Mulwol ni Ngan Thapeg ko biney e Pul nifan e Liahona, ko September 2022

Fapi Profet nib Fos nibe Powi’iynag

Profet e bugi pumo’on nike turuguy e Chitamangiy nu Tharmiy ninge non nifan ngak. Be micheg mornga’agen Yesus Kristus nge michib nag mornga’agen e gospel Rok’. Gidii’en Fare Galasia ku Yesus Kristus ni Fan ko Gidiiʼen Got ko Tin Tomur e Rran e michuwun’rad ngak fapi profet ni kakrom nge tin chiney e profet.

Got e ma non u daken fapi Profet

Profet e ma thapeg e yi’iy nibe yib rok’ Got. Napan nra yib ngaen’ fapi profet ni ngar michib niged gadad, ma ka’am rogon ni woed ni Got e be non ngodad (muguy ko Doctrine and Covenants 1:38). Rayag ninge pagaen’dad ko tin ni yaed be yog e tin ni ba’adag Got ni ngad nanged.

Mormon nibe ta’areb nag fapi Plate, yib rok’ Tom Lovell

Fapi profet ni Michib ni Mornga’agen Yesus Kristus

Gubin fapi profet nra micheged rok’ Yesus Kristus. Kar filed ngodad ni’ir e Fak Got. Kar filed ngodad mornga’agen e yafos rok’, wo’en, nge Bayul rok’. Ma kar daged ngodad rogon ni ngad laked min fol ko fapi motochiyel rok’.

Muruwel ko fapi Profet

Fapi profet e yad ma fil ngodad fare Gospel rok’ Yesus Kristus. Kar weliyed mornga’agen fapi tawa’ath ni yima thapeg napan ni gadadra fol ko fapi motochiyel nge tin nra buch ni fa’anra dabda folgad riy. Bochingiyal’, ma yad ma weliy e tin ni bayi buch nga mm’on.

Moses nge Fagli Malang, yib rok’ Jerry Hartson

Pi Profet ni Kakrom

Got e ke michib ko gidii’ u daken e profet ko napan e somm’on. Fapi profet ko bin Kakrom e M’ag ab mu’ub Adam ngay, Noah, Abraham, Moses, Isaiah, nge ku boech. Ma ki’imoy boech e profet u fithik’ fapi gidii’ ko Babyor ku Mormon. Tiney e profet ab mu’un Lehi ngay, Mosiah, Alma, nge Moroni. Rayag ni ngad filed e tin ni kar michib niged napan ni bay ni be’eg fapi chep nib thothup.

Fapi Profet ko Tin Tomur e Rran

Joseph Smith e ir e bin somm’on e profet ko tin tomur e rran. Ir e fulweg yarmen e Galasia ku Yesus Kristus nga fayleng. Russell M. Nelson e ir e profet nge President ko Galasa e daba’. Fapi counselors rok’ nge Bin Somm’on e Presidency nge fare Ragag nge L’agruw i Apostles e ku bugi profet, ta powi’iy, nge yi’y.

Motoyil ko Prophet

Ma non e profet ngodad ko ngiyal’ e general conferene nge ku boech e ngiyal’. Ma fil ngodad e tin ni ba’adag Got ni ngad nanged nge rogon ni ngan leak Yesus Kristus e daba’. Rayag ni ngad pire’egned e pi michib ney ulan e Liahona nge ChurchofJesusChrist.org.

Tawa’ath nima Yib ni Bachan e Yibe Leak Wo’en e Profet

Ran tawa’ath nagdad ni fa’anra gadadra fol ko fapi michib ko profet. Napan ni gadadra leak e profet, rayag ni gadadra nang ni gadad be rrin’e n’en ni ba’adag Got ni ngad rrin’ed. Rayag ni gadadra thamiy e gapas ulan e yafos rodad ma gadad chuchugur ngak Yesus Kristus.

Yib ko pi Chep nib Thothup

Got e ma non ngak e pi profet rok’ (muguy ko Amos 3:7).

Ran tawa’ath nagdad ni fa’an gadadra leak e profet (muguy ko Doctrine and Covenants 21:4–6).

Profet e ma powi’iy fare Galasia (muguy ko Doctrine and Covenants 107:91–92).

Thin ni nge Par u Wun’uy

Thogthog: Ba profet nima guy e tin nib thothup ni dabiyag ni nge guy e gidii’ nib fel’ rogon.

Yi’iy: Be’ nima dag e tin ni ba’adag Got ni ngad nanged.

Micheg: Mog e tin nib michuwun’um ngay fa tin ni gamanang nib riyul’.

© 2022 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Mulwol ni Ngan Thapeg ko biney e Pul nifan, ko September 2022. Yapese. 18299 905