“Kolyuck sin Mwet Pahluh Moul,” Liahona, Sept. 2022.
Mahlwem Nuhkwewa Liahona Mwe Fahkwack, Septempuh 2022
Kolyuck sin Mwet Pahluh Moul
Mwet Pahluh uh mwet pahng sin Pahpah Inkuhsrao in sramsram Aholuhl. Elos fahkwelihk kacl Jisus Kraist ac luti wosasuc Lal. Mempucr ke Alu luhn Jisus Kraist luhn Mwet Luhlahlfongi ke Lwen-sahflah luhlahlfongi ke kewana mwet pahluh meet ah ac ingena nge.
God el sramsram tuhkuh yurin Mwet Pahluh.
Mwet pahluh eis fwackyuck sin God. Ke mwet pahluh uh moklweyuck in luti kuht, oacpacna ke God elac sramsram nuh sesr uh (liye Doctrine and Covenants 1:38). Kuht kuh in luhlahlfongi muh ma elos fahk nuh sesr uh ma God el luhngse kuht in etuh.
Mormon Pihkihnyac Plet, sel Tom Lovell
Psalms Luti ke Jisus Kraist
Mwet pahluh nuhkwewa fahkwack kacl Jisus Kraist. Elos luti kuht lah El pa Wen nuhtin God. Elos luti kuht ke moul, srihkasrak, ac Iwaclah Lal. Ac elos oruh kuht in liye lah kuht ac Ukacl fuhkah ac ahkos masap Lal.
Ma kunacn Mwet Pahluh
Mwet pahluh luti ke wosasuc luhn Jisus Kraist. Elos ahkuhtweyac mwe insewowo kuht eis ke kuht ahkos masap ac ma e tuhkuh nuh sesr kuht fin tiacna na. Ke kuhtuh pacl uh, elos e moklweyuck in fahk nuh sesr ma e sikyak pacl fahsruh uh.
Moses ac Tahplets, sel Jerry Harston
Mwet pahluh meet ah
God el luti mwet uh yurin mwet pahluh e ke na muhtacwacack ah. Mwet pahluh ma moul ke pacl in Wuhlweacng Mahtuh ah pa Adam, Noah, Abraham, Moses, Isaiah, ac kuhtuh pac sahyac. Oasr pac mwet pahluh inmahsrlon mwet ke Puk luhn Mormon. Mwet pahluh inge pa Lehi, Mosiah, Alma, ac Moroni. Kuht kuh in lutlutkihn luti lalos uh ke kuht riti ma suhmuhslah.
Mwet Pahluh Misenge
Joseph Smith el pa mwet pahluh se emeet ke pacl misenge uh. El fohlohkohnwack Alu luhn Jisus Kraist nuh facluh. Russell M. Nelson el pa mwet pahluh ac Prestuhn luhn Alu uh misenge. Mwet in kahsruh lal ke Prestuhnsi Se Met ac Mwet Sap Singucul Luo ah elos oacyacpac mwet pahluh, mwet liyactwen, ac eis fwackyuck.
Lohng Mwet Pahluh
Mwet pahluh elos sramsram nuh sesr ke pacl toeni luhlahp ac ke ohiyac pac sahyac. El luti kuht lah meac God el luhngse kuht in oruh ac kuht e ukwacl Jisus Kraist fuhkah misenge. Kuht kuh in sokwack mwe luti lalos uh ke Liahona ac ke ChurchofJesusChrist.org.
Mwe insewowo ke Ukwe Mwet Pahluh
Kuht e ahkinsewowoyeyuck ke kuht ukwe mwe luti luhn mwet pahluh uh. Ke kuht ukwe mwet pahluh uh, kuht e etuh lah kuht oruh ma God el luhngse kuht in oruh. Kuht kuh in puhla mihs ke moul lasr ac fototo nuh sin Jisus Kraist.
© 2022 sin Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lwenglah luhn Monthly Liahona Message, September 2022. Kosraean. 18299 868