Bek el Buil LiahonaKlumech, Kot el buil 2023

A Telungalek a Diak a Ulebengelel

telungalek el klikmechur

A telungalek a kmal moktek er a beluu me a Ikelesia. A rechedal a Ikelesia er a Jesus Kristo er a Uriul-klebesei el Santo a oumera el kmo a telungalek a diak a ulebengelel. Kede oureor el melisiich a telungalek er kid er a beluulechad. Kede dirrek loumerang el kmo ng sebeched el nguu a klengeltengat er a diak a ulebengelel telungalek.

Telungalek er a Dios

A rokui el chad el sechal me a redil a ngalek er a reng er a chedam me a chedil er a babeluades. Kede rokui el chedal a telungalek er a Dios. Kede rokui el ngarngii chedaol teleteled me a omerolled. A bo dekiei er a melemalt el klengar, eng sebeched el muut el mo er a Demad er a Babeluades el mo er a diak a ulebengelel telungalek er Ngii.

dirk mlo kaubuch el obekel el ngara ikrel a templo

Siasing er a merengel a chebechiil lulai er ngii a Joseph Kaluba

Diak a Ulebengelel Telungalek

A sechal ma redil sel bol bechiil ra templo e loltirakl a telbilir, ea chebechielir a melemolem el mora ulebongel. Tial chedaol ruoll ra templo okedongall el merenged. A rengalek el mechell ruriul er a lemerenged a rechad er a blirir a mechell ra chelsel tial telbiil. Ea rengalek el mechell ruchei ra lemerenged a rechad er a blirir a sebechir el mo merenged el mor tir ra chelsel a templo mel sebechir el mo telungalek el mora ulebongel. A rechedal a Ikelesia a meruul a reksi er a telungalek ma ureor ra templo mel sebechir lomak a telungalek er tir ra bek el telcheroll. A klengeltengat er a diak a ulebengelel telungalek a sebechel mo uaisei leng Jesus Kristo uchul me a Tngakireng er Ngii.

Chebechiil

A chebechiil er a delongelel a sechal me a redil a mechedaol er a Dios. A ebangkelio er a Jesus Kristo olisechakl er a rsechal me a redil kaubuch el mo oumera er a ta me a tang e kerekikl a telbiil ra chebechielir. Ng kirir el melemalt a uldesuir, omelkingir, me a omerellir. A chebechiil a tabesul deleuill, e a robekel a kirir el mengelechel, mengelaod, e olngeseu ra ta me a tang.

roungalek loba tolechoi

Roungalek me a Rengalek

A Dios a dilu er a Adam me a Eva el mo oungalek. A remengeteklel a Ikelesia a mla olisechakl el kmo tial llach a dirk ultaut. A rchedil ma rchedam a dmak loureor lomekeroul ra rengelekir loba beltikereng me a llemalt (mesa Doctrine and Covenants 68:25–28). A rengalek a mosisechakl el mo mengull e olngesenges er a rechad er a blirir (mesa Exodus 20:12).

Olisechakl me a Omesuub

A roungalek olisechakl ra rengelekir el mo oubeltikereng el mora Dios e oltirakl a Llechul. A klengar er a telungalek a meskid a techall el melchesuar a deureng e subii a kllouel reng e melatk er a rebebil. Aikaikid el blekeradel a ngosukid el mo uaia Dios e kidmeklid el mo kiei el ngara deureng el telungalek el mo cherechar.

Melisiich a Telungalek

Ngultuil er a ureor, blakereng, me a kllouelreng el toketekii a ungil telungalek. A osisechakl ra ebangkelio el uaia klaumerang, nglunguuch, beltikereng, ureor, me a ungil omilil a sebechel ngosukid el metik er a deureng er a telungalek. Ng dirrek el sebeched el ngmai chedaol ocholt el kmo ng mekera dolisiich a telungalek.

llecheklel a Jesus Kristo

Lecheklel a Kristo, mlara Heinrich Hofmann

Ngarngii el Klengeltengat el mora Rokui

Ng diak el rokui el chad a ngarngii a techellir el mo chedal a ungil telungalek er tial beluulechad. Eng di Dios a mla yaksok el kmo a rokui el chad loltirakl a Llechul a mo ngmai a rokui el klengeltengat ra diak a ulebengelel telungalek Ng sebeched el mo ultuil er Ngii e oumerang er sel Temel.

Ngara Chedaol Llechukl

A roungalek olisechakl ra rengelekir el mo kaubeltikereng e mesiou ra ta ma tang (mesa Mosiah 4:14–15).

A nglunguuch a smisiich a telungalek (mesa 3 Nephi 18:21).

Tirkel rrengodel er a templo a mo ngmai a diak a ulebengelel klengeltengat (mesa Doctrine and Covenants 132:19).

Tekoi el bo Dodengei

Chedaol teletelem: Blekeradel el dengilai er a Dios kid el Ngelekel er a reng.

Telbiil: Yaksok el deruul lobengkel a Dios. Ngii a yaksok a klengeltengat el mei er kid.

Mechedaol: Mekedmokl, okiu, modurch. “Mechedaol” a dirrek el sebechel belkul a kmo msa oba priesthood a ngerachel er a obis ra priesthood, e uaia deacon a lechub a elder.

Chedaol ocholt: Ulekrael chedaol tekoi ra Dios el mora Rengelekel ngara beluulechad.

Lmuut el mo Medengei a Betok

A omesubel aikel bla lolisechakl a reprofet er a uriul-klebesei el kirel a telungalek, eng sebechem el menguiu er sel “Telungalek: Chais el mora Beluulechad” er a ChurchofJesusChrist.org malechub eng Gospel Library app. A ward me a branch a ngarngii a chelechad er a Primary, Young Men, me a Young Women el kirir a rengalek me a rengeasek. Ng sebechem el mengedecheduch ra roungerachel me tirkel rodam ma rodos loldingel er kau el kmo ng mekera lengesukau el melisiich ra rengelekem.

© 2023 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Bek el buil Klumech er a Liahona, Kot el buil 2023. Language. 18904 000