“Mme Odu-uwem Prophet Eda Usuŋ“ Liahona, Sept. 2022.
Ɔfiɔŋ-ke-Ɔfiɔŋ Etop Liahona , Ɔfiɔŋ September 2022
Mme Odu-uwem Prophet Eda Usuŋ
Mme prophet edi irenowo emi Ete eke Heaven okotde ete etiŋ-ikɔ enɔ Enye. Mmɔ etiŋ ikɔ ntiense ebaŋa Jesus Christ enyuŋ ekpep-ŋkpɔ ebaŋa ikɔ Abasi Esie. Mbon Ufɔk Abasi Jesus Christ mme Ndisana Owo Ekpere Edem Usen enim mme prophet eset ye eke eyo emi ke akpanikɔ.
Abasi Eting-ikɔ oto ke mme Prophet
Mme Prophet ebɔ eriyarare eto Abasi. Ke ini mme prophet ebɔde odudu ndikpep nnyin ŋkpɔ, edi ukem-ukem ke nte Abasi ekpetiŋde ikɔ ɔnɔ nnyin (se Doctrine and Covenants1:38). Nnyin imikeme ndinim ite ke mmɔ etiŋ se Abasi ediyomde ete nnyin idiɔŋɔ enɔ nnyin.
Mormon Adiande mme Usan-itiat, otode Tom Lovell
Mme Prophet Ekpep ebaŋa Jesus Christ
Ofuri mme prophet etiŋ-ikɔ ntiense ebaŋa Jesus Christ. Mmɔ ekpep nnyin ete ke Enye edi Eyen Abasi. Mmɔ ekpep nnyin ebaŋa uwem, uwutŋkpɔ, ye Erisio-isop Esie. Ndien mmɔ ewut nnyin daŋa nte ikpitiene Enye inyuŋ inim mme mbet Esie.
Mme Ubiɔŋ-utom eke mme Prophet
Mme prophet ekpep ikɔ Abasi Jesus Christ. Mmɔ enam mme edidiɔŋ emi nnyin ibɔde kini nnyin inimde mme mbet ye mme utip eke nnyin idibɔde ke nnyin minimke aŋwaŋa. Ke ubak-ini, mmɔ ekeme nditiŋ mbaŋa mme ŋkpɔ-ntibe ini-iso nnɔ nnyin.
Moses ye mme Itiat-ŋwed, otode Jerry Harston
Mme Prophet Eset
Abasi ama ekpep mme owo oto ke mme prophet tɔŋɔ ke editɔŋɔ. Mme prophet emi ekedude ke mme ini Akani Testament esine Adam, Noah, Abraham, Moses, Isaiah, ye mbon eken. Mme prophet nko ema edu kotu mbon eke Ŋwed Mormon. Mme prophet emi ekesine Lehi, Mosiah, Alma, ye Moroni. Nnyin imikeme ndikpep se mmɔ ekekpep ke ndikot ŋwed Abasi.
Mme Prophet Eyo emi
Joseph Smith ekedi akpa prophet ke eyo emi. Enye akafiak emen Ufɔk Abasi Jesus Christ edi ke isɔŋ. Russell M. Nelson edi prophet ye Adaibuot ke Ufɔk Abasi mfin emi. Mme ɔnɔitem esie ke First Presidency ye mme Apostle Duopeba nko edi mme prophet, asiak-uduak, ye andiyarare.
Ekpaŋde-utɔŋ enɔ Prophet
Prophet etiŋ-ikɔ ɔnɔ nnyin kini akwa mbono ye ke mme ini efen. Enye ekpep nnyin se Abasi oyomde ete nnyin idiɔŋɔ ye daŋa nte ikpitienede Jesus Christ mfin emi. Nnyin imikeme ndikut mme ukpep-ŋkpɔ esie ke Liahona ye ke ChurchofJesusChrist.org.
Mme Edidiɔŋ ke Nditiene Prophet
Nnyin iyebɔ edidiɔŋ edieke nnyin itienede mme ukpep eke prophet. Ini emi nnyin itienede prophet, nnyin iyekeme ndidiɔŋɔ ete ke nnyin inam se Abasi okpoyomde nnyin inam. Nnyin iyekeme ndikop emem ke uwem nnyin inyuŋ isaŋa ikpere Jesus Christ.
© 2022 otode Intellectual Reserve, Inc. Ekpeme kpukpru unen ndimiŋ. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare eke Ɔfiɔŋ-ke-ɔfiɔŋ Etop Liahona, Ɔfiɔŋ September 2022. Efik. 18299 553