“Siantsir a Yetua Ebupɛn Du,” Liahona, 2022.
Bosoom Bosoom Liahona Amandzɛɛbɔ, Mumu 2022
Siantsir a Yetua Ebupɛn Du
Jesus Christ N’Asɔr a ɔwɔ hɔ ma Nda a Odzi Ekyir Ahotseweefo no asɔrmba dze hɔn akatua no mu nkyɛmu du mu kor ma Asɔr no. Iyi wɔfrɛ no ebupɛn du. Wɔdze sika no dzi Asɔr no mu dwuma wɔ wiadze mfɛndzanan nyina.
Ebɛnadze nye Ebupɛn Du?
Nyankopɔn ne mbransɛm no kor nye dɛ yetua ebupɛn du, a ɔno nye hɛn akatua no mu nkyɛmu du mu kor, dze ma N’Asɔr. Sɛ yetua hɛn ebupɛn du a, yɛkyerɛ hɛn ndaase ma Nyankopɔn wɔ hɛn nhyira horow. Yɛkyerɛ dɛ yɛwɔ awerɛhyɛmu wɔ Ewuradze mu na dɛ yɛwɔ pɛ dɛ yɛbɛyɛ setsie ama No wɔ adze nyina mu.
Ahyɛmu Dadaw mu Nkyerɛkyerɛ
Nyankopɔn no nkorɔfo etua ebupɛn du fitsi Ahyɛmu Dadaw mber. Mfatoho, Abraham tuaa ebupɛn du (hwɛ Genesis 14:18–20). Tsetse nkɔnhyɛfo a, Moses na Malachi kã ho so kyerɛkyerɛɛ ebupɛn du ho mbra (hwɛ Leviticus 27:30–34; Nehemiah 10:35–37; Malachi 3:10).
Ebupɛn Du Mbra ne Nsanananmu
Afe 1838 mu no, Nkɔnhyɛnyi Joseph Smith bisaa Ewuradze mbrɛ ɔwɔ dɛ Asɔrmba no si tua ebupɛn du ho asɛm. Ɔakyerɛɛw Ewuradze Ne nyiano no wɔ Nkyerɛkyerɛ na Ahyɛmudzi:119 mu, a ɔkã dɛ ɔwɔ dɛ asɔrmba no dze hɔn mfaso no mu nkyɛmu du no mu kor ma Asɔr no (hwɛ nyiyimu 4). Asɔr baanodzifo akyerɛkyerɛ dɛ “mfaso’’ n’asekyerɛ nye akatua.
Mfonyin a Jamie Dale Johnson twae
Mbrɛ Isi Tua Ebupɛn Du
Yebotum etua ebupɛn du ber a yɛkyerɛw no wɔ online ntoboa krataa no do wɔ donations.ChurchofJesusChrist.org. Anaaso yebotum akyerɛw wɔ krataa do na yɛdze sika no ama bishop na n’apamfo anaa nkorbata mu president na n’apamfo no hɔn mu kor. Wɔdze sika no nyinara kɔ Asɔr no n’asoe, bea a Asɔr baanodzifo (President a Odzi Kan na n’Apamfo, Asomafo Duebien no hɔn Quorum, na Bishopfo Baanodzifo na n’apamfo) mpaabɔ mu ara dwendwen mbrɛ wobesi dze bedzi dwuma ho.
Nhyira horow
Ewuradze abɔ anohoba dɛ wobehyira hɔn a wotua ebupɛn du no honam mu na sunsum mu. Ebupɛn du san so dze kwan a wɔdze bosũa No ho asɛm na woenyin wɔ kyerɛwsɛm no mu hyira Nyankopɔn ne mba nyina.
Mbrɛ Wosi Dze Ebupɛn du Ntoboa Dzi Dwuma
Wɔdze ebupɛn du sika no kyekyer Ewuradze N’Asɔr wɔ wiadze mfɛndzanan nyina mu. Worisi temple horow na Asɔr adan bi so, woritsimtsim kyerɛwsɛm na nwoma horow bi so, worutua Asɔr skuul horow ho kaw, na wɔroboa ebusua abakɔsɛm na asɛmpasomafo edwuma kã ho.
Tithing Declaration (Ebupɛn Ntuae ho Gyinabew)
Afehyia mu da kor no, Asɔrmba nye hɔn bishop (anaa nkorbata mu president) dzi ehyia na sɛ wotuaa hɔn ebupɛn du emudzi mu a wɔkã kyerɛ no.
Dza Ebupɛn Du Tua Ho Kaw
Oakland California Temple ho mfonyin a Longin Lonczyna Kakraba twae
© 2022 odzi wɔ Intellectual Reserve, Inc. All rights reserved. Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly Liahona Message, December 2022 ne Nkyerɛasee. Fante. 18318 502