Ozi Liahona Kwa ọnwa, Disemba 2022

Ihe Kpatara Anyị ji Akwụ Otu ụzọ n’ụzọ iri

Ndị otu Nzukọ nsọ Ahụ nke Jizọs Kraịst nke Ndị Nsọ Ụbọchị Ikpeazụ a na-enye Nzukọ nsọ otu ụzọ n’ụzọ iri nke ego ha na-enweta. Nke a ka a na-akpọ ịkwụ otu ụzọ n’ụzọ iri. Ego ahụ ka a na-eji arụ ọrụ nke Nzukọ nsọ na gburugburu ụwa.

Gịnị bụ Ịkwụ otu ụzọ n’ụzọ iri?

Otu n’ime iwu nsọ nke Chineke bụ ịkwụ otu ụzọ n’ụzọ iri, nke bụ otu ụzọ n’ụzọ iri nke ego anyị nwetara, nye Nzukọ nsọ Ya. Mgbe anyị kwụrụ otu ụzọ n’ụzọ iri, anyị na-egosi obi ekele anyị nye Chineke maka ngọzi anyị niile. Anyị na-egosi na anyị tụkwasịrị obi n’Onyenwe anyị ma na anyị dị na njikere irubere Ya isi n’ihe niile.

Melkizedek—Onye nche nke Ụlọ nkwakọba ihe, site n’aka Clark Kelley Price

Nkuzi niile nke Agba Ochie

Ndị nke Chineke a kwuwo otu ụzọ n’ụzọ iri kemgbe oge Agba Ochie. Iji maa atụ, Abraham kwụrụ otu ụzọ n’ụzọ iri niile (lee Jenesis 14:18-20). Iwu nke ịkwụ otu ụzọ n’ụzọ iri ka ndị amụma mgbe gboo, tinyere Mosis na Malakaị kuzikwara (lee Levitikọs 27:30–34; Nehemaya 10:35–37; Malakaị 3:10).

Mweghachite Iwu nke Ịkwụ otu ụzọ n’ụzọ iri

N’afọ 1838, Onye amụma Josef Smith jụrụ Onyenwe anyị ajụjụ otu ndị otu Nzukọ nsọ kwesịrị i si kwụọ otu ụzọ n’ụzọ iri. Azịza nke Onyenwe anyị ka e dere n’ime Ozizi na Ọgbụgba ndụ niile 119, nke na-asị na ndị otu kwesịrị inye Nzukọ nsọ otu ụzọ n’ụzọ iri nke mmụba ha (lee ama okwu nke 4). Ndị ndu Nzukọ nsọ a kuziwo na “mmụba” pụtara ego.

Foto site n’aka Jamie Dale Johnson

Otu e si Akwụ Otu ụzọ n’ụzọ iri

Anyị nwere ike kwụọ otu ụzọ n’ụzọ iri site n’idejupụta fọm onyinye dị n’ikuku na donations.ChurchofJesusChrist.org. Ma ọ bụ anyị nwere ike dejupụta otu akwụkwọ fọm ma nye otu n’ime ndị otu bishọp ma ọ bụ otu ndịisi ngalaba nta ego ahụ. Ego niile ka a na-ezipụ n’isi ụlọ ọrụ nke Nzukọ nsọ, ebe ndị ndu Nzukọ nsọ (Otu Ndịisi Mbụ, Kworum nke Ndị Ozi Iri na Abụọ, na Otu Bishọp Nduzi) na-ekpe ekpere iji kpebie otu e si eji ya eme ihe.

Ngọzi niile

Onyenwe anyị e kwewo nkwa na ndị ahụ na-akwụ otu ụzọ n’ụzọ iri ka a ga-agọzi n’anụ ahụ ma nime mmụọ. Otu ụzọ n’ụzọ iri na-agọzikwa ụmụ Chineke niile site n’inye ohere ịmụ maka Ya ma too n’ime ozi ọma.

Otu E si Emefu Ego Otu ụzọ n’ụzọ iri

Ego otu ụzọ n’ụzọ iri ka a na-eji ewulite Nzukọ nsọ nke Onyenwe anyị gburugburu ụwa. Nke a gụnyere ịrụ tempụl niile, na ụlọ Nzukọ nsọ ndị ọzọ, ibipụta akwụkwọ nsọ na akwụkwọ ndị ọzọ, itinye ego n’ụlọ akwụkwọ ndị nke Nzukọ nsọ nwe n’onwe ha, na inye aka na agụgụala ezi na ụlọ na ọru mgbasa ozi ọma.

Nkwupụta Otu ụzọ n’ụzọ iri

Otu ugboro kwa afọ, ndị otu Nzukọ nsọ na-agakwuru bishọp ha (ma ọ bụ onyeisi ngalaba nta) ịgwa ya ma ha bụ ndị na-akwụ otu ụzọ n’ụzọ iri n’uju.

Site na Akwụkwọ nsọ

Otu Ndịisi Mbụ, Kworum nke Ndị Ozi Iri na Abụọ, na Otu Bishọp Nduzi sitere n’ekpere ekpebi otu esi emefu ego ndị nke otu ụzọ n’ụzọ iri (lee Ozizi na Ọgbụgba ndụ niile 120).

Onyenwe anyị e kwewo nkwa na Ọ ga-emeghe “mpio ụlọ niile nke eluigwe” mgbe anyị kwụrụ otu ụzọ n’ụzọ iri anyị (lee Malakaị 3:10).

A ga-azọpụta anyị n’Ọbịbịa nke Ugboro Abụọ nke Onye Nzọpụta ma ọ bụrụ ma anyị akwụọ otu ụzọ n’ụzọ iri (lee Ozizi na Ogbụgba ndụ niile 64:23).

Ihe Otu ụzọ n’ụzọ iri Na-akwụ ụgwọ Maka

Foto nke Oakland California Tempụl site n’aka Longin Lonczyna Jr.

Chọpụtakwuo

Ọ bụrụ na ị nwere ajụjụ gbasara ịkwụ otu ụzọ n’ụzọ iri, i nwere ike ịgwa ụmụnne nwoke ma ọ bụ ụmụnne nwanyị ije ozi nlekọta gị, ndị ndu ngalaba ukwu ma ọ bụ ngalaba nta gị, ma ọ bụ ndị mgbasa ozi ọma.

© 2022 site n’aka Intellectual Reserve, Inc. Ike niile ka edokwara. Ebipụtara na USA. Nnabata n’asụsụ Bekee: 6/19. Nnabata ntụgharị asụsụ: 6/19. Ntụgharị asụsụ nke Ozi Liahona Kwa Ọnwa, Disemba 2022. Asụsụ.18318 593