“Mukrael er a re Ngar el Profet,” Liahona, Sept. 2022.
Klumech er a bek el builLiahonaOngetiu el buil 2022
Mukrael er a re Ngar el Profet
A reprofet a rsechal mokedong er a Chedam er a Babeluades el mengedecheduch el Kirel. Tir a sioning er a Jesus Kristo e olisechakl er a ebangkelio er Ngii. A rechedal a Ikelesia er a Jesus Kristo er a Uriul-klebesei el Santo a oumerang er a reprofet er a rechuodel me a chelecha el taem.
A Dios a Mengedecheduch lokiu a Reprofet
A reprofet a melai chedaol ocholt er a Dios. A reprofet sel lolisechakl er kid, eng kmal diosisiu ngii me a le Dios a mengedecheduch er kid (mesa Doctrine and Covenants 1:38). Ng sebeched el mo oumerang el kmo aike ledu er kid a ngii a soal a Dios a bo dodengei.
Mormon Loldak a tibereberk el syntsiu , mlara Tom Lovell
A Reprofet Olisechakl el Kirel a Jesus Kristo
A rokui el profet ouchais el kirel a Jesus Kristo. Te olisechakl er kid el kmo Ngii a Sechal Ngelekel a Dios. Te olisechakl er kid el kirel a klengar Ngii, okesiul, me a Tngakireng er Ngii. E dirrek lochotii er kid el kmo ng mekera doltirakl er Ngii e dolngesenges a Llechul.
Ngerchelir a Reprofet
A Reprofet olisechakl er a ebangkelio er a Jesus Kristo. Te smaod a klengeltengat el dengai sel doltirakl a llach me a dirrek el kngtil ruriul a lsekum eng diak doltirakl. E ngarngii a taem, e te mukrael el mo subedid er a ikel mo duubech er medad el taem.
Moses lolab a Tablets, mlara Jerry Harston
Reprofet er a Recheuodel
A Dios a dimla olisechakl er a rechad lokiu a reprofet er sera uchelel. A reprofet el kiliei er a taem er a Chuodel Renged a uldimukl a Adam, Noah, Abraham, Moses, Isaia, me a rebebil. Ng dirrek el mla er ngii a reprofet er a chelsel a Babier er a Mormon. Tirkal profet a uldimukl er ngii a Lehi, Mosiah, ALma, me a Moroni. Ng sebeched el mo medengei aikel tir a ulisechakl sel donguiu a chedaol llechukl.
Profet er Chelecha el taem
A Joseph Smith a mle kot el profet er chelechal taem. Ngii a ulutii a Ikelesia er a Jesus Kristo el mei er a beluulechad. A Russell M. Nelson a ngii a profet e Merredel er a Ikelesia er chelechal sils. A re counselor ngii er a First Presidency me a Rteruich me a terung el Apostol a dirrek el profet,chad er a ues, me a chedaol ocholt.
Orrenges er a Profet
A profet a mengedecheduch er kid er sel temel a klou longdibel me a kuk di bebil er a taem. Ng olisechakl er kid aikel soal a Dios a bododengei e mekera bo doltirakl er a Jesus Kristo er chelechal sils. Ng sebeched el metik osisecheklel er a Liahona me a ChurchofJesusChrist.org.
Klengletengat sel doltirakl er a Profet
Kede mo ngeltengat sel doltirakl osischeklel a profet. Sel doltirakl er a profet, eng sebeched el mo medengei el kmo ked emeruul aikel Dios a soal a doruul. Ng sebeched el melchesuar a budech er a klengar kid e olkeed el mo er a Jesus Kristo.
© 2022 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Klumech er a Bek el Buil er a Liahona , Ongetiu el buil 2022. Palauan. 18299 881