Klumech er a bek el buil Liahona, Ongeuid el buil 2022

Chedaol Llechukl: Tekingel a Dios

Profet er a Chuodel Renged, mlara Judith A. Mehr

A chedaol llechukl a chedaol el hong el milluches lokiu a reprofet. A chedaol llechukl a sioning er a Jesus Kristo e olisechakl el kirel a ebangkelio er Ngii. Sel meral chedaol llechukl er a Ikelesia a Biblia (el ngii a uldimukl er ngii a Chuodel me a Beches el Renged), Babier er a Mormon, Doctrine and Covenants, me a Pearl of Great Price.

Chuodel Renged

A Chuodel Renged a rekord er a deleuill er a Dios me a rechedal er a telbiil er a ngara mong el team. Ng uldimukl er ngii a osisecheklir a reprofet el ua Moses, Joshua, Isaiah, Jeremiah, me a Daniel. Ng uaisei el milluches er a kmal ngaramong el taem ruchei er a cherellel a Jesus Kristo, eng di te betok el profet er a Chuodel Renged a milluches el Kirel.

Beches el Renged

A Beches el Renged a rekord er a cherellel, klengar er Ngii er a beluulechad, osisecheklel, me a Tngakireng er a Jesus Kristo. Ng dirrek el ulsiseb er ngii a osisecheklel a re Apostol er a Kristo me a rebebil er a roltirakl er ngii. A Beches el Renged a ngosukid el mo medengei el kmo kede mekerang e oltirakl er a ebangkelio er a Jesus Kristo er chelechal team.

Babier er a Mormon: Tiang a Dirrek el Ouchais el Kirel a Jesus Kristo.

A Babier er a Mormon a rekord er a rebebil er a rechad el tir a kiliei er a mechut el Merikel. Ng uldimukl er ngii a osisecheklir a reprofet, e sel kmal moktek er ngii a ouchais er a rokui el chad el kmo a Jesus a ngii a Kristo. A Profet el Joseph Smith a uleliuiid er ngii er a tibereberk el sinstsyu el okiu a sengk me a klisichel a Dios.

Joseph Smith Jr. Ngilai chedaol Ocholt, mlara Daniel A. Lewis

Doctrine and Covenants

A Doctrine and Covenants a ulsiseb er ngii a ocholt el mora Joseph Smith me a rebebil er a profet er a uriul klebesei. Aika el ocholt a smodii el kmo ng mekera a teketekel a Ikelesia er a Kristo. Ng dirrek el ulsiseb er ngii a meklou a ultutelel el osisechakl el kirel a priesthood, chedaol ruoll er a ebangkelio, me a ikel mo mekedmokl ruriul er tia el klengar.

Pearl of Great Price

A Pearl of Great Price a uldimukl er ngii a hong er a Moses me a Abraham, olechotel a klaumerang er a Joseph Smith, me a Tebechelel a Klaumerang er a Ikelesia. Ng dirrek el uldimukl er ngii a Joseph Smith—Mateus, el tebechedel a oidel a Joseph Smith er a Beches el Renged.

Mesuub a Chedaol Llechukl

A reprofet a mla olisechakl er kid el mesuub a chedaol llechukl er a bek el sils. Sel doruul er itiang e kede menglou a klaumerang er kid e mo kmeed er a Demad er a Babeluades me a Jesus Kristo. Sel dosuub a chedaol llechukl el oba nglunguuch, e a Chedaol Reng a mo ngosukid el metik a nger el kirel a kerid.

Profet er Chelecha el taem

Se el sekum e a re profet me a apostel er chelecha el taem a mengedecheduch el oba klisichel a Chedaol Reng, e a tekingir a di uaia chedaol llechukl. A ta er a okesiu a klou el ongdibel Ng sebeched el mesuub a osisechakl er a klou el ongdibel er a chelsel aike el babier er a Ongeim me a Ongeteruich me a ta el buil er a Liahona.

Ngere Belkul Omenguiu el Chedaol Llechukl?

A chedaol llechukl a sioning er a Jesus Kristo (mesa Jakobus 7:10–11).

A chedaol llechukl a mengai el okiu a llemesel a Dios (mesa 2 Timothy 3:15–16).

Ng sebeched el meruul aike el ngara chedaol llechukl er a chelsel a klengar er kid (mesa 1 Nephi 19:23).

Moses a mlo mesisiich er a Diablong, mlara Joseph Brickey

Lmuut el komakai el omesodel a Pearl of Great Price

Babier er a Moses: Omekllomes el oidel a Profet Joseph Smith er aike el kot el bilongel er a Genesis. A kot el bilongel er a Moses a kmal ngodech; e aike el oeak uriul el bilongel a mlengai er a Genesis 1:1–6:13.

Babier er a Abraham: Omekllomes el oidel a Profet Joseph Smith er a omelechesel a Abraham, lengilai er a chuodel llechukl el tekoi er a Egypt.

Tebechelel a Klaumerang: Tacher me a kldei el klaumerang el lilluches a Joseph Smith el ngii a omasech aike el kmal meklou a ultutelel el klaumerang er kid a rechedal a Ikelesia er a Rubak.

© 2022 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Monthly Liahona Message, July 2022. Palauan. 18298 881