“Etke Jej Kōļļā Juon M̧ōttan Jon̄oul,” Liaona, Tij. 2022.
Ennaan eo an Liaona Allōn̄ Otemjej, Tijem̧ba 2022
Etke Jej Kōļļā Juon M̧ōttan Jon̄oul
Membōr ro an Kabun̄ eo an Jisōs Kraist im Armej ro Rekwojarjar ilo Raan Ko Āliktata rej leļo̧k juon m̧ōttan jon̄oul in kōļļā ko aer n̄an Kabun̄ in. Menin ņae etan juon m̧ōttan jon̄oul. Jāān eo ej jerbal n̄an kōm̧m̧ane jerbal eo an Kabun̄ in ilo aolepān laļ in.
Ta in Juon M̧ōttan Jon̄oul?
Juon iaan kien ko an Anij ej n̄an kōļļā juon m̧ōttan jon̄oul, eo ej juon m̧ōttan jon̄oul in kōļļā ko ad, n̄an Kabun̄ eo An. N̄e jej kōļļā juon m̧ōttan jon̄oul, jej kwaļo̧k kam̧m̧oolol n̄an Anij kōn kōjeraam̧m̧an ko ad. Jej kwaļo̧k bwe jej ļōke Irooj im bwe jej m̧ōņōņō in pokake E ilo aolep men otemjeļo̧k.
Melchizedek—Keeper of the Storehouse, jān Clark Kelley Price
Katak ko an Kallim̧ur M̧okta
Armej ro an Anij rekar kōļļā juon m̧ōttan jon̄oul jān iien ko an Kallim̧ur M̧okta N̄an waanjon̄ak, Ebream ekar kōļļā juon m̧ōttan jon̄oul (lale Jenesis 14:18–20). Rikanaan ro etto rekar katakin kōn kien juon m̧ōttan jon̄oul, ekoba Moses im Malakai (lale Livitikōs 27:30–34; Nihimaia 10:35–37; Malakai 3:10).
Jepļaaktok eo an Kien Juon M̧ōttan Jon̄oul
Ilo 1838 eo, Rikanaan Josep Smith ekar kajjitōk ippān Irooj ekōjkan an ro uwaan Kabun̄ in aikuj kōļļā juon m̧ōttan jon̄oul. Uwaak eo an Irooj kar ļo̧o̧ke ilo Katak im Bujen Ko 119, eo ej ba bwe membōr ro rej aikuj leļo̧k juon m̧ōtta jon̄oul in ļapļo̧k eo aer n̄an Kabun̄ eo (lale eoon 4). Ritōl ro an Kabun̄ in rekar katakin bwe “ļapļo̧k” eo ej meļeļein wōņaer.
Pija jān Jamie Dale Johnson
Ekōjkan Kōļļā Juon M̧ōttan Jon̄oul
Jemaron̄ kōļļāik juon m̧ōttan jon̄oul eo ilo ad kanne boom̧ in leļo̧k (donation) eo ilo donations.ChurchofJesusChrist.org. Ak jemaron̄ kanne juon boom̧ peba eo im leļo̧k jāān eo n̄an juon membōr in bisoprik ak branch būreejtōnji eo. Aolepān jāān eo rej jilkinļo̧k n̄an opiij ko reļļap an Kabun̄ in, ijo ritōl ro an Kabun̄ in (Būreejtōnji eo Kein Kajuon, Doulul eo an Jon̄oulruo Rijilōk ro, im Bisoprik eo Eutiej ej Tōl) rej kanooj jar ilo aer kōm̧m̧ane kāālet ko kōn ekōjkan naaj kōjerbale.
Kōjeraam̧m̧an ko
Irooj ekar kallim̧ur bwe ro me rej kōļļā juon m̧ōttan jon̄oul renaaj jeraam̧m̧an ilo mour in kanniōk im ilo jetōb. Juon m̧ōttan jon̄oul eo ej barāinwōt kōjeraam̧m̧an aolep ajri ro nejin Anij kōn iien eo em̧m̧an n̄an ekkatak kōn E im eddōkļo̧k ilo gospel eo.
Ekōjkan Kōjerbal Jāān ko an Juon M̧ōttan Jon̄oul eo
Jāān in juon m̧ōttan jon̄oul eo ej jerbal n̄an kalōk Kabun̄ eo an Irooj aolepān laļ in. Menin ekitbuuj kalōk tampeļ ko im im̧ōko jet an im̧ōn Kabun̄ in, būrini jeje ko rekwojarjar im bok in kein katakin ko jet, kōļļāik jikuuļ ko an Kabun̄ in, im jipan̄ menmenbwij an baam̧le im jerbal in mijenede.
Kean̄ an Juon M̧ōttan Jon̄oul (Tithing Declaration)
Juon alen ilo juon iiō, membōr ro an Kabun̄ in rej ioon bisop eo aer (ak branch būreejtōn) eo n̄an jiron̄ e eļan̄n̄e rej rikōļļā juon m̧ōtta jon̄oul ro edipio aer kōļļā.
Ta Eo Juon M̧ōttan Jon̄oul Ej Jerbal N̄ane
Pija in Oakland California Tampeļ jān Longin Lonczyna Jr.
© 2022 jān Intellectual Reserve, Inc. Aolep jim̧we ko rej pād ie. Kar būriin ilo USA. Kōmālim ilo kajin English: 6/19. Kōmālim ukook eo: 6/19. Ukook eo an Monthly Liahona Message, December 2022. Marshallese. 18318 874