Nso Idi Mbono Ufɔk ke Mbubreyo?

Ndise

eka, ete, ye ekpri nkaiferi etiede ke anwa-esien

Mbono ufok ke mbubreyo edi ini emi esiode enim ke udua enɔ ufɔkemna mbufo ndiboho. Ke ini emi, afo emekeme “ndikpep ikɔ Abasi, esɔŋɔ ikɔ ntiense, ebɔp edidiana-kiet, enyuŋ ekop ye kiet eken” (General Handbook: Serving in The Church of Jesus Christ of Latter-day Saints, 2.2.4, ChurchofJesusChrist.org). Mbono ufok ke mbubreyo etie nte enyene ukpuhɔre ke ufɔkemana kiet-kiet. Edi ufɔn edi ndida ini emi ndu ɔtɔkiet nyuŋ mkpere Andinyaŋa

Mbeŋe-idem

Kere baŋa edinam kiet emi esinemde ufɔkemana fo ye ibuot ikɔ Abasi emi afo akpamade ndineme mbaŋa nyuŋ mkpep ɔtɔkiet. Nko, mek usen kiet ye ini kiet kwa udua emi ediwak mme ofuri mbon ufɔkemana ekemede ndiso-bo. Ufɔk Abasi edɔhɔ mbon ufɔk Abasi ete enim mbono ufɔk mbubreyo ke ofuri mbubreyo Monday. Edi mme ufɔkemana ekeme ndiso-bo ke ini emi enehede ɔfɔn ɔnɔ mmɔ.

Ndise

ufɔkemana ebɔŋde-akam

Akam

Ediwak ufɔkemana etɔŋɔ enyuŋ etre mbono ufɔk ke mbubreyo ye akam. Emi ada Edisana Spirit esin ke ufɔk mmɔ. Mbono ufɔk ke mbubreyo edi akpan ini ɔnɔ nditɔ-ɔŋwɔŋ ye ikpɔ-owo ndikpep nte ebɔŋde akam ye ekpri eboho.

Ikwɔ

Ediwak ufɔkemana nko esinyene ikwɔ ntɔŋɔ ye ikwɔ usuana. Mmɔ esiwak ndimek ikwɔ kiet nto ŋwed-ikwɔ mme eke ŋwed-ikwɔ eke Nditɔ-ɔŋwɔŋ. Ufɔk Abasi enyene ubebre ikwɔ eke mme ikwɔ ke music.ChurchofJesusChrist.org. Mbufo nko emekeme edise mme ndise-video eke Nkaikwɔ Tabernacle ke Temple Square. Ndikwɔ-ikwɔ kini mbono ufɔk ke mbubreyo aŋwam mbon ufɔkemana ndikpep mme ikwɔ emi esikwɔde ke ufɔk Abasi.

Ukpepnkpɔ

Ufɔk Abasi enyene ediwak nkpɔ-ukpep emi ekemede ndiŋwam ke mbono ufɔk ke mbubreyo. Afo emekeme ndida esisit ini okot onyuŋ eneme nkpɔ kiet otode Liahona, Ufan, mme eke Abaŋade Nsɔŋɔnda eke Iwaad. Emi nko ekeme ndidi ini eke ndi-se nyuŋ nneme mme ndise-video eke Ufɔk Abasi. Mme ke afo emekeme ndikot utetiŋ-ikɔ otode akwa mbono, okot ŋwed Abasi, mme ndineme se ekekotde udua oro ke Di, Tiene Mi.

Ndise

nditɔ-ŋwɔŋ enamde iniŋe-uyo

Usioidem eke nditɔ-ŋwɔŋ enamde iniŋe-uyo otode Michelle Loynes

Ebuana eke Ufɔkemana

Nditɔ-ɔŋwɔŋ ekeme ndibuana ke mbono ufɔk mbubreyo. Mmɔ ekeme ndiŋwam mbeŋe mme edinam, mbɔŋ-akam, mme edimek nyuŋ nda-usuŋ ke ikwɔ. Mmɔ ekeme ndinɔ ukpepnkpɔ. Mbemiso etɔŋɔ mbono ufɔk ke mbubreyo, afo emekeme eyen fo okot mbuk kiet emi odude ke ŋwed-ndise eke Ufan mme ke mbuk ŋwed Abasi emi mmɔ enehede ema. Eyen oro ndien ekeme nditiŋ mbuk oro ono ufɔkemana nte ukpepnkpɔ. Ediwak nditɔ-ɔŋwɔŋ nko ema ndinam mme mbuk edinam ŋwed Abasi ke mbono ufɔk mbubreyo. Yak ikpɔ ndito ebeŋe ukpepnkpɔ mme ndimek utetiŋ-ikɔ eke akwa mbono emi mmɔ ekpemade ndikot. Ekem yak mmɔ eda-usuŋ ke edineme oro.

Mme Edinam

Ediwak ufɔkemana ekop inem ndinam mme edinam nte ubak-nkpɔ eke mbono ufɔk mbubreyo. Mme edinam esit-ufɔk ekeme ndisine ndibre mbre, ndinam ubɔkusɔ, mme nditem-udia ɔtɔkiet.

Eke mme edinam anwa-esien afo emekeme ndisasaŋa esisit, eka .anyan-isaŋ nte ufɔkemana kiet, mme edibre mbre ke esien ɔtɔkiet Eyom edinam kiet emi ofuri mbon ufɔkemana ekememde ndinam, enyuŋ ekop inem ɔtɔkiet. Etre mme ndaha mbuba emi ekpebinde Spirit osio.

Utom-unwam

Mbono ufɔk ke mbubreyo edi akwa ini ɔnɔ mme ufɔkemana ndiŋwam mbio efen. Afo emekeme ndiŋwam usuk mme ikpɔ mbɔhɔiduŋ fo, edeme udia ke ebiet mme anana ufɔkiduŋ, ewet leta ɔnɔ mme missionary, mme edimen mbio, nte uwutnkpɔ.

© 2022 otode Intellectual Reserve, Inc. Ekpeme kpukpru unen ndimiŋ. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop eke Liahona, August 2022. Efik. 18316 553