Etinda ya sanza Liahona Sanza ya Nsambo 2022

Makomi: Liloba ya Nzambe

Profeta ya Kondimana na Kala, na Judith A. Mehr

Makomi ezali babuku esantu oyo ekomamaki mingimingi na baprofeta. Makoki etatolaka na ntina ya Yesu Klisto mpe eteyaka na ntina ya nsango malamu na Ye. Makomi mandimami Na Eklezia, ezali Biblia (oyo ekotisi Kondimana na Kala mpe Kondimana na Sika), Buku ya Mormon, Malongi mpe Mayokani, mpe Liyaka ya Ntalo Monene.

Kondimana na Kala

Kondimana na Kala ezali lisolo ya mayokani ya Nzambe na bato ya liyokani na bantango ya kala. Yango ekotisi lisusu mateya ya baprofeta lokola Mose, Joshua, Yisaya, Yilimia, mpe Daniele Atako yango ekomamaki mibu mikama yambo ya mbotama ya Yesu Klisto, ebele ya baprofeta ya Kondimana na Kala bakomaki na ntina na Ye.

Kondimana na Sika

Kondimana na Sika elobeli mbotama, bomoi ya bokufi, mateya, mpe Bomikabi ya Yesu Klisto. Yango esangisi lisusu mateya ya Bapostolo ya Klisto mpe bayekoli basusu. Kondimana na Sika ezali kosunga mpo na kososola lolenge nini kobika nsango malamu ya Yesu Klisto.

Buku ya Mormon: Litatoli Mosusu ya Yesu Klisto

Buku ya Mormon ezali lisolo ya bato moko oyo bafandaki kala na mokili ya ba Amerika. Yango esangisi mateya uta na baprofeta, mpe ntina na yango monene ezali koyebisa bato nyonso ete Yesu azali Klisto. Profeta Joseph Smith abongolaki yango uta na bapalaki ya wolo na likabo mpe nguya ya Nzambe.

Joseph Smith Jr. azali kozwa emoniseli, na Daniel A. Lewis

Malongi mpe Mayokani

Malongi mpe Mayokani etondisami na bimoniseli episamaki na Joseph Smith mpe baprofeta misusu ya mikolo mya nsuka. Bimoniseli elimboli lolenge nini Eklezia ya Klisto ebongisami. Yango etondisami lisusu na mateya ya motuya ya nsango malamu na ntina ya bonganganzambe, makuli ya nsango malamu, mpe nini ekoleka nsima ya bomoi oyo.

Liyaka ya Ntalo Monene

Liyaka ya Ntalo Monene esangisi babuku ya Mose mpe Abalayama, litatoli ya Joseph Smith, mpe Biteni ya Bondimi ya Eklezia. Ekotisi lisusu Joseph Smith—Matthew, eteni ya bobongoli ya Kondimana na Sika ya Joseph Smith.

Boyekoli Makomi

Baprofeta bateyaki biso koyekola makomi mokolo na mokolo. Kosalaka boye ekosunga biso kokolisa bondimi na biso mpe kokoma penepene ya Tata ya Lola mpe Yesu Klisto. Ntango toyekoli makomi na losambo, Molimo Mosantu ekosunga biso kozua biyano na mituna na biso.

Baprofeta ya Sikawa

Ntango baprofeta mpe bapostolo ya lelo bazali koloba na nguya ya Molimo Mosantu, maloba na bango ezali lokola likomi. Moko ya ndakisa na yango ezali likita linene. Tokoki koyekola liteya uta na likita linene na Bansanza ya Mitano mpe ya Zomi na moko na kati ya Liahona.

Mpo na Nini Kotanga Makomi?

Makomi Etatoli na ntina na Yesu Klisto (tala Yakobo 7:10–11).

Makomi epesamaki na lifuli ya Nzambe (Tala 2 Timote 3:15–16).

Tokoki kosalela makomi na babomoi na biso (tala 1 Nephi 19:23).

Mose alongi Satana, na Joseph Brickey

Bolimboli na molayi na ntina ya Liyaka ya Ntalo mingi

Buku ya Mose: Bobongoli efulama ya profeta Joseph Smith ya mikapo ya yambo ya Genese. Mokapo ya Mose 1 ezali lolenge na yango moko; mingi ya mikapo etikali elobeli Genese1:1–6:13.

Buku ya Abraham: Bobongoli efulama ya Profeta Joseph Smith ya makomi ya Abraham, uta papyrus scrolls found na Egypt.

Biteni ya Bondimi: Makomi tuku mitano ekomama na Joseph Smith oyo etalisi bafongola ya babondimi lokola bandimi Eklezia ya Nkolo.

© 2022 nA Intellectual Reserve, Inc. Makoki manso mabatelami. Ebetami na Etazini. Bondimami na lokota ya Angele: 6/19. Bondimami ya bobongoli: 6/19. BobOngoli ya Monthly Liahona Message, July 2021. LingAla. 18298 639