“Nkɔmhyɛfoɔ a Wɔtease Di Anim,” Laehona, Ɛbɔ 2022.
Bosome bosome Laehona Nkransɛm, Ɛbɔ 2022
Nkɔmhyɛfoɔ a Wɔtease Di Anim
Nkɔmhyɛfoɔ yɛ mmarima a Ɔsoro Agya afrɛ wɔn sɛ wɔnkasa mma No. Wɔ di Yesu Kristo ho adanseɛ na wɔkyerɛkyerɛ Ne nsɛmpa no. Yesu Kristo Asɔre a Ɛwɔ hɔ ma Nna a Ɛdi Akyire Ahotefoɔ mma gye tete ne ɛnnɛ yi Nkɔmhyɛfoɔ nyinaa di.
Onyankopɔn kasa fa Nkɔmhyɛfoɔ so
Nkɔmhyɛfoɔ gye adiyisɛm firi Onyankopɔn hɔ. Sɛ nkɔmhyɛfoɔ nya nkanyan kasa kyerɛ yɛn a, ɛte sɛ deɛ Onyankopɔn rekasa akyerɛ yɛn pɛpɛɛpɛ (hwɛ Nkyerɛkyerɛ ne Apam 1:38). Yɛbɛtumi agye adi sɛ wɔreka deɛ Onyankopɔn pɛ sɛ yɛhunu no kyerɛ yɛn.
Mormon Reyɛ Mprɛte no tiawa, Tom Lovell
Nkɔmhyɛfoɔ Kyerɛkyerɛ fa Yesu Kristo ho
Nkɔmhyɛfoɔ nyinaa di Yesu Kristo ho adanseɛ. Wɔkyerɛkyerɛ yɛn sɛ Ɔyɛ Onyankopɔn Ba. Wɔkyerɛkyerɛ yɛn fa N’abrabɔ, nhwɛsoɔ, ne Mpata no ho. Na wɔkyerɛ yɛn sɛdeɛ yɛbɛdi N’akyi na yɛadi Ne mmaransɛm so.
Nkɔmhyɛfoɔ Asɛdeɛ
Nkɔmhyɛfoɔ kyerɛkyerɛ Yesu Kristo asɛmpa no. Wɔkyerɛkyerɛ nhyira a yɛnya firi mmaransɛm no so die ne ɔhaw nso a yɛnya sɛ yɛanni so a. Mmerɛ bi wɔ hɔ a, wɔnya nkanyan ka deɛ ɛbɛsi daakye kyerɛ yɛn.
Mose ne Mprɛte no, Jerry Harston
Tete Nkɔmhyɛfoɔ
Onyankopɔn nam nkɔmhyɛfoɔ so akyerɛkyerɛ nkorɔfoɔ firi ahyɛaseɛ no. Nkɔmhyɛfoɔ a wɔtenaa ase Apam Dada berɛ so no Adam, Noah, Abraham, Mose, Yesia, ne afoforɔ ka ho. Na nkɔmhyɛfoɔ nso ka Mormon Nwoma no nkorɔfoɔ ho. Saa nkɔmhyɛfoɔ yi Lihae, Mosaya, Alma, ne Moronae ka ho. Yɛbɛtumi asua deɛ wɔkyerɛɛe no berɛ a yɛrekenkan twerɛnsɛm no.
Ɛnnɛ yi Nkɔmhyɛfoɔ.
Joseph Smith na ɔyɛ nkɔmhyɛni a ɔdi kan wɔ ɛnnɛ mmerɛ yi mu. Ɔsane de Yesu Kristo Asɔre baa asase no so. Russell M. Nelson yɛ Asɔre no nkɔmhyɛni ne Titenani ɛnnɛ mmerɛ mu. N’afotufoɔ a wɔwɔ Titenafoɔ a wɔdi Kan no mu ne Asomafoɔ Dummienu no nso yɛ nkɔmhyɛfoɔ, adehunufoɔ, ne adiyifoɔ.
Retie Nkɔmhyɛfoɔ no
Nkɔmhyɛni no kasa kyerɛ yɛn wɔ amansan nhyiamu berɛ ne mmerɛ afoforɔ mu. Wɔkyerɛkyerɛ yɛn deɛ Onyankopɔn pɛ sɛ yɛhunu ne sɛdeɛ yɛbɛdi Yesu Kristo akyi ɛnnɛ mmerɛ mu. Yɛbɛtumi ahunu ne nkyerɛkyerɛ wɔ Leahona ne ChurchofJesusChrist.org.
Nkɔmhyɛni Akyiridi Nhyira
Wɔbɛhyira yɛn sɛ yɛdi nkɔmhyɛni no nkyerɛkyerɛ so a. Sɛ yɛdi nkɔmhyɛni no akyi a, yɛbɛtumi ahunu sɛ yɛreyɛ deɛ Onyankopɔn pɛ sɛ yɛyɛ no. Yɛbɛtumi ate asomdwoeɛ nka wɔ yɛn abrabɔ mu na yɛatwe abɛn Yesu Kristo.
© 2022 by Intellectual Reserve, Inc. All rights reserved. Wɔtintimm no wɔ USA Borɔfo Kasa ho kwan-ma: 6/19. Nkyerɛaseɛ ho kwan-ma: 6/19. Nkyerɛaseɛ ma Bosome bosome Laehona Nkransɛm, Ɛbɔ 2022. Twi 18299 000