Porous ren Liahona Iteiten Maram, December 2022

Pwata Sia Moni Ew Na Engon

Chon Ewe Mwichefenin Jises Kraist Ren Aramas Mi Pin Non Fansoun Soponon ra wano ew na engonun ar mwoni tonong ngeni ewe Mwichefen. Ei a iteni ew na engon. Ewe mwoni a nounou ne fori angangen ewe Mwichefen non unusen fonufan.

Met Ew ne Engon?

Ew me nein an Kot kewe annuk ina ach sipwe kamotiw ew na engon, minne ewe ew na engonun om mwoni tonong, ngeni An Mwichefen. Nupwen sia moni ew na engon, sia pwarano ach kinisou ngeni Kot ren ach kewe feioch. Sia pwarano pwe sia epinukunuk non ewe Samon me sia mochen ach sipwe anneasosich I non mettoch meinisin.

Melkisetek—Chon tumunu ewe Imwen Iseis, seni Clark Kelley Price

Ekkewe Afanfanen Testamen Noom

Noun Kot aramas ra monatiw ew na engon seni fansoun Testamen Noom. Awewe ren, Abraham a moni ew na engon (nengeni Genesis 14:18–20). Ewe annukun ew na engon a pwan wor afanafanan seni ekkewe soufosun noom, pachonong Moses me Malachi (nengeni Leviticus 27:30–34; Nehemiah 10:35–37; Malachi 3:10).

Niwinsefaniton ewe Annukun Ew Na Engon

Non 1838, ewe Soufos Joseph Smith a eisini ewe Samon ifa ussun an chon ewe Mwichefen repwe monatiw ew na engon. An ewe Samon ponueni a makketiw non Doctrine and Covenants 119, ewe a apasa pwe chon mwichefen repwe wano ew na engonun ar tufich ngeni ewe Mwichefen (nengeni verse 4). Ekkewe sou emwenin Mwichefen ra osukuna pwe “interest” wewen mwoni tonong.

Sasing seni Jamie Dale Johnson

Ifa ussun Ach Monatiw Ew Na Engon

Sia tongeni monatiw ew na engon ren ach amasowa ewe taropwen fes won line ren donations.ChurchofJesusChrist.org. Are sia tongeni amasowa echo taropwe me ngeni emon chon ewe pisoprik ika presetensin pranch ewe moni. Meinisin ewe mwoni a titino ngeni ofesinapen Mwichefen, ikewe sou emweni Mwichefen (Aewin Presetensi, Mwichen Engon me Ruemon Aposel, me Chon Nemeni Mwichen Pisoprik) ra ekiek fiti iotek ifa ussun nounoun ewe mwoni.

Feioch

Ewe Samon a pwon pwe ekkana ra moni ew na engon repwe feioch non pekin aion me non pekin ngun. Ew na engon a pwan efeiochu meinisin noun Kot semirit fiti ewe tufich ar repwe kaeo me marita non ewe kapas allim.

Ifa Ussun Nounoun Mwonien Ew Na Engon

Mwonien ew na engon a nounou ne oueta an ewe Samon Mwichefen won unusen fonufan. Ei a pachenong ekkewe imwen tempel me ekkoch imwen Fan, nenien fori pukefen me ekkoch pisek, awora mwonien sukunen ewe Mwichefen, me anisi uruon famini me angangen misineri.

Kapungunon Ew Na Engon

Fan ew non ew ier, chon ewe Mwichefen ra churi nour pisop (ika presetenin pranch) ar repwe ureni pwe ir mi monatiw unusen ar ew na engon.

Seni ekkewe Pukefel

Ewe Aewin Presetensi, Mwichen ekkewe Engon me Ruemon Apostel, me Chon Nemeni Mwichen Pisoprik ra ekiek fiti iotek ifa ussun anounoun ewe mwonien ew na engon (nengeni Doctrine and Covenants 120).

Ewe Samon a fen pwon pwe I epwe suki “ekkewe asamwachon nang” nupwen sia monatiw ach ew na engong (nengeni Malachi 3:10).

Sipwe manau atun ewe Oruwen Wareto an ewe Samon ika sia monatiw ew ne engon (nengeni Doctrine and Covenants 64:23).

Met Ew Ne Engon A Kamotiw Ren

Sasingin Oakland Califonia Temple seni Longin Lonczyna Jr.

Kutta Pwan Ekkoch

Ika e wor ami kapas eis ussun ew na engon, oua tongeni kapas ngeni noumi mwan ika fefin chon iamwir, noumi sou emwenin wart ika pranch, ika ekkewe misineri.

© 2022 by Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun Porous ren Liaona Iteiten Maram, April 2022. Chuukese. 18318 901