Ɔfiɔŋ-ke-ɔfiɔŋ Etop Liahona , December 2022

Ntak Eke Nnyin Isikpede Mbak-duop

mme okuk-ukwak emi etumde-ebono

Mbon Ufɔk Abasi Jesus Christ Mme Ndisana Owo Ekpere Edem Usen eno Ufɔk Abasi kiet ke mbak-duop ke otu okuk-utom mmo. Ekot emi mbak-duop. Eda okuk emi enam utom Ufɔk Abasi ke ofuri ererimbot.

Nso Idi Mbak-duop?

Kiet kotu mbet Abasi edi ndikpe mbak-duop, emi edide kiet kotu okuk-utom nnyin duop, nnɔ Ufɔk Abasi Esie. Ke ini nnyin ikpede mbak-duop, nnyin iwut esit-ekom nnyin inɔ Abasi ke mme edidiɔŋ nnyin. Nnyin iwut ete ke nnyin imibuɔt-idem ke Jehovah ndien ke nnyin imiduak ndikop item Esie ke kpukpru nkpɔ.

mme owo edade nti-enɔ esɔk Melchizedek nte ekpekpede mbak-duop

Melchizedek—Andikpeme Ufɔk-nti-nkpɔ, otode Clark Kelley Price

Mme Mbuk Akani Testament

Ikɔt Abasi ema ekpe mbak-duop tɔtɔŋɔ ke mme ini Akani Testament. Nte uwutnkpɔ, Abraham ama ekpe mme mbak-duop (se Genesis 14:18–20). Nkani prophet eset nko ema ekpep mbet mbak-duop, ke esit edide Moses ye Malachi (se Leviticus 27:30–34; Nehemiah 10:35–37; Malachi 3:10).

Edifiak-men Mbet Mbak-duop ndi

Ke 1838, Prophet Joseph Smith ama obup Abasi danga mbon Ufɔk Abasi ekpekpe mbak-duop. Ewet ibɔrɔ eke Abasi ke Doctrine ye Covenants 119, emi ɔdɔhɔde ke mbon ufɔk Abasi enyene ndiyak kiet kotu udoro mmɔ duop nnɔ Ufɔk Abasi (se ufang Inang). Mme adausuŋ Ufɔk Abasi ema ekpep ete ke “udoro” ɔwɔrɔ okuk-utom.

mme owo ekɔmde ubɔk kini owo anyande efɔknwed kiet ɔnɔ owo eken

Ndise otode Jamie Dale Johnson

Nte Ekpede Mbak Duop

Nnyin imikeme mbak-duop ke ndiwet enɔ ke nwed nkpɔ-ofim ke donations.ChurchofJesusChrist.org. Mme ke nnyin imikeme ndiwet ke eke ikpa-babru inyuŋ ino owo bisopric mme branch presidency okuk. Enɔ kpukpru okuk eka akwa-itie Ufok Abasi, ke ebiet emi mme adausung Ufɔk Abasi (mbon First Presidency, Eboho mme Aposle Duopeba, ye Presiding Bishopric) edade akam ebiere se edidade okuk oro inam nkpɔ.

mme edidiɔŋ

Jehovah ama ɔnwɔŋɔ ete ke mbon emi ekpede mbak-duop eyebo edidiong ke ikpɔkidem ye ke spirit. Nko mbak-duop ɔdɔdiɔŋ ofuri nditɔ Abasi ye eti-ifet man ekpebe ebanga Enye ndien ekɔri ke ikɔ Abasi.

Temple eke Salt Lake

Danga Edade Oku Mbak-duop Enam Nkpɔ

Eda okuk mbak-duop ebɔp Ufɔk Abasi Ɔbɔŋ ke ofuri ererimbot. Emi esine ndibop mme temple ye mme ɔbɔbɔp ufɔk eke Ufɔk Abasi eken, ndiming nwed Abasi ye mme ememing nwed eken, ndisin-okuk ke mme ufoknwed emi Ufɔk Abasi enyenede, ye ndinwam utom family history ye eke ukwɔrɔ-ikɔ Abasi.

Edibiere Mbak-duop eke Ekpede ke Akpanikɔ

Inikiet ke isua kiet, mbon Ufok Abasi esobo ye bishop (mme branch president ) mmo man eting enɔ enye mme mmɔ edi mme eti ekpe mbak-duop.

Otode Ŋwed Abasi

Mbon First Presidency, Eboho mme Aposle Duopeba, ye Presiding Bishopric) edade akam ebiere se edidade okuk oro inam nkpɔ (se Doctrine ye Covenants 120).

Jehovah ama ɔnwɔŋɔ ete ke Enye eyeberede “window heaven” kini nnyin ikpede mbak-duop nnyin (se Malachi 3:10).

Eyenyanga nnyin kini Edidi Andinyanga Ɔyɔhɔ Ikaba edieke nnyin ikpede mbak-duop (se Doctrine ye Covenants 64:23).

Nkpo se Edade Mbak-duop Enam

Temple eke Oakland California

Ndise eke Temple eke Oakland California otode Longin Lonczyna Jr.

mme mbiet Nwed Mormon ke mme nsio-nsio usem

itie-mbono eke ufɔk Abasi

Yom Ediwak Nkpɔ Efen

Edieke mbufo enyenede mbume kabanga mbak-duop, afo emekeme nditing nnɔ ɔnɔ-unwam eyen-eka eren mme anwan, mme adausuŋ eke ward mme eke branch, mme ɔkwɔrɔ-ikɔ Abasi mbufo.

© 2022 otode Intellectual Reserve, Inc. Ekpeme kpukpru unen ndimiŋ. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ofiong-ke-ofiong Etop Liahona, December 2022. Efik. 18318 553