Etop Ofuri Ɔfiɔŋ Liahona eke, November 2022
Inyene Ɔsɔŋɔ uko
Esisit esiode ewet
Nte eka mi eketiŋde ɔnɔ mi kini ami nkesemede mbaŋa nte ŋkpɔ ɔsɔŋde ekesim, “Oh, Hal, nte ededi ŋkpɔ oro ɔsɔŋ. Akpana edi ntre. Uwem edi udomo.”
Enye ekeme editiŋ oro suŋ-suŋ ete, kpa ye inua-imam, koro enye ama ɔdiɔŋɔ ŋkpɔ iba. Ibeheke ndutuhɔre oro, se idinehede idi akpan ŋkpɔ edidi edikisim ufɔk man okodu ye Ete Heaven esie. Ndien enye ama ɔdiɔŋɔ ke enye ekeme edinam oro oto ke edibuɔt-idem ke Andinyaŋa esie. …
Enehede etiŋ inyene ɔsɔŋɔ uko emi enye okonimde ɔnɔ nnyin ewut ke Moroni 7, ke ebiet Mormon eketiŋde ikɔ ɔsɔŋɔ ɔnɔ nditɔ iren esie ye ikɔt esie. …
Enye akada Jesus Christ nte akpa ŋkpɔ, ukem nte ofuri mbon se ikut unen esinamde ke edinɔ ɔsɔŋɔ uko nnɔ mbon emi enwanade esaŋa eka iso ke mfafaha usuŋ edika ufɔkiduŋ heaven mmɔ. …
Mormon ama okut nsuhɔre idem nte idiɔŋɔ eke ɔsɔŋɔ mbuɔtidem mmɔ. …
Ekem Mormon eteme mmɔ ke editiŋ ikɔ ntiense ete ke mmɔ edu ke usuŋ edikibɔ enɔ eke esit mmɔ emi ɔyɔhɔde ye ata ima eke Christ. …
Ke mfiakde nse, idahaemi ami ndikut enɔ eke ata ima oro—ata ima Christ—ɔsɔŋɔke, ekpemede, eberede, onyuŋ okpuhɔde eka mi ke utom usuŋ esie ndinyɔŋ ufɔkiduŋ. …
… Andinyaŋa ɔdiɔŋɔ afanikɔŋ nnyin ofuri-ofuri. Enye ɔdiɔŋɔ akwa ndaha mbufo ke ndikɔri ke mbuɔtidem, idorenyin, ye ima.
Ibet ye ediomi emi Enye ɔnɔde nnyin idihe mme idomo man akakara nnyin. Mmɔ edi enɔ man emenere mbufo ekesim edibɔ kpukpru mme enɔ eke Abasi ndien enyɔŋ ufɔkiduŋ ebine Ete Heaven ye Jehovah mbufo, emi amade mbufo.