“Ngerang a Home Evening?” Liahona, Aug. 2022.
Klumech er a bek el buil LiahonaOngeai el buil 2022
Ngerang a Home Evening?
Home evening a taem el mla metib er a chelsel a tal sandei el telungalek er kau a mo keldibel. Chelsel tial taem, eng sebechiu el “mesuub ra ebangkelio, melisiich a klaumerang, e mo tal renged, e kautkeu” (General Handbook: Serving in The Church of Jesus Christ of Latter-day Saints, 2.2.4, ChurchofJesusChrist.org). A bek el telungalek a kakerous a loruul sel temel a home evening. Eng di a moktek a mo ousbech er tial taem el mo kaiuekeed e mo kmeed el mo er a Osobel.
Mengedmokl
Momdasu a omilil el telungalek er kau a sorir el meruul me a dai er a ebangkelio el somiu el dmak el mesaod e mesuub el kirel. E dirrek, el msikii a sils me a taem er a bek el sandei a le ngarngii a betok malechub a rokui el chedal a telungalek a sebecherir el mo kebetech. A Ikelesia a olengit ma rechedal a ikelesia loruul er a home evening sel kebesei er a Monday[Kot lureor]. Eng di a re telungalek a sebechir rullii sel taem el ngii a ungil mo er tir.
nglunguuch
Te betok el telungalek a omuchel e mengesimer a home evening loba nglunguuch Tiang a siotai er a Chedaol Reng mel bora chelsel a blirir. Home evening a ungil taem sel rengalek ma remeklou el chad a mesuub el meluluuch el ngara kekerei el ongdibel.
Chelitakl
Te betok el telungalek a dirrek el mekengii e mengesimer loba chelitakl. Te blechoel ngiltii a cheltiakl el ngara hymbook malechub eng cheliteklir a Primary. A Ikelsia a ngarngii a rekording er a orunga er a ikal chelitakl el ngara music.ChurchofJesusChrist.org. Ng dirrek el sebechem el omes a video er a Tabernacle Choir ra Temple Square. A omengitakl sel temel a home evening a ngosuterir a rechedal a ikelesia el mesuub a cheltiak el dongitakl er a ikelesia.
Suobel
A Ikelesia kmal betok a klekedall el sebechel lousbech el lolngeseu er a home evening. Ng locha soam el di ousbech a sesei el bung el menguiu e mesaod a cheldecheduch el ngara Liahona, a Sechelei, a lechub engKirel a Klisichir a Rengeasek. Tiang a dirrek el sebechel taem el mosubech el omes e mesaod a video er a Ikelesia. A lechub e monguiu a cheldecheduch er a klou el ongdibel, menguiu a chedaol llechukl, a lechub e mosaod a omenguiu el ngar sel Mei, e Moltirakl er Ngak.
Siasing er a rengalek el meruul a kukis el mla er a Michelle Loynes
Telungalek a ngarngii a Loruul
A rengalek a sebechir ngarngii a loruul sel temel a home evening. Ng sebechir el melib a bo loruul, meluluuch, a lechub e te melilt e oked a chelitakl. Ng dirrek el sebechir el olsisechakl. A uchei a lomuchel a home evening, eng sebechem el ngoseuir a ngelekem el chiuii a cheldecheduch el ngara babier er a Sechelei a lechub eng sel sorir el cheldecheduch el ngara chedaol llechukl. A ngalek a sebechel louchais er tial cheldecheduch el mo er a telungalek el suobel losisechakl er ngii. Ng betok el rengalek a sorir el lousibai a ikel cheldecheduch el ngara chedaol llechukl sel temel a home evening. Bo bechiteterir a remklou el ngalek mel sikii a suobel a lechub el ngiltii a cheldecheduch er a klou el ongdibel el sorir el mo menguiu er ngii. E mdu er tir mel oked er a cheldecheduch.
Omilil/Omeruul
Ng betok el telungalek a sorir el meruul a omilil el tebechedel a home evening. A omilil er a chelsel a blai a sebechel luldimukl a klekool, meruul a craft, a lechub e kom dmak el meruul a kall.
A omilil er a rikl eng sebechiu el merael lomsesues, ko mo hike el telungalek, a lechub kom dmak lousekool a klekool, Msikii a omilil el rokui el chedal a telungalek a sebecherir rullii, e mdak el lungil a rengmiu. Mongeroid a teletael er a klaidesachel eleng sebechel a Chedaol Reng el mo er cheroid.
Mesiou
Home evening a kmal ungil taem el telungalek a mo mesiou er a rebebil. Ng sebechiu lolngeseu er a remechuodel el tonari, serve a kall er a homeless shelter, meluches el mo ra remisionari, a lechub e kom meruu a komi, a di bebil er a okesiu.
© 2022 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Klumech er a Bek el Buil er a Liahona , Ongeai el buil 2022. Palauan. 18316 881