Molaetsa wa Liahona wa Kgwedi le kgwedi, Phukwi 2022

Dikwalo tse di boitshepo: Lefoko la Modimo

Moperofeti wa Kgolagano e Kgologolo a kwala

Moperofeti wa Kgolagano e Kgologolo, ka Judith A. Mehr

Dikwalo tse di boitshepo ke dikwalo tse di boitshepo tse di kwadilweng bogolo segolo ke baperofeti. Dikwalo tse di boitshepo di paka ka ga Jeso Keresete mme di ruta ka ga efangele ya Gagwe. Dikwalo tsa kafa molaong tsa Kereke ke Baebele (e e akaretsang Kgolagano e Kgologolo le Kgolagano e Ntšha), Buka ya ga Momone, Dithuto le Dikgolagano, le Perela e e Tlhwatlhwa e Kgolo.

Kgolagano e Kgologolo

Kgolagano e Kgologolo ke tshupo ya ditiragalo tsa Modimo le batho ba gagwe mo metlheng ya bogologolo. E akaretsa dithuto tsa baperofeti jaaka Moše, Joshua, Isaia, Jeremia, le Daniele. Le ntswa e kwadilwe dingwaga tse di makgolo pele ga matsalo a ga Jeso Keresete, bontsi jwa baperofeti ba Kgolagano e Kgologolo ba kwadile ka ga Gagwe.

Kgolagano e Ntšha

Kgolagano e Ntšha e supa matsalo, botshelo jwa go swa, dithuto, le Tetlanyo ya ga Jeso Keresete. Le gone e akaretsa dithuto tsa Baaposetole ba ga Keresete le barutwana ba bangwe. Kgolagano e Ntšha e re thusa go tlhaloganya ka fa re ka tshelang efangele ya ga Jeso Keresete gompieno.

Jeso Keresete a rera Thuto ya mo Thabeng

Buka ya ga Momone: Bosupi jo Bongwe ka ga Jeso Keresete

Buka ya ga Momone ke tshupoo ya batho bangwe ba ba nnileng mo Amerika wa bogologolo. E akaretsa dithuto tsa baperofeti, mme maikaelelo a yone a konokono ke go tlhotlheletsa batho botlhe gore Jeso ke Keresete. Moperofeti Joseph Smith o e ranotse go tswa mo dipapetlaneng tsa gauta ka neo le thata ya Modimo.

Joseph Smith a amogela tshenolo

Joseph Smith Jr. A amogela Tshenolo, ka Daniel A. Lewis

Dithuto le Dikgolagano

Dithuto le Dikgolagano di na le ditshenolo tse di neetsweng Joseph Smith le baperofeti ba bangwe ba malatsi a bofelo. Ditshenolo di tlhalosa ka fa Kereke ya ga Keresete e rulagantsweng ka gone. Le gone di na le dithuto tse di botlhokwa tsa efangele ka ga boperesiti, ditao tsa efangele, le gore go diragalang morago ga botshelo jo.

Perela e e Tlhwatlhwa e Kgolo

Perela e e Tlhwatlhwa e Kgolo e akaretsa dikwalo tsa ga Moše le Aborahame, bopaki jwa ga Joseph Smith, le Mekwalwana ya Tumelo ya Kereke. Le gone e akaretsa Joseph Smith—Mathaio, karolo ya thanolo ya ga Joseph Smith ya Kgolagano e Ntšha.

Go ithutuntsha Dikwalo tse di boitshepo

Baperofeti ba re rutile go ithutuntsha dikwalo tse di boitshepo letsatsi le letsatsi. Go dira jalo go re thusa go oketsa tumelo ya rona le go atamela Rara wa Legodimo le Jeso Keresete. Jaaka re ithutuntsha dikwalo tse di boitshepo ka thapelo, Mowa o o boitshepo o tlaa re thusa go bona dikarabo tsa dipotso tsa rona.

Baperofeti ba Malatsi ano

Fa baperofeti le baaposetole gompieno ba bua ka thata ya Mowa o o Boitshepo, mafoko a bone a tshwana le lekwalo le le boitshepo. Sekai se le sengwe sa se ke khonforense ya kakaretso. Re ka ithutuntsha dithuto go tswa mo dikgatisong tsa khonforenseng tsa Motsheganong le Ngwanaatsele Liahona.

Ke eng re Ithutuntsha Dikwalo tse di boitshepo?

Dikwalo tse di boitshepo di paka ka ga Jeso Keresete (bona 2 Jakobe 7:10–11).

Dikwalo tse di boitshepo di neetswe ka tlhotlheletso ya Modimo (bona 2 Timothy 3:15–16).

Re ka dirisa dikwalo tse di boitshepo mo matshelong a rona (bona 1 Nefi 19:23).

Moshe a fenya Satane

Moshe o fenya Satane, ka Joseph Brickey

Dintlha ka botlalo ka Perela e e Tlhwatlhwa e Kgolo

Buka ya ga Moshe: Thanolo e e tlhotlheleditsweng ya Moperofeti Joseph Smith ya dikgaolo di sekae tsa ntlha tsa Genesise. Kgaolo ya Moshe 1 e kgethegile; dikgaolo tse dingwe di ikaegile ka Genesise 1:1–6:13.

Buka ya ga Aberahame: Thanolo e e tlhotlheleditsweng ya Moperofeti Joseph Smith ka mekwalo ya ga Aberahame, go tswa go dipampiri tsa mekwalo tse di bonweng kwa Egepeto.

Mekwalwana ya Tumelo: Mekwalo e e lesome le boraro e e kwadilweng ke Joseph Smith e nankola ditumelo tsa rona tsa konokono jaaka maloko a Kereke ya Morena.

© 2022 ka Intellectual Reserve, Inc. All rights reserved. Printed in USA. Tetla ya Sekgoa: 6/19. Tetla ya thanolo: 6/19. Thanolo ya Molaetsa wa Liahona wa Kgwedi le kgwedi, Phukwi 2022. Setswana. 18298 763