Bek el Buil Liahona, Klumech, Ongeteruich ma ongerul buil 2022

Ngera Uchul e Kede Melecha Ongeltacher

A rechad er a Ikelesia er a Uriul-klebesei el Santo a odars a teruich el basent ra kerekerengir el mora Ikelesia. Tiang a lomekedong er ngii el ongeltacher. Tial udoud a lousbech er ngii el mengetmokl a urellel a Ikelesia ra beluulechad el rokir.

Ngera Ongeltacher?

A tara llechul a Dios a harau a ongeltacher, el ngii a teruich el basent ra kerekernged, el mora Ikelesia er Ngii. Sel dolecha ongeltacher, eng omereng el saul el dolecholt el mora Dios ra klengeltengat el lomeskid. Kede chotii el kmo kede oumerang ra Rubak e kid a melmolem el loltirakl er Ngii ra rokui el tekoi.

Melchizedek—Keeper of the Storehouse, mlara Clark Kelley Price

Osisechakl er a Uodel Renged

A rechedal a Dios a di mla harau a ongeltacher er a taem er a Uodel Renged. Ma okesiul, a Abraham a mle harau a ongeltacher (mesa Genesis 14:18–20). A llechul a ongeltacher a dirrek el lulsisechakl er ngii a re profet ra chuodel, luldimukl ra Moses ma Malachi (mesa Leviticus 27:30–34; Nehemiah 10:35–37; Malachi 3:10).

Olutel a llechul a ongeltacher

Sera 1838, ea Prophet Joseph Smith a uleker ra Rubak el mekerang a rechedal a Ikelesia a bol harau a ongeltacher. A nger ra Rubak a llechukl el ngara Doctrine and Covenants 119, el kmu el kmo a rechedal a Ikelesia a kirir el melenget er a teruich el basent ra kerekerngir el mora Ikelesia (mesa ongeua el bades). A re mengeteklel a Ikelesia a mla olisechakl el kmo a “oleng” a belkul a kerekerngem.

Siasing el mlara Jamie Dale Johnson

Ng mekerang a de Harau a Ongeltacher

Ng sebeched el harau a ongeltacher sel doluches er sel babier el ngara online donation el ngara donations.ChurchofJesusChrist.org. Malechub eng sebeched el kudmeklii a babier ra ongeltacher lobengkel a udoud e msa chedal a bishopric malechub eng branch presidency. A rokui el udoud a mo durokl el mora klou el obis ra Ikelesia, el ngarngii a re mengeteklel a Ikelesia (sel Kot el Presidency, Chelechad er a re Teruich ma terung el Apostol, me a Presiding Bishopric) el meluluuch el melib el kmong mo ua ngerang omengitel a ikal ludoud.

Klengeltengat

A Rubak a mla yaksok el kmo tirkel harau a ongeltacher a mo mukngeltengat er tial klengar ma chedaol el klengar er tir. A ongeltacher a dirrek el lomekngeltengat ra rokui el ngelekel a Dios lokiu a techall el mo medengelii e mukeroul er a ebangkelio.

Ng Mekera Usbechellel a Udoud er a Ongeltacher

A udoud ra ongeltacher a lousbech el mengederodel ra Ikelesia ra Rubak el meliuekl ra beluulechad. Tiang a uldimukl ra okedecherul a reua templo ma bebil ra okedecheraol ra Ikelesia, meluches a chedaol llechukl ma bebil ra babier, omecheluchel a ikel skuul lorrurt a Ikelesia, e olengeseu a ureor ra reksi er a telungalk ma ureor ra kle misionarii.

Ouchasis el kirel a Ongeltacher el Omolechang

Ng di tang er a tal rak, e a chedal a Ikelesa a mo omes er a bishop (malechub a branch president) el mo ouchais er ngii el kmo te mui el harau a ongeltacher ng diak.

Ngara Chedaol Llechukl

A Kot el Presidency, me a Chelechad er a Teruich me a re Terung el Apostol, me a Presiding Bishopric a meluluuch el melib el kmong mo ua ngerang omengitel a ikal ludoud. (mesa Doctrine and Covenants 120).

A Rubak a mla yaksok el kmo Ngii a mo mekengii a “mado er a babeluades” sel de harau a ongeltacher (mesa Malachi 3:10).

Kede mo suobel sel Ongeru Lemei a Osobel alsekum e kede harau a ongeltacher(mesa Doctrine and Covenants 64:23).

A Ongeltacher Ng Mechoit el Kirel a Ngerang

Siasing e a Oakland California Temple mlara Longin Lonczyna Jr.

Lmuut el mo Medengei a Betok

A lsekum eng ngarngii a kerim el kirel ongeltacher, eng sebechem el mengedecheduch er tikrel mesiou el rodam me a rodos, ounerachel er a ikelesia, ma lechub a remisionari.

© 2022 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Monthly Liahona Message, December 2022. Palauan. 18318 881