“Emwen seni Soufos mi Manau,” Liahona, Sept. 2022.
Porous ren Liahona Iteiten Maram, Septemper 2022
Emwen seni Soufos mi Manau
Soufos ekkewe mwan ra kokko seni Samach Kot won Nang ar repwe kapas fan Itan. Ra pwarata ussun Jises Kraist me osukunna An kapas allim. Chon Ewe Mwichefenin Jises Kraist ren Aramas mi Pin non Fansoun Soponon ra nuku ekkewe soufosun nom me soufosun ikenai.
Kot a Kapas seni ekkewe soufos
Soufos ra angei pwarata seni Kot. Nupwen ekkewe soufos ra chengen ne osukuna kich, a chok ussun nge Kot a kapas ngeni kich (nengeni Doctrine and Covenants 1:38). Sia tongeni nuku pwe ra apasa ngeni kich met Kot a mochen sipwe sinei.
Mormon a Kamoch ekkewe Seleich, seni Tom Lovell
Soufos ra Osukuna ussun Jises Kraist
Meinisin soufos ra pwarata ussun Jises Kraist. Ra osukuna ngeni kich pwe I ewe Noun Kot. Ra osukuna ngeni kich ussun Manauan, an nenien apiru, me An Achasefan. Me ra pwar ngeni kich ifa ussun ach sipwe tapweno mwirin I me anneasosichi An kewe annuk.
Wisen ekkewe Soufos
Ekkewe Soufos ra osukuna ewe kapas allimen Jises Kraist. Ra awewei ekkewe feioch sia angei nupwen sia anneasosichi ekkewe annuk me ekkewe niwin sia angei ika sise. Ren ekkoch fansoun, meni repwe chengen ne apasa ngeni kich ussun mettochun non fansoun mwach.
Moses me Faun Mak, seni Jerry Harston
Soufosun noom
Kot a aiti aramas seni ekkewe soufos seni chok nepoputan. Ekkewe soufos ra manau non fansoun Testamen Noom pachenong Adam, Noah, Abraham, Moses, Isaiah, me ekkoch. Mi pwan wor soufos nein ekkewe aramas non ewe Puken Mormon. Ekkei soufos pachenong Liai, Mosaia, Alma, me Moronai. Sia tongeni kaeo met ra aitikich ren anneani ekkewe pukepin.
Soufosun Ikenai
Joseph Smith i ewe akkomwan soufos ren fonsoun ikenai. I a eniwinisefani ewe Mwichefenin Jises Kraist ngeni ewe fonufan. Russell M. Nelson i ewe soufos me Presetenin ewe Mwichefen ikenai. Noun kewe chon emwen non ewe Aewin Presetensi me ewe mwichen Engon me Ruemon Apostel pwan ir soufos. chon osini, me kewe chon pwarata.
Ausening ngeni ewe Soufos
Ewe soufos a kapas ngeni kich non ewe mwichenap me pwan ekkoch fansoun. A osukuna ngeni kich ren met Kot a mochen sipwe sinei me ifa ussun sipwe tapweno mwirin Jises Kraist ikenai. Sia tongeni kuna an kewe osukun non ewe Liahona me won ChurchofJesusChrist.org.
Kewe Feiochun Tapweno mwirin ewe Soufos
Sipwe feioch ika sia tapweno mwirin an ewe soufos kewe osukun. Nupwen sipwe tapweno mwirin ewe soufos, sia tongeni sinei pwe sia fori met Kot a mochen sipwe fori. Sia tongeni mefi kinamwe non manauach me arap ngeni Jises Kraist.
© 2022 by Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun Porousen Liahona Iteiten Maram, September 2022. Kapasen Chuuk. 18299 901