Ozi Liahona Kwa ọnwa, Julaị 2022

Akwụkwọ nsọ niile: Okwu nke Chineke

Onye amụma Agba Ochie, site n’aka Judith A. Mehr

Akwụkwọ nsọ niile bụ akwụkwọ niile dị nsọ nke ndị dere ya na-abụkarị ndị amụma. Akwụkwọ nsọ niile na-agba ama nke Jizọs Kraịst ma na-akụzi banyere ozi ọma Ya. Akwụkwọ nsọ ndị iwu kwagidere nke Nzukọ nsọ bụ Baịbụl (nke gụnyere Agba Ochie na Agba Ọhụrụ), Akwụkwọ nke Mọmọn, Ozizi na Ọgbụgba ndụ niile, na Pel nke Oke Ọnụ ahịa.

Agba Ochie

Agba ochie bụ ndekọihe nke mmekọrịta niile nke Chineke ya na ndị Ya gbara ndụ n’oge ochie. Ọ gụnyere nkuzi niile nke Mosis, Joshua, Isaiah, Jeremaya, na Daniel. N’agbanyeghị n’edere ya afọ narị kwuru narị tupu ọmụmụ Jizọs Kraist, ọtụtụ ndị amụma Agba Ochie dere banyere Ya.

Agba Ọhụrụ

Agba Ọhụrụ dekọrọ ọmụmụ, ndụ anụ ahụ, nkuzi niile, na Aja mgbaghara mmehie nke Jizọs Kraist. Ọ gụnyekwara nkuzi niile nke Ndị Ozi na ndị ọzọ na-eso ụzọ nke Kraịst. Agba Ọhụrụ na-enyere anyị aka ịghọta otu esi ebi ndụ nke ozi ọma nke Jizọs Kraịst taa.

Akwụkwọ nke Mọmọn: Ama Ọzọ nke Jizọs Kraist

Akwụkwọ nke Mọmọn bụ ndekọihe nke ụfọdụ ndị dị iche iche ndị biri n’ime Amerịca mgbe ochie. Ọ gụnyere nkuzi niile nke ndị amụma, ma isi nzube ya bụ ime ka ndị mmadụ kwere na Jizọs bụ Kraịst ahụ. Onye Amụma Josef Smith tụgharịrị asụsụ ya sitere n’epekele ọla edo site n’onyinye na ike nke Chineke.

Josef Smith Nta. Na-anata Mkpughe, site n’aka Daniel A. Lewis

Ozizi na Ọgbụgba ndụ niile

Ozizi na Ọgbụgba ndụ niile nwere n’ime ya mkpughe niile enyere Josef Smith na ndị amụma ndị ọzọ nke ụbọchị ikpeazụ. Mkpughe ndị ahụ kọwara otu esi hazie Nzukọ nsọ nke Kraịst. Ha nwekwara n’ime ha nkuzi ozi ọma ndị dị mkpa banyere ọkwa nchụaja, emume nsọ niile nke ozi ọma, na ihe na-eme mgbe ndụ a gasịrị.

Pel nke Oke Ọnụ ahịa

Pel nke Oke Ọnụ ahịa gụnyere akwụkwọ nke Mosis na nke Ebraham, ama nke Josef Smith, na Ndepụta nke Okwukwe nke Nzukọ nsọ. Ọ gụnyekwara Josef Smith—Matiu, akụkụ ntụgharị asụsụ nke Josef Smith nke Agba Ọhụrụ.

Ị na-amụ Akwụkwọ nsọ

Ndị amụma akuziworo anyị ịmụ akwụkwọ nsọ kwa ụbọchị. Ime otu a na-enyere anyị aka bawanye n’okwukwe anyị ma bịarute Nna nke Eluigwe na Jizọs Kraist nso. Dị ka anyị ji ekpere na-amụ akwụkwọ nsọ, Mmụọ Nsọ ga-enyere anyị aka chọta azịza niile nye ajụjụ anyị.

Ndị Amụma Oge Ugbua

Mgbe ndị amụma na ndị ozi taa n’ekwu okwu site n’ike nke Mmụọ Nsọ, okwu ha dị ka akwụkwọ nsọ. Otu ọmụmaatụ nkea bụ ọgbakọ zuru ọha. Anyị nwere ike mụọ nkuzi niile sitere n’ọgbakọ na mbipụta Liahona ndị nke Me na Novemba.

Gịnị mere eji Agụ Akwụkwọ nsọ?

Akwụkwọ nsọ na-agba ama nke Jizọs Kraist (lee Jekọb 7:10-11).

Akwụkwọ nsọ ka a na-enye site na nkwalite nke Chineke (lee 2 Timoti 3:15-16).

Anyị nwere ike tinye akwụkwọ nsọ n’ime ndụ anyị (lee 1 Nefi 19:23).

Mosis Emeriwo Setan, site n’aka Joseph Brickley

Nkọwa ndị ọzọ banyere Pel nke Oke Ọnụ ahịa

Akwụkwọ nke Mosis: Ntụgharị asụsụ Onye Amụma Josef Smith site n’ike mmụọ nsọ nke isiakwụkwọ Jenesis ole na ole mbụ. Mosis isi nke 1 pụrụ iche; ndị fọdụrụ n’isi ndị nke ọzọ dabeere na Jenesis 1:1-6:13.

Akwụkwọ nke Ebraham: Ntụgharị asụsụ Onye Amụma Josef Smith site n’ike mmụọ nsọ nke ihe odide niile nke Ebraham, nke sitere na mpịakọta papyrus achọtara na Ijipt.

Ndepụta nke Okwukwe: Nkwupụta iri na atọ edere site n’aka Josef Smith nke depụtara isi nkwenye anyị dị ka ndị otu Nzukọ nsọ nke Onyenwe anyị.

© 2022 site n’aka Intellectual Reserve, Inc. All rights reserved. Ebipụtara na USA. Nnabata n’asụsụ Bekee: 6/19. Nnabata ntụgharị-asụsụ: 6/19. Ntụgharị asụsụ nke Ozi Liahona Kwa Ọnwa, Julaị 2022. Asụsụ. 18298 593