“Ta eo ej Waļo̧k ilo Kweilo̧k ko an Kabun̄ in ilo Jabōt?,” Liaona, Juun 2022.
Ennaan eo Allōn̄ Otemjej an Liaona, Juun 2022
Ta eo ej Waļo̧k ilo Kweilo̧k ko an Kabun̄ in ilo Jabōt?
Membōr ro an Kabun̄ eo an Jisōs Kraist im Armej ro Rekwojarjar ilo Raan Ko Āliktata rej kuk tok ippān doon kajjojo Jabōt n̄an kabun̄jar n̄an Anij im katakin doon kōn gospel eo an Jisōs Kraist. Aolep rej ruwainene n̄an pād, im enaaj wōr an membōr ro iien n̄an jar, kwaļo̧k kōnono ko, im katakin katak ko n̄e rekōņaan. Kweilo̧k kein rej jipan̄ membōr ro kōkajoorļo̧k doon ilo tōmak im kōm̧m̧an bwe “burueer ren kuk ippān doon ilo bōrokuk im ilo iakwe n̄an doon” (Mosaia 18:21).
Kweilo̧k in Kwojkwoj eo
Membōr ro an ward ak branch rej kuk tok ippān doon kajjojo Jabōt n̄an kweilo̧k in kwojkwoj eo. (Ro rej jab uwaan tōmak in ad rej ruwainene n̄an barāinwōt pād.) Kwojkwoj eo ej leļo̧k n̄an membōr ro ilo iien kweilo̧k eo n̄an jipan̄ er keememej Jisōs Kraist (lale April 2022 Gospel Basics article n̄an meļeļe ko reļļapļo̧k kōņ kwojkwoj eo). Kweilo̧k ko rekoba jar, al in nōbar, im ekōnono letok jān membōr ro kōn gospel eo an Jisōs Kraist.
Kweilo̧k ko Jet
Ālkin kweilo̧k in kwojkwoj eo, membōr ro rej jenolo̧k n̄an kūlaaj ko im doulul ko. Ajri ro me 18 aer allōn̄ n̄an 11 iiō rej pād ilo Būraimere. Ilo jabōt juon im jilu ilo kajjojo allōn̄, aolep membōr ro rej pād ilo kilaaj eo an Jabōt Jikuul. Ilo Jabōt ruo im emān, rej pād ilo Doulul eo an Kōrā ro, Doulul eo an Jiron̄ ro, ak kweilo̧k an doulul ko an priesthood.
Jar ko
Jar ko ilo iien kweilo̧k ko an Kabun̄ in rej letok jān membōr ro. Jar ko repidodo im rej tōl jān Jetōb Kwojarjar. Membōr ro rej aikuj jar kōjerbal naan ko rej kwaļo̧k iakwe im kauteij n̄an Jemedwōj Ilan̄. Menin ekoba kōjerbal naan ko Thee, Thy, Thine, im Thou n̄e kōnono kōn E.
Kōnono ko
Juon membōr in bisoprik eo ak branch būreejtōnji ej kajjitōk ippān membōr ro n̄an letok kōnono ko ilo iien kweilo̧k in kwojkwoj eo. Ekkatak kein rej pedped ioon gospel eo an Jisōs Kraist. Rikōnono ro rej kōjerbal jeje ko rekwojarjar im naan ko an ritōl ro an Kabun̄ in ilo aer kōpooji kōnono ko aer. Rej barāinwōt kwaļo̧k aer kam̧ool kōn kōjeraam̧m̧an ko an katak ko an gospel in ilo mour ko aer.
Katak ko
Ālkin kweilo̧k in kwojkwoj eo, membōr ro rej katak kōn gospel ilo kūlaaj ko reddik. Katak ko remaron̄ kōn jeje ko rekwojarjar, katak ko jān kweilo̧k eo eļap, ak unin kōnono ko jet. Men̄e rūkaki eo enaaj tōl ekkatak eo, ejjab juon jipiij. Aolep membōr ro ilo kilaaj remaron̄ kwaļo̧k ļōmņak ko aer kōn unin kōnono ko.
Naan in Kam̧ool
Juon alen ilo juon allōn̄, kweilo̧k in kwojkwoj ekoba juon iien kweilo̧k in kwaļo̧k naan in kam̧ool. Menin ekkā an kōm̧m̧an ilo Jabōt eo im̧aan tata ilo juon allōn̄. Ilo iien kweilo̧k iien, membōr ro remaron̄ kwaļo̧k aer naan in kam̧ool kōn Jisōs Kraist im gospel eo An. N̄an kwaļo̧k naan in kam̧ool ej meļeļe in n̄an kean̄ kōn m̧ool ko an gospel eo āinwōt im̧we jān Jetōb Kwojarjar eo.
Kōppopo
Membōr ro rej kōppopo n̄an iien kweilo̧k ko ilo Jabōt ilo aer jar, ekkatak jeje ko rekwojarjar, im pojak n̄an bōk im̧we jān Jetōb Kwojarjar. N̄e kajjitōk ippam̧ n̄an kōnono kōn juon katak ak katakin juon katak, jar ilo am̧ ļōmņake elmen am̧ nej kwaļo̧k kōn katak ko an gospel in. Kōjerbal jeje ko rekwojarjar Kwaļo̧k naan in kam̧ool kōn m̧ool. Ritōl ro an Kabun̄ in remaron̄ jipan̄ eok kōppopo, n̄e emenin aikuj.
© 2022 jān Intellectual Reserve, Inc. Aolep jim̧we ko rej pād ie. Kar būriin ilo USA. Kōmālim ilo kajin English: 6/19. Kōmālim ukook eo: 6/19. Ukook eo an Liaona Kajjojo Allōn̄, Juun 2022. Marshallese. 17467 874