“From Wanem Yumi Pem Taeting,” Liahona, Disemba 2022.
Liahona Mesej blong Evri Manis, Disemba 2022
From Wanem Yumi Pem Taeting
Ol memba blong Jos Ia blong Jisas Kraes blong Ol Lata-dei Sent oli givim wan aot long ten long evri mane we oli winim i go long Jos. Hemia oli singaotem taeting. Mane ia oli yusum blong mekem wok ia blong Jos raon long wol.
?Wanem Ia Taeting?
Wan long ol komanmen blong God hem i blong pem taeting, we hem i wan aot long ten blong evri mane we yumi winim long wok, i go long Jos blong Hem. Taem yumi pem taeting, yumi soem tangkyu blong yumi long God from ol blesing blong yumi. Yumi soem se yumi trastem Lod, mo we yumi wantem blong obei Hem long evri samting.
OlTesteman Tijing
Ol pipol blong God oli bin pem taeting stat long ol taem blong OlTesteman. Eksampol, Ebraham i bin pem taeting (luk long Jenesis 14:18–20). Ol profet blong bifo oli bin tijim loa blong taeting, mo tu, Moses mo Malakae (luk long Levitikas 27:30–34; Nehemaea 10:35–37; Malakae 3:10).
Loa blong Taeting we I Bin Kambak
Long 1838, Profet Josef Smit i bin askem Lod olsem wanem ol memba blong Jos oli mas pem taeting. Ansa ia blong Lod oli raetemdaon long Doktrin mo Ol Kavenan 119, we hem i talem se ol memba oli mas pem wan aot long ten long evri samting we oli winim i go long Jos (luk long ves 4). Ol lida blong Jos oli bin tijim se “samting we oli winim” i minim mane we yumi winim tru long wok.
Foto i kam long Jamie Dale Johnson
Olsem Wanem Nao blong Pem Taeting
Yumi save pem taeting taem yumi fulumap onlaen donesen fom long donations.ChurchofJesusChrist.org. O yumi save fulumap wan pepa fom mo givim mane long wan memba blong bisoprik o branj presiden. Evri mane ia oli sendem i go long Jos hedkwota. Ol Jos lida (Fas Presidensi, Kworom blong Olgeta Twelef Aposol, mo Prisaeding Bisoprik) oli prea mo disaed long olsem wanem bae oli yusum.
Ol Blesing
Lod i bin promes se olgeta we oli pem taeting bae hem i blesem olgeta, tugeta long saed blong bodi blong mit mo bun mo long saed blong spirit. Taeting i blesem evri pikinini blong God wetem janis ia blong lanem abaot Hem mo gro long gospel.
Long Wanem Wei Nao Oli Stap Yusum Mane blong Taeting
Mane blong taeting oli yusum blong bildimap Jos raon long wol. Hemia i tekem tu ol bilding blong ol tempol mo ol narafala plan we Jos i gat i stap, printim ol skripja mo ol narafala materiol, pem ol samting blong ol skul we oli blong Jos, mo stap help wetem famli histri mo misinari wok.
Taeting Dikleresen
Wan taem long wan yia, ol Jos memba oli mit wetem bisop blong olgeta (o branj presiden) blong talem long hem sapos olgeta oli bin pem taeting fulwan.
Wanem Nao Taeting I Stap Pem
Foto blong Oklan Kalifonia Tempol i kam long Longin Lonczyna Junia.
© 2022 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/19. Oli letem long translesen: 6/19. Translesen blong Monthly Liahona Message, December 2022. Bislama. 18318 852