi ebenge idem ebanga mbono eke Sunday ke ndibong akam, ndikpep mme nwed Abasi, ye ke ndinam mbenge idem man ebo ndituk otode Edisana Spirit. Edieke ebupde fi ete ono uting-iko mme ndikpep nkpo, ke ndaha akam kere banga adanga nte afo ekemede ndikpep mme edinam iko Abasi. Sin Nwed Abasi ke edinam. Ting iko ntiense eke akpaniko. Mme adausung fo ke ufokAbasi ekeme ndinwam fi ndibenge idem, edieke oyomde.

Edieke mbufo enyenede mbume kabanga mbono ufok Abasi, emekeme nditing nno ono-unwam eyen-eka eren mme anwan, mme adausung eke ward mme eke branch, ye mme okworo-iko Abasi mbufo.

Otode Nwed Abasi

Edi Spirit ada usung ke mbono ufok Abasi (se Moroni 6:9).

Mbon ufok Abasi ekpep kiet eken iko Abasi (se Doctrine and Covenants 88:77–78).

Mme andikpep ekama nwed Abasi ekpep ebanga edinam iko Abasi (se Doctrine and Covenants 42:12).

Mme Eboho eke Ward

Primary: Eke ndito-nwong emi edide ofiong Efureta kesim isua Duopekiet.

Mme class eke Nkaiferi Iban: Eke nkaiferi iban isua Duopeba kesim Efureta.

Mme eboho Itie-oku Aaron: Eke mkparawa isua Duopeba kesim Efureta.

Relief Society: Eke ikpo iban, otongode ke isua Efureta.

Elders quorum: Eke ikpo iren, otongode ke isua Efureta.

© 2022 otode Intellectual Reserve, Inc. Ekpeme kpukpru unen ndiming. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare eke Etop Liahona eke ofuri ofiong, June 2022. Efik. 18315 553