Milwol ni Ngan Thapeg ko biney e Pul nifen e Liahona January 2023

Tabinaw nib Gubinfen

Pi sminmin ko tabinaw

Fare tabinaw ir e dayif nib moem nifan e gidii’ nge Galasia. Gidii’en Fare Galasia ku Yesus Kristus ni Fan ko Gidiiʼen Got ko Tin Tomur e Rran e michuwun’rad e tabinaw ra mang nib gubinfen. Gadad ma muruwel’ ni ngad gelnag e pi tabinaw u dakaen e feylang. Ya bay e mich rodad ni ngad thapeged e pi tawa’ath ko tabinaw nib gubinfen.

Fare Tabinaw rok Got

Gadad gubin e bitir nib thothup rorow e galibthir nu tharmiy. Gadad gubin e yang ku e tabinaw rok Got. Bay e rogon nib thothup rodad nge kanawo’ rodad. Fa’an ni ngad fasgad nib mat’aw, rayog ni ngad suloed nga pared ngak Chitimangdad nu tharmiy ulan e tabinaw rom ko manimus.

Gali cha’ney ni kar mabgol nib n’ew napan u wuru’ ko temple

Sasing ko mabgol rok Joseph Kaluba

Pi Tabinaw nib Gubinfen

Napan e pumo’on nge ppin nira mabgol u lane temple nge thapeg e pi micheg rorad, mabgol rorow ra mang nib gubinfen. Gam’ing ko temple nibe kanoeg e m’ag. Pi bitir ni ra gargelen tomur e m’ag rorad e galibthir nima thapeg e micheg ney. Pi bitir ni kar gargelen umon e m’ag rorad e galibthir rayog ni ngar m’ag ngorad ere ni ngar manged e tabinaw nib gubinfen. Chongin ko galasia be fal’eg e chepin ko tabinaw nge rrin’ e muruwel’ ko temple ere ni ngar m’ag e tabinaw uta’abang. Fare tawa’ath nifan e tabinaw nib gubinfen nike buch bachane Yesus Kristus nge Bayul rok’.

Mabgol

Mabgol ko e pumo’on nge ppin irma yibily nag ku Got. Machib rok Yesus Kristus ma weliy e figirngimed nge le’engiraed thingari de baen ngorad nge thapeg e micheg ko mabgol rorad. Yaed ba mang nib mat’aw u tafney, thin nge ngognol rorad. Mabgol ir e michmich nib ta’abrogon, nge yaed bat’uf ni ngar pi athamgil, gapas nge ayuweg ngorad.

galibthir ni bay e bitir

Pi galibthir nge Pifak

Got nike pii’ e motochiyel ngak Adam nge Eva ni ngar fakew e bitir. Tiyugang’ ko galasia niba machib e motochiyel ney ir ta’abrogon. Pi chitamangraed nge chitiningraed ma muruwel uta’abong ni ngar tugul nag e bitir ufithik e t’uf nge tin mat’aw (muguy ko Doctrine and Covenants 68:25–28). Pi bitir ma fil ni ngar t’uf nge liyor ngak e galibthir (muguy ko Exodus 20:12).

Sensey Nag nge Fil Nag

Galibthir ba fil ngak e pi bitir urogon ni ngar t’uf ngak Got nge fol pi motochiyel Rok. Yafo ulan e tabinaw ma pii’ e rogon ni ngad thameyed e t’uf nge fil nag e gum’aen nge pigpig. Pi’ney nima ayuwegdad ni ngad manged boed Got nge taer’madliydad ni ngad fasgad nib falfalaen’ ulan e tabinaw nib gubinfen.

Gelnag e Tabinaw

Bt’uf e ngongol, ba’adag, nge gum’aen ni ngam fal’eg e tabinaw nib fel’. Pi machib ko fare gospel woed mich, meybil, n’agfan, t’uf, muruwel’, nge madnam nib fel’ ra ayuwegdad ni ngad piryeged e falfalaen’ ulan e tabinaw. Rayog ni ngad thapeged e thogthog ni yib rok’ Got ngodad ere ni ngad nanged urogon ni ngad gelnag e tabinaw rodad.

Ya’an Yesus Kristus

Sasing ko Kristus, rok Heinrich Hofmann

Tawa’ath nifan Gubindad

Gathi gubindad ni kar thapeged e rogon ni ngar un’ed e tabinaw nib fel’ udakaen e feylang. Machane Got nike micheg ngodad urngin e bee’ nima fol e pi motochiyl nira thapeged gubin e tawa’ath nifan e tabinaw nib gubinfen. Rayog ni ngad pagaen’ romed ngak’ nge thapeg e mich marunga’agen e rogon Rok’.

Yib ko pi Chep nib Thothup

Galibthir ba fil ngak e pi bitir urugon ni ngar t’uf nge pigpig gad ngorad (muguy ko Mosiah 4:14–15).

Meybil nima gelnag e pi tabinaw (muguy ko 3 Nephi 18:21).

Pi’in ni ma m’agdad ulan e temple ra thapeged e pi tawa’ath nib gubinfen (muguy ko Doctrine and Covenants 132:19).

Thin ni nge Par u Wun’uy

Rogon nib thothup: Pi’nen ni ngad thapeged ngak Got bachane gadad e bitir nib ya’el rok.

Micheg nib thothup: Micheg gadad be fal’eg ngak Got. Ke micheg nima yibilynag dad

Ordained: Sunmiy, Fal’eg, fa yoeg. “Ordain” rayog ni nge bayip fan e ngiyal e bee’ bay e priesthood be thapeg e matawon ulan e yang ko fare priesthood, woed e deacon fa elder.

Thogthog: Gonop nima yib rok’ Got ngak e pi bitir Rok’ u faylang.

Gay Boech Morngaʼagen

Rayog ni ngam fil e pi’nen fapi profet u bin tomur e rran ni keyog marunga’agen e tabinaw, rangam bi’eg “The Family: A Proclamation to the World” ulan e ChurchofJesusChrist.org fa ulan fare Gospel Library app. Pi ward nge branch bay e pi ulungi ko primary, Young Men, nge Young Women nifan e bitir nge gidii’ nib yangren. Rayog ni ngam non ngak fapi tiyugan’ ney nge pi walagen nib ministering marunga’agen e rogon ni ngar ayuwegem nge gelnag e bitir rom.

© 2023 rok Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Ni pilyeg ko Monthly Liahona Message, January 2023. Language. 18904 905