“Ma Suhmuhslah: Kahs luhn God,” Liahona, Julahe 2022.
Mahlwem nuhkwewa Liahona Mwe Fahkwack, Julahe 2022
Ma Suhmuhslah: Kahs luhn God
Mwet Pahluh ke Wuhlweacng Mahtuh, sel Judith A. Mehr
Ma suhmuhslah uh puk na muhtahl suc sihmlac yohk na sin mwet pahluh. Ma suhmuhslah fahkwack ke Jisus Kraist ac luti kuht ke wosasuc Lal. Ma suhmuhslah pwacye luhn Alu uh oasr ke Bible (suc pa Wuhlweacng Mahtuh ac Wuhlweacng Sasuc), Puk luhn Mormon, Doctrine and Covenants, ac Pearl of Great Price.
Wuhlweacng Mahtuh
Wuhlweacng Mahtuh el sruhmuhn ke insese luhn God nuh sin mwet Wuhlweacng Lal ke pacl meet ah. Kano uh nwacnwack luti luhn mwet pahluh suc pa Moses, Joshua, Isaiah, Jeremiah, ac Daniel. Finne sihmlac yac siofok meet liki isuslac luhn Jisus Kraist, puhslac mwet pahluh ke Wuhlweacng Mahtuh suhmuhslah ma Kacl.
Wuhlweacng Sasuc
Wuhlweacng Sasuc sruhmuhn ke isuslac, moul facluh, luti, ac Iwaclah luhn Jisus Kraist. El oacyacpac nwacnwack luti luhn Mwet Sap luhn Kraist ac kuhtuh mwet tuhma lutlut sahyac. Wuhlweacng Sasuc kahsre kuht in akihlen in moulkihn fuhkah wosasuc luhn Jisus Kraist misenge.
Puk luhn Mormon: Sie Wuhlweacng kacl Jisus Kraist
Puk luhn Mormon el sruhmuhn ke kuhtuh mwet suc muhta Macrike meet. El nwacnwack mwe luti luhn mwet pahluh, ac srihpac yohk la uh pa in ahkkahlwemye nuh sin nuh kwewa lah Jisus pa Kraist. Mwet Pahluh Joseph Smith el luhngaslah sihm kac ah ke puhlet kol ke mwe sang ac kuh luhn God.
Joseph Smith Jr. Eis Fwackyuck, sel Daniel A. Lewis
Doctrine and Covenants
Doctrine and Covenants nwacnwack fwackyuck ituckyang nuh sel Joseph Smith ac kuhtuh pac mwet pahluh ke Lwen-sahflah. Fwackyuck inge ahkuhtweyac lah Alu luhn Kraist uh akwucki fuhkah. Elos oacyacpac nwacnwack mwe luti yohk srihpac ke wosasuc luhn pristut, akwuck ke wosasuc, ac meac sikyak tukun moul se inge.
Pearl of Great Price
Ma oasr ke Pearl of Great Price pa puk lal Moses ac Abraham, testimoni lal Joseph Smith, ac Ip Yohk ke Luhlahlfongi luhn Alu uh. El oacyacpac nwacnwack Joseph Smith—Matthew, kuhtuh ipin lweng lal Joseph Smith ke Wuhlweacng Sasuc.
Lutlutkihn ma Suhmuhslah
Mwet Pahluh luti kuht in lutlutkihn ma suhmuhslah ke lwen nuh kwewa. Oruh ohinge kahsre kuht in ahkyohkye luhlahlfongi lasr ac fototoyang nuh sin Pahpah Inkuhsrao ac Jisus Kraist. Ke kuht pruhe in lutlutkihn ma suhmuhslah, Nguhn Muhtahl ac fah kahsre kuht sokwack top nuh ke kihsensiyuck lasr uh.
Mwet Pahluh Mihsenge
Ke mwet pahluh ac mwet sap mihsenge uh sramsram ke kuh luhn Nguhn Muhtahl, kahs lalos oacpacna ma suhmuhslah uh. Sie mwe ahkuhtweyac wo ke ma se inge pa toeni luhlahp uh. Kuht kuh in lutlutkihn mwe lutlut ke toeni oreklac ke Mei ac Nohfuhmpuh ke Liahona.
Moses el Kuhtanguhllah Satan, sel Joseph Brickey
© 2022 sin Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lwenglah luhn Monthly Liahona Message, July 2022. Kosraean. 18298 868